抑鬱症圍爐區(3)

屌我以前係咁

我十年前都係抑鬱但係無斷症
只係兩年前睇到節目講抑鬱症
先知原來當時係抑鬱

依家走出左黎

當時生活上係做到 無咩分別
正 常人咁
但愈似正常愈討厭自己
好似生活緊一個非我咁
成日諗自殺 但係行動唔到
個非我拉住左自己唔淮我死

後來盧×彤自殺上報紙
我覺得佢係做左我無做既事
盧都係正正常常好突然咁自殺
佢仲約左人幾日後食飯

覆完診 隻藥加左份量 唉

星期六覆診，唔知有冇進步到

而且你仲食緊藥?睇落唔係剩係用藥咁易搞?

無食過藥
無斷過症
一路自己走過黎
最少估計抑鬱年期三年
當時都唔知自己有問題

覺得自己不存在或者存在係一種失敗
或者唔應該存在
咩都唔想做，覺得係被迫做一啲野
但係好自然表現成好正常
所以一般其他人完全唔知我唔想做
跟住會仲加覺得痛苦
會諗，死左就唔使咁多事
好撚憎自己，想殺死自己
諗足八年

依家其實算係走出左黎極大部份
我唔夠胆講係完全出左黎
有時都會感覺怪怪
但係好偶爾

無再諗自殺
都唔再覺得痛苦
但未算係生活開心

如果問我點走出黎
有少少難講
唔算係一般常用方法

其他人完全唔知? 係人面前好正常
知唔知因乜抑鬱? 如果係屋企真係慘

大家有無tg/line group圍下爐？

食緊pristiq, 5月開始減左藥，兩粒變一粒，但發現瞓覺差左，一瞓醒又出現返個人好重好攰無力咁。。。下星期覆診。。唔想又加返藥

巴打 同你一模一樣
但有時發作起上嚟真係好難頂 好怕有次我會真係落手自殺

點解你唔想加返藥去兩粒既？因為呢隻藥喺你身上有唔好既副作用？

你之前抑鬱症期間，係咪都係訓覺差、一瞓醒個人好重好攰無力咁架？

你不如睇下醫生喇。
你可以先去睇普通科私家醫生，講佢聽你情況，請佢寫信你睇政府精神科。

唔使
依家無哂事

果啲係十年前

其實係因為我好想當自己好返 做返正常人
仲有一年大學畢業 我呢年都好唔返就無得15蚊攞咁多藥
呢隻藥好好 無副作用
其實我仲要唔肯定自己有無bipolar 但學校無bipolar ge mood stablizer 之前出去睇bipolar好貴
而我其中一個depressed嘅原因 係因為我bisexual 呢你問題根本解決唔到
btw 我係櫻花樹下 我改左名

其實bisexual點解又會抑鬱呢？你bisexual既話，等於係比起其它人有更多選擇啊......... (比較起同性戀/異性戀者只有單一選擇)。所以好奇你為何會為bisexual而抑鬱。

我估你下星期見醫生，應如實講畀佢聽個情況，我估你會先加番藥。然後食一段時間穩定番後，等生活又settle好無咩壓力時至試下再減藥喇。

下次減藥時，可以減慢D，而唔好一次過減50mg desvenlafaxine(pristiq)；而係改為，減左50mg desvenlafaxine時，同時加番37.5mg venlafaxine或75mg venlafaxine。 [因為50mg desvenlafaxine好似等於100mg venlafaxine，但又因人而異]。然後等你食一排OK，至再減37.5mg venlafaxine。然後又係過一排無事的話，至再用同樣手法去慢減desvenlafaxine..........
到時問醫生吧。

不過有一樣野你而家要注意的，就係rebound effect呢個現象。呢個現象係，有D精神病人減藥或停藥後，精神病復發，結果呢個時候，原來的藥物劑量已變成"不足夠"治療，而變成要加劑量(或加其它藥入去)至夠。所以你減藥時，最緊要同醫生keep in touch。因為最壞既情況係，減藥失敗兼嚴重復發，而變成要食更加多既藥至夠。

因為我接受唔到自己唔係一個正常嘅男仔。。。 唔同一個普通男仔咁同女仔拍拖結婚生仔。。。最大問題係我容易追到男仔，但偏偏唔識追女仔。。。 所以覺得自己好唔正常

以前出去睇私家，食過幾隻ssri都無用。。。

我試下問下醫生可以點搞。。。其實我好想快d好返。。

其實唔使咁複雜, 藥廠係出咗25mg 嘅 pristiq 畀人減藥用, 如果原本食緊100mg, 無論係一粒過定係兩粒50mg, 都可以減到一粒50mg加一粒25mg, 我覺得呢位巴打最緊要係留意番自己係咪真係bipolar, bipolar 嘅病人如果淨係食抗抑鬱藥,病情會不斷惡化, 如果因為學校冇藥嘅話,其實可以叫醫生轉介去公立醫院