癌症患者(家屬)交流區，入嚟呻下交換下資訊乜都好啦！

速癒素邊到買平？

唉
老爸有cholangiocarinoma，心情好複雜

應該係cholangiocarcinoma
最樂觀1年

老豆最近入左安寧病房
醫院有奶提供
之前買左幾箱ensure plus vanilla flavour嘅紙包奶係屋企用唔著

有冇人需要可以平啲比你
https://t.me/babyrices

呢度大家都好明白 但之後都要接受現實，至少諗下點樣好好咁用餘下既時間。你同uncle都要加油

覺得樓主你好叻，搵到咁多資訊。我嘅遺憾係無好似你諗得咁周全。希望你同屋企人都身體健康！

節哀順變，呢段日子辛苦了。
我屋企人都係腦腫瘤GBM... 知道有日都要面對就好驚...

對TMH紓緩病房感覺好差

同醫護人員講過好多次唔好再同病人講佢有幾嚴重同預計仲有幾耐命。佢入得黎都預左唔會耐，而且佢心理壓力好大，休息食野都已經唔夠
但醫生死人都要同病人講佢有幾嚴重幾耐命，聽完病人會大受打擊，求生意志盡失

殘廁上鎖唔俾病人用，而開放俾病人用嘅普通廁所廁格連輪椅都推唔到入去，沖涼位有一級好高嘅梯級

搞到最後段日子想幫屋企人沖個涼，等佢舒服啲都做唔到

床單污糟濕左想揾病房阿姐幫手換，由上午10點等到下午3,4點，其間不停推話轉頭換，等到家屬發火質問先肯換，而我親眼睇住啲阿姐係度行行企企

屋企人走嗰晚，隔離床係個全身癱瘓嘅叔叔，明明掛牌寫住每2個鐘要轉一次身，但我係度坐成晚都冇見過人入黎轉身

由於我屋企人走前好辛苦好痛，我出過幾次護士站叫人幫手打止痛針，都睇到成個病房嘅護士圍曬係度食宵夜，幾次過黎打針都西面，好似阻住佢地聚餐係我地錯咁



如果可以重新黎多次，我寧願行遠啲，交通費貴啲都一定唔會俾我屋企人去TMH紓緩病房


p.s.屋企人之前住過葛量洪，氣氛，環境，醫護人員態度都大大唔同，照顧得好好，屋企人住時話感覺似去左渡假村。而且醫護人員會肯同佢地傾下閒計，開解下佢地，病房阿姐清潔衞生，照顧病人飲食方面都好好

寫啦!
我都寫左俾幫左我地好多又好有心嘅醫護人員
希望佢地知道佢地做嘅野好有意義
好幫到我地

之後會有動力工作
繼續為其他病人&家屬服務

你都要加油，唔好傷心咁耐
之後重新出發
為媽咪振作生活呀！

啲親戚朋友當時怕我地睹物思人
叫我地將佢嘅野扔曬去
但我地唔捨得就由佢啲野放原位
最初覺得係屋企見到佢啲野好辛苦

但你可以同多啲身邊人傾下
將想同媽咪講嘅野好似寫信咁寫低


我最初都係咁
之後日日同人傾同人講
一掛住佢時就寫信
發現講得愈多次就愈舒發到情緒
慢慢個人就平靜落黎接受到

如果揾唔到人就上黎講啦
我會好樂意聽架
睇你post都唔係好耐前嘅事
辛苦都難免嘅
記住
time heals everything

以前親戚發現有肺癌，醫生話得翻唔夠1年命，之後轉睇一個收好貴嘅中醫，最終多左10年命先死。期間好似正常人咁生活，無咩大問題。

個中醫真係好勁，不過唔知重有無做

尋日完左最後一日電療啦！！
因為我媽咪既乳癌係三陰性，咁就要觀察五年，大約半年要返仁安check一次，如果五年後都冇復發，就叫做好返啦！
好想多謝你地每一個(雖然唔知仲有冇人會入嚟睇)，你地既鼓勵/經歷/意見都幫左我好多
希望大家都身體健康，抗癌中既就繼續保持希望，祝大家(既家人)早日康復

另外update少少野，我媽咪直到依家甩左一隻腳甲、兩隻指甲。痛就唔痛既，但腳甲都有用繃帶包住先著襪。
精神好好，但體能就差左好多，行多幾級樓梯都喘氣，我諗遲下慢慢同佢郁多啲就會好啲
頭髮係電療期間已經生緊啦！應該六月就唔洗戴假髮啦
btw佢做緊電療期間已經可以食返魚生/沙律(問過醫生)，佢勁開心

多謝你

癌症真是好可怕 轉移轉得好快 嚴重既仲會爆個傷口出黎 雖然好唔捨得爸爸 但佢走了都是一個解脫

老豆肺4今個月13係醫院過左身了...

果晚8點幾探完佢仲好好地係有D攰咁..番到屋企沖完涼出黎就收到醫院電話沖番去..去到已經得番好微弱既心跳好似訓著左咁..

前後到發現都係4個月左右...

親人早排因爲癌症過左身
希望各位定期帶阿爸阿媽去做身體健康，越早發現，越大機會康復！