何wayne話高普連運氣都贏哥帥都無人講？

你咁講,何wayne更加証明唔到,佢要証明唔係9up幾句就得

誰是誰非唔敢講，不過兩種都唔同style啦

何Wayne
缺點:
1. 無歷史底蘊
2. 無踢開波，好多時講野都幾空泛
3. 主要都係睇英超同其他聯賽強隊，變左好多中小型球會同球員佢直頭唔識

優點:
1. 用自己理論將戰術複雜簡單化，受眾會易接受左
2. 出片密同短，好多球迷剩係想聽自己隊波，咁就夠哂方便


體嘢班人明顯睇好多波，見佢地成日拋書包就知，上至球員管理，下至球隊戰術佢地都有研究，咁就會全面d，不過次次都兩粒鐘，對於剩係想聽自己隊波既球迷就可能無咩興趣

如果講自大，我覺得兩邊都幾自大，但兩邊得閒都會聽下

剩係緊迫對手只會好容易俾人拉散條線
如果唔保持三線結構緊密之下，壓迫根本得啖笑。。。
點會講到壓迫同緊迫對手咁簡單，人地壓迫係三線一齊壓迫，縮黎防守，係三線一齊返去防守

拎依家最大例子 咪就係被炒前嘅摩佬囉
唔換位 防守時壓逼嘅密度同強度都唔高 下下係禁區塞人數

咁佢提出理論同理據，你就要提出駁論同理據，呢個係辯論基本原則黎
不過當事人都無開始辯論，純粹呢度係到講

人地駁你就要大把資料,
你立論就唔駛
你不如話目前黎講,何wayne仲未証明到仲啱啦

何輝就算係專業評述都係最top果班，何Wayne只係半途出家，拎佢同何輝直接比較又對佢有少少唔公平既

何輝勁在連球場草地都有研究可以吹一輪，佢又可以做到即場既戰術分析，所以真係要寫個服宇俾佢。

至於何Wayne, 初初睇過佢既片都俾佢既terms搞到有「咩黎架」既感覺，但佢解釋完就即刻有何輝果D反應

初初真係以為佢會係何輝面前發表果堆咩正三角形，倒三角形，主角，半主角，綠葉插入，超級連結人，但點知一下就俾佢偶像收左皮

唔作d term點搞到人當佢神咁拜

佢要寫一本自己既足球教科書

其他term係搞笑d

但正三角形，倒三角形好差咩?

反擊2個派牌型+1隻快馬=正三角形
反擊1個派牌型+2隻快馬=倒三角形

其實壓迫都有唔同嘅系統 而唔係真係靠人數去圍 唔洗去到3線一齊番去防守

肥普同高普都有講過 佢地兩個嘅壓迫係兩套唔嘅玩法

肥普個套通常都係一個埋 一個壓 一個拎第2點 從而令對方一係失控球於邊線 一係拎番第2點就重新組織同進攻
實際每一次壓迫動用到嘅人數 唔會太多 從而破壞自己個結構

根本係中場線都唔齊整，仲講咩壓迫密度同強度
係你壓迫做得係要講緊整齊同一致性，如果大家成日迫錯人，咁只會事倍功半，更加有可能因為咁出現空位俾人打穿
https://youtu.be/d8fVth3jW5M

無講過壓迫人數需要多，係講緊保持緊密，減少人地傳左前，因為壓迫關係而突然中間出現空位，俾人可以做野
從來壓迫要做得好係前面做上壓迫，後面就要配合保持緊密
所以一路而黎係講緊密同一致性，如果無呢兩樣野，都係講句，壓迫係得啖笑

就算好多人都覺得製作好認真既「理性足球分析」都試過俾何輝不點名批評話佢呢類馬後炮既戰術分析對戰局既即時變化同教練排陣戰術睇得太簡單。

仲記得果次「理性足球分析」出左段片講阿仙奴既戰術（講兩閘壓到勁上既果套戰術），無耐既何輝同何Wayne既直播就講套戰術，仲要不點名批評講分析呢套戰術既片睇得太簡單。

足球戰術理論真係博大精深

咁冇理由佢教唔出 就可以話幫佢駁護話唔洗做壓迫個啲嫁麻

我覺得不如大家開個po 集中討論陣式
呢個po 其實都好多理性討論
但只要一加人名就變盲反

印象中高登都只係集中討論過一次陣式演變
連登就全部都講youtuber 再罵戰

體野嗰班人連球員、領隊訪問都睇埋，加上人多，所以資料準備得好充足

何Wayne甚至理性足球分析呢d單人匹馬channel真係提供唔到咁豐富嘅資訊，所以後兩者主要都係睇返場波

所以依家好多時講嘅 就係要互相補位
點樣係一兩個失位之後 其他球員拉番埋個緊密程度

依樣野說實在唔係咩大學問丫
單純講overlap同講所謂十上十落就已經要知嫁啦

摩佬教波年代鬼有壓迫
玩壓迫都講緊地上最強
跟住高普又成
摩佬最強都係自己半場壓縮三條防線，等人地失誤，即刻靠快馬打反擊打天才波
況且唔太明咩幫駁護

之前wc佢出過段片講德國小組賽出局同二戰輸左原因一樣，之後是9但 9up歷史，俾人屌到最後成段片del 左

佢睇球員特性都唔係準晒嫁 佢果陣話干地80m買莫拉達好抵屌 雲加買拿卡係水魚 只係佢屌盧卡古個力度同聲浪最大 你地個個淨係記得佢屌盧卡古

其實一討論足球，呢個post提及過嘅channel一定自動波出現嫁啦，我諗而家香港一部分會睇波嘅人點都會接觸過以上嘅channel，兼且佢地嘅論點真係有得加以利用去討論，其實唔洗介意

要搞事嘅人就點都會搞事

不過足球討論post就真係可以開，成個連登波台都充滿住罵戰，想正正常常討論都難

佢仲話隊波可以冇世三
依嫁冇世三睇下你沙利可以進咩攻

我想講互相補位已經大學問
因為shift 位，補位係最易令到防線崩潰既情況，係無可奈何情況下先會咁做
所以點解要成日練3打3，2打2 ，甚至4打3,3打2,就係為左訓練球員係呢d 情況要作出正確做法
等同你考試都會狂操pp 一樣

個陣個摩佬 塞人數 都冇依家塞得咁鳩hea
係防守紀律個part真係教得好好

不過個陣唔係冇壓迫慨念 只係冇依家用得咁盡啫