癌症患者(家屬)交流區，入嚟呻下交換下資訊乜都好啦！

婆婆同阿媽都有乳癌

婆婆喺我好細個時患，之後醫得返

阿媽就喺我9歲時患，反反覆覆咁治療都復發，喺我14歲時就走左了

我25歲一直好驚遺傳，好憎自己點解係女仔，雖然男性都有機會患乳癌，但女性機會大啲

諗起呢啲真係好不安

有考慮過做變性手術，第一自己唔中意做女仔，第二變性會切左個胸避免個危機

其實生CA慘啲定腎衰要洗腎慘啲

男性都有男性患者比例較高既癌症
根本依家好多人有cancer都係自己生活習慣影響
我都同你一樣好怕遺傳

我婆婆同阿媽都係唔煙唔酒，飲食健康，但係咁都患

PET Scan輻射唔算高
唔會成日做, 可以幫醫生咁準確知道癌細胞係邊個位置
通常公家會俾轉介信 (用 or 不用顯影劑), 去私家報價同檢查

無得驚咁多...活在當下!!!
如果屋企人有, 自己到咁上下年紀, 要每年都去做身體檢查
始終cancer要早發現先易醫

好詳細嘅資訊 多謝分享
樓主加油！
睇得出你地好積極面對
屋企人一定吉人天相！

黃就明醫生，非常專業放心去搵佢

係到講唔知有冇咩用
但上左年紀既屋企人好似阿爸阿媽咁
有咩小病小痛都要搵個好嘅醫生睇

前幾年屋企人腸癌過身
發現之前因爲持續便秘、去廁所有異常就去睇醫生
睇左一個普通門診 都去過公立醫院睇多次
兩個醫生都話痔瘡姐
見冇好轉再睇個出名少少嘅西醫
一睇就話佢cancer寫紙叫佢去qe
Check到過左一個月多啲就過左身 擴散得好快
未必關事但或多或少都懷疑因為醫生誤診而錯過左最佳醫治時間
由其好多病去到有明顯症狀時醫已經太遲

多謝你

啱，我媽咪之前眼有事，睇左幾個醫生都話淚囊發炎(全部都係私家專科醫生)，但最後睇到養和鄭醫生先知係菌入眼，好嚴重，唔係淚囊發炎。不過鄭醫生都話係special case，所以我地都冇怪之前班醫生斷錯症。
有時唔係醫生唔夠班/唔夠細心，而係有好多病既病徵可能都好似，甚至班醫生都未遇過呢啲情況。
如果有能力，只要唔係傷風感冒都應該搵啲好少少既醫生睇

同大家分享下係法國醫院做電療既費用



5200加12800係開始電療前既準備工作費用，包括整模etc.
43200先係電療費用。
所以醫院收費約六萬幾。(訂金20000
另外！化療既負責醫生都會收取設計電療既費用，咁我地嗰位腫瘤科醫生就收30000。
所以我地既電療費用總數係10萬內。

*每個人收費都會唔同，只供參考

點解唔係公立做？

之前所有手術治療一直都係私家做，而且私家態度環境之類點都會比公立好，醫護都好細心，所以就係私家做

希望大家同病患加油

親人乳癌 然後轉移左入骨同血
新年期間突然意識好左
會同人交流幾句又肯食野
(因為以前都係冇食欲 食乜嘔乜
又神志不清 以為自己仲係十幾年前返緊工)
新年後過左世 尋日完成左最後儀式
終於唔再痛啦 係上面要開開心心

媽咪前排confirm 有隻算罕有既癌
本身我自己對佢醫返好都有信心
但見佢好擔心，我就好傷心
我唔想冇咗佢

我明

傷心過後就要堅強
你見佢擔心你就傷心，同樣地佢如果見你積極佢就會樂觀，所以你同屋企人都要加油盡量向正面諗 對抗癌症真係最重要係心態！跟住醫生指示做足所有野，好返既機率都好大㗎！

感恩我屋企人無患癌症🙏🏻但係成日都好擔心佢地會有😢😢真係唔想父母有🙏🏻叫佢地做body check佢地有唔肯
最後你地同屋企人都要加油啊

你加油啊

多謝你地
未來既路好長，希望會有雨過天清既一日
我有時唔想喺媽媽面前喊，會返工放工時自己無啦啦喊
辭工又驚冇錢醫，因為父母都退咗休；返工又覺得陪唔到佢
將來多d黎依到吸多d正能量再俾返媽咪先得

50歲後就一定要逼下佢地check啦 佢地好多時都係覺得冇病冇痛唔好嘥錢，不過你講下 要有好身體先可以帶佢地周圍玩，佢地就好大機會乖乖地俾面你去check下

我之前都係自己一個嗰陣就會喊，一諗起就喊 不過過左一半化療就睇開左習慣左，知道例如甩頭髮都只係一時既事，總會好轉
係㗎，有時同路人先會最了解對方。
有一次化療，有個女人嚟左診所探醫生姑娘，原來佢係已經完晒療程幾個月，佢好靚又完全唔似有過cancer，頭髮又已經生左好多，令我媽咪好surprised，亦令佢冇咁擔心走樣既問題
又有一次，做做下化療(獨立房)，姑娘同一個女人入左嚟，原來個女人嗰日係最後一次化療，佢特登入嚟鼓勵我媽咪，話化療眨下眼就過，佢身體不嬲弱都捱得過，又提我地有咩唔食得。對我媽咪嚟講都係一個繼續向前行既動力，好多謝佢
癌症冇咁多人想像中咁恐怖，未必一定會令你變到好瘦又冇力又快擴散，仍然有好多人成功打低佢，所以你同媽咪都唔好咁絕望啊

我親戚又係法國醫院做電療
醫院都係收60000
但佢個醫生設計費收80000