突擊
我們說著訴著,她突然感嘆起來,
「唉,傾得開心,聽日又放假,但諗起星期一要返工又會好唔想面對啦,都唔知又有咩黑仔嘢等緊我!」
「我以前都係咁,我最黑嗰時,試過校三個鬧鐘都可以一齊無電搞到遲到!」
她聽到後不禁一笑,
「又搞Gag哄我。」
「我講真架。」
她依然不信。
「唉,如果你係講真,你就好啦,由黑仔變到好好運!我就......」
話音未落,她再嘆了一口氣嚷道,
「講起我最近都成日遲到,一係唔知醒,一係就地鐵壞車。」
那一刻,我有一種想法,就是如果可以願望成真的話,希望「武田玲奈」可以幸運一點,畢竟聽著她所訴的苦,彷彿望見以前的自己。
「咁.....我星期一打畀你嗌你起身?」
「真嘅?」
我點了點頭,她回答,
「都好,多一個鬧鐘!但我六點九要起身喎。」
「得啦,無問題!」
她頓了一頓,雙手托著腮幫子,再用上楚楚可憐的眼神望著夜空,
「如果.....而家有流星嘅話,我一定會許願,希望可以好運返啲。唉,都唔知係咪今年犯太歲!」
也許,這是她的怨言或者苦中作樂的說話,但對我而言,是她的請求和祈願。
就在今晚,讓我當上她的流星,聽她許一次願,然後她真的可以幸運一點。
待續