癌症患者(家屬)交流區，入嚟呻下交換下資訊乜都好啦！

有好轉已經係一個好開始 最緊要係全家人齊心，樂觀啲去面對
有好多例子都係 明明醫生話佢可能得返幾年命，但最後過左十幾廿年都冇事，而嗰班人都係呢段時間過得輕鬆開心
加油啊，去到療程中段可能你同屋企人都會覺得好攰，但呢段時間好快就會過去

我都怕會遺傳
我一幻想可能我將來都會經歷一次，我就更加覺得媽咪好辛苦，亦覺得佢好堅強

我聽日陪媽咪去醫院做電療個模啦 希望電療都一切順利！
聽晚再update做模詳情

我屋企人做模都好快，每日電療都只係幾個字。暫時未見佢有好攰。你今日順利嗎?

順利啊
請問你屋企人要做幾多次？

做15次，不過唔同case唔一樣啦。我之前有親戚子宮有事係做咗三十幾次。

今日去左法國醫院做電療既模&畫位
咁係身體上畫位係有兩個option既：A.紋一點點上去 B.用筆畫，之後再痴防水膠紙。
醫生聲稱紋點既痛楚係少過打針，但由於我媽前一日上網睇左人地啲blog，人地話超級痛痛到想死，所以我媽係揀左痴膠紙 咁沖涼既時候就要小心啲唔好整甩佢，特別係頭一次電療

據我媽口述，今日佢換左套衫後就要瞓係張床上面，雙手舉高擺頭大約10-15分鐘，俾醫生度位。佢話好攰
咁畫位完成後，仲要去做一個電腦掃描，都係15分鐘內完成，之後就走得

咁通常電療去到中期，就會出現副作用-皮膚紅/乾/裂(好似曬傷咁)。咁其實病人日常係可以搽cream，但最好就事先俾醫生睇一次成分有冇問題，同埋做電療4小時前都唔可以搽！係4小時！記住啊
同埋係電療開始至結束後兩星期期間，唔好用淋浴露洗接受電療既部位！
而衣著方面，就唔好著啲較緊/貼身既衫，盡量減少衣服同皮膚既磨擦。而去做電療時，就盡量唔好著有拉鍊既衫(例如牛仔褲)，因為做電療淨係會換上身衫，咁始終都係啲電流etc

帶返個頭盔先，以上建議都係醫生今日講既，而且都係根據我媽媽既情況，所以有可能同其他人有啲差別

皮膚有冇出現咩特別？

同埋，我媽媽既保險經紀兼朋友，今日俾左一盒馬油cream我地，話佢其中一個客之前都係電療(臉部)，佢keep住搽呢款cream，令皮膚去到療程完結都冇特別好紅腫，而佢既醫生都忍唔住問佢用乜cream 亦睇過成分係ok。



大家可以參考下 不過呢盒cream佢地係韓國買既，唔知hk有冇。

暫時未見有咩事，冇曬黑冇曬傷的情況

買定個血壓計係屋企
電療後日日同佢度，見到明顯低左要小心

電療期間，買營養奶俾佢飲打底會好d, 無咁易嘔

好，我都係第一次聽，呢幾日去買，多謝提醒

老豆啱啱確診第二代標靶藥抗藥性，要食第三代了
費用由9K一個月變到50k

一人生病全家受窮
仲有標靶藥對抗已經好好，幾貴都要俾架啦

都要俾

做咩BODY CHECK可以CHECK到初期CANCER?

之前睇咗本書，寫咗啲note，唔知有無用呢?
《癌症謬誤100解》
💡增加對癌症認識
1. TNM系統, Tumour (腫瘤的大小); Nymph node (腫瘤有否擴散至鄰近的淋巴結及其位置和數量); Metastasis (腫瘤有否出現遠端轉移) - 決定癌症期數
2. 遺傳性質, 帶有異變遺傳基因的婦女 brca1及brca2基因; 家族性結直腸息肉綜合症 FAP 大腸內患有數百計的瘜肉 (5050遺傳下一代)
3. 醫管局癌症資料統計, 癌症主要是較年長人士的疾病, 約62%的新癌症個案患者在60歲以上! 男性患癌年齡中位數為67歲，女性為61歲。
4. 癌症的治療方法, 主要是視乎癌症的種類和病情期數。e.g 早期的肺癌，乳癌，大腸癌一般以外科手術主導。晚期癌症可考慮化療，特定的基因異變使用標靶藥物 etc.. 。 同時醫生也考慮年齡，健康狀況，和對治療的耐受程度。總之，不同病人 不同病症 不同病情 不同體質，處理方法都不同。
5. 可預防的，健康的飲食及生活習慣，可預防3分之1嘅癌症。
6. 治療癌症以西醫為主導，尤其是早期癌症有很大的根治機會，更應以西醫的方法治療。 但若果能中西合壁互相配合取長補短可能是，較可取的做法。e.g接受西醫治療時出現副作用，可透過中醫藥減輕負作用和調理身體。
7. 建議患者可參考一至兩位腫瘤專科，醫生的意見再選定醫生之後，不要延遲，彼此保持信任和良好溝通。絕大部分腫瘤科醫生均會按病患者的病情， 並根據國際指引為病患者診治顧治療方向大同小異。
8. 放射治療和化學治療不一定會脫髮， 放射治療方面只要照射範圍並非頭部一般不會引致脫髮。化療藥物的確會引起脫髮但不是全部。
9. 化療會影響身體? 腫瘤本身也會導致患者食慾不振，消愁，虛弱，並非全部也有化療引起。(腫瘤本身會分泌細胞激素抑壓控制食慾的中樞)，(亦會改變人體的新陳代謝，使患者的熱量消耗增加，如攝取營養不足患者的體重便會下降，甚至造成肌肉的流失)
10. 接受化療後的首星期會出現胃口欠佳，疲倦等副作用。到第二及第三個星期情況理應漸漸改善，這段時間應該盡量進食營養豐富的食物，亦可飲用免疫營養配方飲品作補充及做適量運動。
11. 放射治療的副作用和後遺症不一定是永久性，放射治療的副作用和後遺症要視乎放射治療的位置和劑量。除了醫學科技進步，人體亦有自我修復機制，一般會隨著時日遂漸改善
12. 經外科手術切除癌細胞後，癌細胞有機會於手術前已循淋巴系統或血型轉移至身體其他部位。 而這些極微量的癌細胞轉移是肉眼，什至連正電子掃描(pet scan)和顯微鏡都看不見。 術後輔助治療就是為了進一步殲滅殘留於患者體內的癌細胞，將復發機會減至最低。
13. 患乳癌的風險因素包括: 1. 近親中有50歲以下的乳癌患者，2. 初經發生在12歲前 更年期停經出現在55歲後，3. 從未生育或35歲後才首次生育，4. 接受荷爾蒙補充療法達五年以上，5. 有吸煙酗酒習慣，6. 每週運動不足三小時
14. 經常捱夜或輪班工作者會較容易患癌，太夜/通宵會擾亂細胞分裂及DNA修補的時間表。壓力大會令皮質醇素分泌增加。夜間開燈工作會減少分泌抑壓腫瘤生長的褪黑色素。
15. 正電子素描 PET scan, 除非每月一次否則致癌機會很少 (視乎個別患者而定相隔多久才進行一次)。 醫生一般只會建議以下人士進行此檢查: 懷疑患上癌症的人士; 已確診的癌症患者 (PET scan 可偵測癌細胞有否出現轉移從而判斷癌症期數); 正接受治療的癌症患者，以追蹤病程及評估治療效果; 癌症康復者定期監察病情有否復發
16. 癌症患者治療期間，對蛋白質的需求量是平時的一倍半或以上，應吸收一些高質素的蛋白質例如蛋奶肉類海產和黃豆製品
17. 坊間所見的健康食品絕大部分缺乏符合醫學要求的高層次證據。在醫學角度而言所謂高層次的證據，是指至少需要通過第三期臨床研究，而人體臨床試驗總分為4期。 而進入人體臨床試驗之前，一種新藥必須先經過實驗室細胞系研究和動物自試驗，初步確認藥物的有效性，才可以進入人體臨床試驗。
18. 有部分癌症患者因胡亂服用中成藥，而影響肝腎功能，令白血球血 小板數目減少，需暫停治療，因而影響治療效果。
19. 隔夜飯菜或以微波爐翻熱食物並不會致癌，但由於食物存放期間容易滋生細菌， 故建議盡快進食已烹調的食物。

－－－－－－－－－－－－－－－－－－－－－

🔪外科手術切除
• 早期癌若能以外科手術切除腫瘤，根治機會提高
• 現發展到機械臂輔助手術 (微創手術) 減低了手術的創傷性，同時減少在手術中失血和發生併發症的機會，傷口少小，手術後復原更快，住院時間也縮短
• 有可能手術後，需接受輔助性治療，包括化療及電療，藉此鞏固療效，減低復發機會
• 除根治為目標外，有些外科手術也被用作控制症狀及減輕痛苦的方法

⚡放射治療 (電療)
• 體外放射治療 vs 體內放射治療
• 外: 利用(直線加速器產生之高流量放射線)嚟破壞癌細胞的DNA，令其失去分裂 生長 擴散的能力 (不會感痛，不帶輻射)
• 電療亦可用於手術前縮小腫瘤或手術後鞏固療效，亦可紓緩治療痛楚 減輕不適。
• 但接受電療間或會同時破壞正常細胞，視乎治療位置及劑量，可能發生副作用:
1. 疲倦: 因身會消耗能量來修復正常組織的損壞。只要多休息補充營養一般都能改善。
2. 皮膚反應: 接受電療部位，視乎劑量，皮膚可能會泛紅，發癢，顏色變深。隨後乾燥，脫皮，疼痛。患者應注意預防曬，及使用電療專用的潤膚來保護皮膚
3. 血球數量下降: 若電療牽涉大範圍的骨骼，可能導致白血球或血小板數量下降。如果發現白血球 血小板會暫時停止治療。建議多進食營養豐富的食物，需要時可飲用癌症病人專用的免疫營養配方飲品，有助提升血球數目
4. 口腔反應: (頭頸癌患者)接受電療時會增加蛀牙機會，應先檢查牙齒。另較易患上口腔黏膜炎，故應注意口腔衛生。要減輕口腔黏膜炎可使用鹽水，或醫生處方的漱口水漱口，亦使用軟毛牙刷及進食較軟和容易吞嚥的食物
5. 腸胃後應: 如果治療範圍涉及胃部會引起胃痛。 如果是腹部和盆腔部位會引起嘔心嘔吐腹瀉但通常不會太嚴重。 醫生可處方藥物舒緩這些副作用

🔬化學治療 (化療)
• 利用抗癌藥物破壞癌細胞並使其凋亡
• 化療藥物主要針對送速生長及分裂的細胞， 同時有機會破壞生長速度快的正常細胞
• 例如骨髓毛囊細胞口腔及腸胃黏膜細胞能
• 事實上根蓮花了有乜不斷改良副作用意越嚟越少
• 造成耳下常見的副作用:
1. 脫髮: 脫髮屬暫時性療程結束後無法表重新生長。 建議患者可使用質地柔軟和透氣的頭巾或帽子。
2. 噁心嘔吐: 這副作用的程度以越嚟越少，患者可透過醫生處方的特效止嘔藥予以控制。 患者應少食多餐避免進食煎炸，油膩，脹氣和刺激性食物。
3. 白血球減少: 化療可能抑制骨髓造血功能，引起白血球數量減少。白血球數目偏低，患者的抵抗力便會下降，容易發生感染。 患者應特別注意個人衛生，避免進食隔夜及未經煮熟的食物，並盡量少度人煙稠密的地方。 應多攝取蛋白質豐富的食物，或應根據個別患者的需要，為期其注射升白血球針。
4. 血小板減少: 這副作用會限制了用嘅的劑量。 消防止或盡量減少有中度智高風險的病人出血建議做法如下 - 避免肌肉注射，避免創傷，減少活動，避免使用會改變血小板功能或凝血功能的藥物，易用電鬚刨剃鬚，小心使用利器。
5. 腸胃反應: 會影響腸道黏膜細胞。腹瀉，應減少攝取奶類高纖維和肥膩的食物。 便秘， 則應多攝取水份和膳食纖維同時保持適量運動。 胃痛胃藥緩解不適。
6. 口腔潰瘍: 或者會感到口腔疼痛吞嚥困難。 患者應選擇溫度合而柔軟和兒吞嚥的食物，同時需注意口腔衛生，勤用生理鹽水畫或醫生處方的啷口水啷口。

🎯標靶藥物治療
• 針對與腫瘤生長相關的「靶點」 來抑制其生長 包括 與腫瘤生長相關的受體，基因，或訊息傳遞路徑，以及腫瘤血管增生因子
• 好處「殺錯良民」的情況大減， 更精準的，大大減低對正常細胞的傷害
• 副作用亦較傳統化療為輕，患者對治療的耐受程度較高
• 標靶藥物大致分為以下幾類:
1. 抗腫瘤血管增生: 抑制血管增生使腫瘤無法獲得生長所需的養分而死
2. 阻斷腫瘤細胞內訊息傳遞: 透過咗斷腫瘤細胞訊息傳遞來抑制腫瘤的生長及轉移
3. 針對癌細胞表面受體: 針對增生乳癌或對付大腸癌

🥊 免疫治療
• 免疫系統是人體的自我保護機制 製造白血球來對付不同外來入侵 而腫瘤細胞亦是為外敵
• 當少量癌細胞出現身體，多數能自行清除。但若數量增多，腫瘤會巧妙地掩飾自己的身份，腫瘤便會有機會逃避免疫系統的偵測 發展成癌 ( 腫瘤會分泌某些蛋白，它能欺騙免疫系統)
• 所以以藥物抑制，令免疫系統可回復攻擊腫瘤的功能
• 部分患者接受免疫治療後，會出現輕微副作用例如疲累
• #今年在中國內地流行採用的免疫治療細胞因子激活的殺手細胞 CIK，到目前為止仍未有任何嚴謹的臨床第三期研究證實是有效的 ，而且有一定的風險嚴重甚至會致命

👫🏻 荷爾蒙療法
• 某些癌細胞的生長會受荷爾蒙影響 減低體內雌/雄激素是治療的一種
• 暫時可分為口服及針劑，副作用相對較少
• 例如抑壓 乳癌 前列腺癌

可以講多D嗎？

一般康復者都好担心復發，而覆診過程往往都係做一d好簡單既問診，亦唔會每次都再抽血或同一部位照掃描造影。亦担心會唔會轉移。
觀察血液某酵素水平可以知道腫瘤是否再次形成，水平高的話再配合其他診斷方法可以更快偵察到，唔駛估估下。

好有用, 多謝巴打分享