癌症患者(家屬)交流區，入嚟呻下交換下資訊乜都好啦！

多謝鼓勵
本身冇特別信仰，阿媽都講過話喪事唔洗大搞，低調啲處理就得，同埋唔好醫到長期訓病床化療之類嘅要求。
當然我一定會尊重佢意願，我只係唔想佢好似咁快放棄左求生嘅希望，好似未審先判自己會死咁，我好想幫佢樂觀啲面對

依啲post真係好sad

大家都要加油，我屋企人係今月年頭確診cancer，開頭真係好難接受，因為個病影響到佢表達能力，好似突然之間所有野都冇哂咁。到而家算係接受咗，只係希望佢唔好太辛苦... 各位屋企人仲可以自由表達自己，仲行得走得就盡量陪伴多啲啦，每個人都會離開嘅一日，可以一齊陪佢行埋佢都係一種福氣呢～

早三個月有留過名，爸爸喺初期肝癌，有半邊肝切咗，得番半邊有肝硬化，嚟緊要化療兩次。

好好彩月頭做手術嘅時候切哂啲癌細胞，醫生無講有冇機會復發，但好彩當初咁啱檢查到有癌腫瘤，前後兩個月就做哂所有手術，錢就真係用哂屋企全副身家，但總好過冇咗爸爸。

大家都要繼續撐落去，天無絕人之路。

我老豆早幾日嘔血入左醫院
入左急症 之後入左icu
醫生照完ct話有個瘤係個肺到 食道附近 好大機會係癌
仲話個瘤好惡 好似海膽咁
話情況唔樂觀
到現家仲開緊鎮靜濟俾佢訓 驚佢一醒就咳 一咳就又嘔血

我現家完全唔知點算好...

「我一直以為人是慢慢變老的，其實不是，人是一瞬間變老的。」— 村上春樹


而一刻係爸爸身邊寫而一段說話，因為我好怕自己忘記左而段記憶同感覺。 今日晏就老豆已經不停呻吟同老母講話好辛苦，俾佢走。媽媽亦都應承佢俾佢走得舒服啲，叫醫生開左嗎啡針。但係由下午五點到而家佢都係訓下醒下，每次起身都叫好辛苦。而我可以做既野就只有今晚係醫院訓，同係佢身邊每次趁佢醒既時候幫佢轉下姿勢，令佢無咁氣促。

而一刻既佢下壓只有48。

抱歉爸爸，到今日我都事業未有成又未成家立室，只可以尋日第一次帶未來老婆黎見你。希望你俾勇氣我，陪埋你走最後一段路。

你媽媽應承uncle都需要好大勇氣，uncle有你同auntie咁照顧佢相信佢都可以比較舒服地行完人生路
呢段時間辛苦你啦

多謝樓主咁夜都回我
而一刻每個人都訓左，我都唔知可以同邊個講
岩岩換尿片，成塊都係血
下壓得返42

最慘係佢神智其實仲清醒

我日日咁嘅心情睇嚟我都就快生癌

推下先，希望幫到有需要既人

我媽媽原本有子宮肌肉癌，2b期，響今年2月切除咗
手術過程輸咗28包血製品，但醫生話生命力強，最後都冇事，順利切除曬啲腫瘤，令原本絕望嘅我地有翻希望

但直到今個月22號再去覆診，發現到膀胱隔離有硬塊，懷疑復發，所以即刻去咗照pet ct
姑娘今日打嚟話唔係開刀，星期一先去傾點處理同病情

聽到呢個消息又一次打咗我地落谷底

雖然我媽好堅強好捱得辛苦，但我真喺唔想做見到佢咁辛苦，上一次已經太痛苦，見住佢痛到郁唔到，只可以訓響床，一日瘦過一日。我仲好記得佢講過，可能死對佢黎講喺一種解脫

其實我明，真喺明，我接受到最壞結果，我只喺唔想面對痛苦嘅過程，而我就冇得幫佢承擔，分輕少少少痛

我媽媽成世都為咗屋企付出，冇享過福，因為本身有嚴重哮喘，更加冇得周圍去，只可以困響屋企，對住四面牆。我真喺好想做啲咩，令佢冇咁辛苦

係咪mmmt，如果係我媽媽都係同一個病
我明你感受，當初我係一路坐火車一路會自己喊
唔明點解要咁殘忍
只可以希望你努力加油陪多d佢
但唔開心都要搵人講
唔係你谷住谷住都會好辛苦
好彩我朋友同事都對我好好
會聽我呻
又幫我搵資料
要積極面對呀你！

聽左醫生點講先
應該到時會俾d選擇你，要問返家屬意向想點
適當時候要學識放手，人生漫漫長路，生老病死係必然要面對既事情

題外話：有冇人家屬需要骨針？ TG@SLQWER 詳談

其實癌症是因為食肉。嘗試食素吧。不食蛋及奶。你google 盧麗愛醫生

素食 豆類都有豐富蛋白質。不過要識得食。

叫我收皮。我都明白當下你好緊張。我不會叫番你收皮。純綷想講下自已所認知的東西,可能你覺得錯/不岩聽。


其實癌症是慢性病。
長期食肉,蛋,奶。會令身體發炎 ,最後成癌。所以要令身體免疫力盡快提高。

肯學肯聽,其實是好事。
我父母正正是癌症過身。
發現癌症醫左好年,死亡率都是好高。

然後見到素食,盧麗愛本書,就有感而發。

裡面講肉類 ,蛋,奶,好多激素,食完身體會發炎,你日日三餐食尼d,咪長期發炎羅。四五十歲咪會發現有癌,你搵腫瘤科醫生,又切又電又化, 最後咪又生番。最後仲快d死埋。

個d化療 咪就是核子能量,核子咪即是福島核電廠個d野。
個d化療藥,毒到pk 。食多排又失效。
根本永無止境。

根本就要從飲食改變根源。


香港有個女人30+就有子宮瘤,就快死。個個醫生叫他切。他最後素食,依家好健康甘。

癌症是吃出來的。其實個個人都有癌細胞,免疫力勁,就好像沒咩特別,像平常人。

我其實都覺得食肉類,荷出來的屎都特別臭,個身也很重。

食蛋類,食食下個胸會漲痛。
奶類 可以轉豆奶,沒咩所謂。

不過我仍然會食肉,蛋,奶,。。。夠香口。。。。

本書說:

素食+盡量生食(不煮熟d菜,保留維他命c,可以幫助人體修復)+粗糧(不食精製碳水,因為他會刺激生長素)