接著，Kenny把那小杯的Shooter灌到我的口中後，眼前的景象變得十分虛幻，連坐起來也會感到腳步輕浮。
「Lego同你講樣嘢，知唔知2月14日係咩日子？」
「情人節囉。」
「知唔知對單身嘅人嚟講，情人節前係咩日子？」
「唔知！」
「係畀人處刑前單身嘅日子。」
「有無咁誇張呀？仲有4日喎！」
Kenny看了看手錶，
「係3日！」
他停頓了片刻，組織一下再對我說，
「唔洗理我誇唔誇張，班單身又飢渴又寂寞嘅女仔覺得係咁誇張咪得，做男人幾時都要用女人角度出發，點解最近個個男仔會一窩蜂咁去跟足韓風，明明自己內心都只係J啲韓妹條腿，但好憎韓劇？佢地真係覺得韓仔好型？講到尾係因為大部份啲女人覺得韓仔啲打扮好有型，而啲男仔希望同班女仔有共同話題共同想法，所以用女人角度出發，係溝女前嘅正確觀念。」
「我只係想講......你咁樣唔係做男人而係做厹！」
「NoNoNo！男人同厹其實只是立場唔同，你用男性角度去追求一位美女，喺個美女眼中其實你都係一隻厹，只係厹得哄唔哄到佢歡心，你用男朋友身份睇女朋友身邊嘅異性就緊係個個都係厹啦，但老實一句，有邊條女唔係班仔靠厹溝返嚟，話唔係都係呃你啦，男人本身就係一頭野獸！」
「.....OK u win！咁.....你今晚想點呀？」
「一場兄弟，我今晚就帶你玩盡佢。」
其實，這個時候我需要一張床讓我好好的睡一會，但我又不能就這樣離開開始醉掉的Kenny，如果可以又能夠一如Kenny所言陪他玩盡今晚，又可以有一張床讓我好好的睡一會就好了。
當時的我，確實是這樣祈願著，結果......
等大家在線啦
