絕望(已殁)
2019-06-21 03:36:50
其實香港同美國嘅精神科病人所接受嘅治療好相似, 就係主要靠見醫生攞藥物, 個原因都係一致,就係臨床心理治療費用高昂, 大部分病人負擔唔起, 香港公立醫院嘅服務都係醫生統籌, 絕大部分病人都只係用藥, 少數病人可以經醫生轉介幾個月見一次臨床心理學家, 或者安排由 實習心理治療嘅醫生數星期內每週一節嘅治療
問題係大量病人面對藥物無法醫治嘅疾病, 例如厭食症、暴食症等飲食失調、 各種嘅人格障礙
而藥物能夠醫治嘅疾病亦都有好大嘅局限性, 有唔少病人患有抗藥性精神病, 有啲病人甚至試過十幾種藥物都不能夠達致remission, 心理治療或是佢哋唯一希望
即使對藥物反應良好嘅病人, 經過一段時間,例如幾個月或者幾年之後, 病情都會有變, 而需要調整藥物
以上例子證明單靠藥物治療精神病係完全不足夠, 醫管局未能為有需要嘅病人提供每星期或每兩星期一節嘅臨床心理治療令到絕大部分病人都未能得到適當嘅治療, 而病人亦因為政府冇立法規管臨床心理學家呢個專業,令到唔少病人向資歷不足嘅人士求診, 最後不但損失金錢, 甚至導致病情惡化
絕望(已殁)
2019-06-21 03:47:05
其實呢位巴打講得好啱, 一般嚟講都係要兩樣睇曬, 至於邊樣睇先其實係冇所謂, 除非 你嘅情況好緊急, 例如處於自殺邊緣或者已經試過、 出現幻覺、幻聽、妄想等等psychotic features, 上述嘅例子當然係建議先接受精神科醫生嘅治療, 而部分和精神科醫生確診只係患有自閉症、 暴食症、厭食症、人格障礙等等藥物不能治療嘅病症, 而沒有其他藥物能夠有效治療嘅病症, 其實淨係睇臨床心理學家已經足夠, 精神科醫生都唔會有額外有效嘅方法幫到病人, 有啲病症例如精神分裂、schizoaffective disorder 、 躁鬱症 一型及二型會比較依賴藥物去醫治, 另一部分嘅病症例如cyclothymia, PTSD 則會比較依賴心理治療去醫治, 藥物效果比較差, 一般抑鬱焦慮其實兩種方法都同樣有效, 國際間大部分嘅專家都係建議同時接受藥物及心理治療
絕望(已殁)
2019-06-21 05:33:58
其實驚恐症係一個好好嘅例子藥物嘅作用有限, 抗抑鬱藥對佢嘅效果好有限, 鎮靜劑好有效但係會上癮, 同埋用得耐會出現抗藥性