在線上
「我表姐話過佢想做幼稚園老師教小朋友畫畫,佢話小朋友嘅畫作係世上最純潔嘅作品。」
「幼稚園老師?」
「一個咁純情咁有愛心,對生命咁有熱誠嘅女仔,到底嗰個人對佢做咗啲咩,畀佢見到啲咩會令佢霎時間放棄生命?我連想像都唔敢想像!」
那一刻,我再有一個願望,不知道我的幸運是否足夠如願,就是希望她可以找回那位表姐的好友,再揭開當年的真相,畢竟現在她的心靈就像一個發炎已久的傷口,是時候要好好處理一下,雖然過程很痛,但總好比現在的帶著怨恨活下去吧。
「咁係呢......工作上有咩嘢令你唔開心。」
我故意把話題扯開,工作的傷心事對比起親人離開的難過,前者較為「輕鬆」。
她愣了一愣,
「今個星期派咗個女高層暫時管理我地個部門,直到揾到個合適嘅人選之前都係佢做阿頭,咁今朝週會明明係佢報告,點知佢咩都無準備,仲無啦啦指住我話我做咩唔準備好份報告,叫我同其他同事今晚死都要死掂佢。」
正所謂,「女人做高層,快啲拜定神!」,原來這句話是對的,不信的話,大家看看現在香港的行政長官......
我沒有回應,一直聽她訴苦,
「唉,有時候女人做阿頭就好似玩5050咁,好嘅真係好好,衰嘅可以無理由咁針對人,可能個原因係佢睇你唔順眼,咁我又唔想其他同事無啦啦受連累,於是佢地每人做一Part,我就負責整合同埋執頭執尾。」
這一點其實並不是女上司和同事的專利,因為我深切體會過有些男人比起女人更加多是非,而且他們造謠的能力比女人更可怕。
「好啦好啦,唔洗咁灰心啦,因為你而家已經放咗工!」
她苦笑的望了我一眼,再抬起頭看著那片夜空,接著不禁嘆了一口氣,
「最近真係好黑。」