癌症患者(家屬)交流區，入嚟呻下交換下資訊乜都好啦！

有冇考慮睇多個醫生拎唔同意見?

當然有 諗住若然身體情況穩定就出去搵私家醫生睇下 但首先係要佢穩定先

好似有D醫生唔一定要病人親身去的, 家人帶資料去睇都得

你睇開政府定私家?

兩邊都有睇

兩個都係咁講?

私家個邊講到明要等媽咪好返啲出院轉私家先有其他辦法 但而家嘅情況只係每日比每日差 都抖唔到氣 連轉身都唔得 何況出院

祝福你媽咪奇蹟好轉, 睇到私家醫生

今日晏就媽咪安祥地走左 已經好掛住佢

保重

我屋企好簡單, 父母同我, 所以如果佢地有咩事, 就得返我一個了

腎4家屬lm

LM

胃3b家屬lm

推

其實電療化療係咪真係好痛苦
家母啱啱發現子宮有惡性腫瘤
已經擴散到肺
我唔知點算
好無助

唔痛的，係化療啲副作用令你個人覺得好攰&無食慾&影響外觀
你可以爬下文了解多少少做定心理準備
auntie有冇話去到第幾期？
呢度有好多同路人，u are not alone，爬完文有咩問題都可以打出嚟大家討論下

媽咪3月尾發現患乳癌 上星期做完手術
黎緊要化療電療
因為媽咪好貪靚 想問樓主假髮係邊買同埋過程會係點

我係旺角信和樓上十幾樓，過左一年唔記得名，但你search下應該就有，要預約既，上到去一個客一間房，姨姨就幫你試唔同假髮，但就算上去試完唔啱，啲姨姨都好好，唔怕尷尬，我都係第二次上去先買
我媽都勁貪靚，個假髮本身就好自然，但我媽覺得冇乜安全感，就會戴埋帽，所以我媽係嗰個period買左至少20頂帽

媽媽擴散咗，私家公立兩邊睇，岩岩係私家做完電療，症狀慢慢減緊以為要康復嘅時候，醫院計少咗兩日藥，佢以為唔洗食，自己又無出聲，前日癲癇入院，突然講唔到野行動唔到，醫院又唔比我探病，佢得我一個屋企人，成個感覺係晴天霹靂，本身仲講緊疫情完咗去旅行，突然就變到咁，好心痛。我自己都完全接受唔到，訓都訓唔到。

追完post更加心痛各位同路人，我好怕自己係下一個。