[突發]我發現由九龍公園可以直達東京上野公園

三聯幫牟中三 · 2017-02-20T10:31:52+08:00

「嘩！正呀呢支日威香港賣二千幾架！」坐在機艙的經濟客位，友人阿潤拿著免稅店買的戰利品炫耀一番。「咁你係咪賣咗佢先！」Lung斜眼望向阿潤，「咁又唔係…好嘢自己飲嘛…」阿潤低聱說，「如果咁講，即係好似香港啲樓咁，出便賣貴賣平都唔關你事啦！」腎仔也搭嘴揶揄一番，「喂呀偉哥，幫幫手呀，好煩呀呢兩條友，又唔識貨！」阿潤對我說，「嗱，呢個我真係唔撐你嘞，賣出去賺咁多，梗係賣完大家食咗佢好過啦！自隊好傷身架！」我笑說，腎仔和Lung連聲附和，搞得阿潤急忙把酒藏好，生怕我們瘋起上來當真會把他的酒拿去賣掉。我與這三個損友相識差不多十載，從求學時期到踏進社會，我們每年總會想辦法一起去旅行，從年少時的貧困山區之旅，近年日本漸變成必然首選。沒辦法，工作纏身後沒法隨便請十幾二十天的假期，航程不遠、郊遊購物皆可、觀光點豐富且食物又要好吃多選擇，最完美必定是日本無異，其次便是台灣。