細細個俾親戚偷偷地同我父母講,話我唔係讀書嘅材料,結果被我聽到曬,父母冇反駁,個心涼到一個點,而家係嗰個親戚到打工,又要被問係咪讀屎片,一家人食飯又會有人同我講打依工冇前途.
咁我可以點,自己出嚟住認真講其實係被屋企人趕出嚟,讀書俾人扼左去讀垃圾嘢要重新開始,生活費同學費一開始話有需要出聲一定幫到最後每次都要好似乞食咁,連打份人工穩定嘅part-time都要笑膠我冇大志.我知我係玻璃心又天真到成個白痴咁,至少我好努力咁生活呀.好開心一直以來識到嘅朋友冇因為我唔wts佢哋而失聯,但係我都好想多啲同現實生活上面嘅交流
究竟點解我室友寧願同網友出去玩都唔同我去街市買餸,好想同朋友出去淨行街睇嘢,好想知道自己有咩缺點然後改咗去....有問過室友但係佢一咪話其實係佢唔習慣同其他人生活,所以懶理我.又話我係太貪心凡事唔係我想人地就會配合,我明嘅,只係咁多年我嘅生活三點一線所以好妒忌有人生嘅人啫.