癌症患者(家屬)交流區，入嚟呻下交換下資訊乜都好啦！

呢度好多同路人
我地明白你

有無師兄有影全家幅studio/影樓介紹？
爸爸肺癌四期，想走之前影返次全家幅

未必有人有介紹，可能要去其他台問問
幫你推一推

媽媽肺腺4轉移上腦膜三個半月了
公立放棄 私家d盲試方法太貴負擔唔起
睇住佢反反復複惡化好心痛好攰 我都就黎捱唔住了

依家香港咁樣，屋企人又有事，你一定好辛苦追左你po，你已經好叻，自己一個頂住咁多野。
不過依家仲有接受緊治療？

同埋 如果想搵人呻
呢度 或者 tg 都係你樹窿，最緊要你唔好自己食晒

冇 不過聽過一個私家講可以比我盲試一隻標靶藥 但正路宜家香港買要5萬幾一個月冇資助
我冇跟佢買 走左去買呢隻標靶既仿製藥 經一個都ok可靠既台灣藥廠中介買 三千幾一個月 點都好 起碼比阿媽知道宜家試緊野而唔係等死
暫時未有好明顯效果 其實私家都講過盲試基本上得1-2成有效

三千幾一個月，對你嚟講應該都有一定負擔
呢隻藥有冇明顯副作用？

好彩呢隻藥算係最新一代 副作用好少 都係d輕微皮疹或者肚柯咁
媽媽一路都住緊舒緩病房 我見附近有一個女病友都係差唔多年紀 佢先生同我講佢都係肺癌上腦膜 但佢太太已經係成個人迷迷糊糊 lur下lur下 睇唔到野聽唔到野得翻軀殼咁 我好驚阿媽之後都係咁

冇乜副作用都算大幸，你同auntie都冇咁辛苦
最緊要呢段時間好好珍惜大家相處既時光，我都係係媽咪有事時先發現其實係我大左之後都冇好好相處過，雖然抗癌呢大半年過得好辛苦，成日自己偷偷地喊，但日見夜見我地之間都多左好多好多回憶，更加感受到對方既愛。而且每一日都係bonus，所以會更加珍惜。
巴打你想喊就喊出嚟
hug

我爸爸前天做完開腦手術，初步估計係惡性膠質腫瘤GBM,話係第三OR第四期，詳細要7日後等報告同轉介去腫瘤科先知下一部做D咩~~爸爸個腦有3粒腫瘤，剛手術只係切走左一粒，腦入面仲有兩粒話好接近手腳神經，太高風險....醫生話佢入面既腫瘤大得好快!而家我地一家都好徬徨...唔知點好...爸爸只係6X歲..唔知道有咩可以做到?上網睇得愈多資料，就愈害怕咁....亦唔知點同爸爸講清楚~媽媽本身又長期病...知道後都傷心都暈咁濟....爸爸仲未知道自己情況咁差...以為...食下藥就會好返~
各位絲打巴打,如果我爸爸咁既case,手術後可以煲D咩湯水或者食D咩有幫助?

大家好, 爸爸過年前痰有血, 照左PET CT同做左抽組織confirm左係腫瘤, 醫生話係肺腺癌, 已經第4期, 左右兩邊肺都有

因為想快D開始treatment就去左養和見左醫生同埋抽組織, 醫生開左第一代標靶藥, 兩星期後去QE復診,睇下D藥有咩效果
依家仲要安排照MRI, 因為唔知有冇擴散上腦

好擔心唔知隻藥有冇用,
有用又唔知可以有用幾耐幾時會有抗藥,
又驚如果上左腦唔知點算

我係家中獨女,
媽媽又有初期腦退化,
我一路諗住阿爸可以幫手睇住我媽
依家都唔知點
喊到眼淚都乾埋

有好多野都係我地冇辦法控制，最快都要等到復診先知可以做啲咩，呢段時間真係好難捱，但襯呢段時間睇下多啲資料都可以做好準備，將來冇咁吃力
你係仲讀緊書定啱啱出嚟做野經濟負擔到？

我出來做左幾年野, 好努力賺錢, 諗住可以孝順下兩老, 點知......

你仲有時間可以孝順佢地，唔好諗得太差住
雖然係第四期，但可以正常生活既例子都有好多，你可以傷心，但如果你都十分消極，又點樣帶領爸爸媽媽一齊過呢關呢
btw你爸爸本身有冇買保險？如果有都幫輕好多，但記得問定經紀每次覆診要攞返咩文件

cheer up

多謝你, 我都想我自己可以正面D樂觀D
老人家冇買保險, 都唔知D錢可以燒幾耐......

係因為打左免疫先變差?

係

做之前醫生有冇講過有咁既可能性?
有冇問醫生點解會咁?

問左 醫生話每個人副作用唔同

依家情況點呀?

入左醫院 一直用緊氧氣機 情況唔樂觀 啱啱確診個陣有問過醫生有幾耐時間 醫生話一年至年半 而家過左一年 已經咁嘅情況...