癌症患者(家屬)交流區，入嚟呻下交換下資訊乜都好啦！

你真係好好既仔仔 你媽媽一定好欣慰

我屋企人淋巴癌要做PET
唔知係咪唔同癌唔同
問醫生好啲

留名

屋企人等緊報告，日日都訓唔著食唔落

心情低落真係好正常㗎，不過都記得點都食正常三餐啦，照顧好自己先可以照顧屋企人㗎嘛
希望你屋企人既報告係好結果加油加油

thanks,希望良性腫瘤

老豆自己就好似扮到好堅強，但老母成日喊，喊到話心口有d痛

自己講黎講去都係廢話唔知點安慰佢

我自己嗰陣都係扮到好堅強，但私底下成日偷偷地喊比起希望佢流露悲傷既一面，不如同佢去望吓海、食吓下午茶，做啲令人放鬆心情既活動
陪伴就係最好既安慰，唔洗覺得自己講廢話而感到有壓力

thanks,我都係盡量扮輕鬆

唔想影響佢地情緒

謝謝

唔洗客氣

係病人面前就算唔開心都要扮到好樂觀

爸爸腸癌四期（肝擴散），今日第一日做化療(oxaliplatin+口服xeloda)，佢話隻手有啲痹痛同一開眼有啲曚同有黑影咁，想知咁樣係咪正常副作用，搵暈周圍都冇人話個副作用係會咁

醫生點講？

驗左血有乙型肝炎，開左藥佢食，同建議佢去睇眼科

當年我屋企人做完成個化療都冇呢啲副作用
眼睛好重要，希望你屋企人睇完醫生冇事

想問下，我屋企人第1期，其實上年年中已經做完化療，上次複診抽血,跟住之後過左差唔多兩星期叫佢下個月再返一返去抽多次血（平時兩三個月抽一次）。搞到依家好緊張，究竟係關係到因為上次抽血佢係月經期間所以隱陣起見再抽多次定有特別野，因為以我聽其他癌友所知，有問題應該過幾日就call病人，會急d,唔會兩星期

想問下其他人，係公立做完化療康復後，有冇試過比醫院特別叫返去再復一次診，咁樣有冇咩特別意思？最慘係佢地次次check到冇事又唔會講，有事又唔知點，好似冇人性既機器咁跟程序工作，病人唔會知詳情