[開心速遞]熊若水龔燁 供水線集中討論區（5）

呢集真係睇到好興奮，vol.3要加多幾題先得
順便預告下，vol.3聽日/後日會出㗎啦
我已經完成cap晒阿水40幾件返工衫嘅歷史任務
同埋阿龔其實都幾多件西裝

呢集feel到開始轉去阿水視覺，希望遲啲可以睇到阿水內心戲


我覺得有啲似去阿水視覺的趨勢
編劇大人那張龔水趴枱相
我研究咗好耐
點睇都似係阿水自動搭個頭埋去

再加埋今集
其實我覺得阿水肯主動向阿龔傾訴
會有一定程度的相熟程度，信任和好感先會咁

哈爾濱應該454？459？

40幾件
真係辛苦哂
期待vol.3

我仲未得閒溫書

講得好中point！呢集真係好滿意
門外睇水果度stanley真係做得好好！
好似feel到佢成個人睇到慶合合咁 但又怕怕醜偷睇又唔敢睇好耐
睇到佢叫傻婆都已經甜到咁 第時表白咁點算

「傻婆嚟嘅」令我即刻諗返起267報仇記
267嗰時阿龔仲未真正鍾意阿水，所以佢嗰句傻婆嚟嘅係少少調侃又覺得阿水cute嘅感覺
雖然係同一句，但係444阿龔講嘅時候多咗份寵溺，語氣都帶住甜蜜嘅笑意，同埋佢係笑咗一下先講，個表情show晒嗰種「呢個女人蠢到死但係我鐘意佢，冇辦法啦」嘅感覺，短短四個字已經睇得出阿龔對阿水嘅心境轉變
唔知係咪有心，但係咁連返去以前啲集數真係睇得出兩人關係昇華唔少
編劇同stanley真係做得好好呀

仲有呢 上次嘅傻婆係對住空氣講
今次已經對傻婆本人講

全集感想，今集十倍滿足

有時睇工水鬥氣覺得阿水太惡，可能聲大大用詞又mean(雖然好多時阿工都衰衰格格真係抵鬧)
唔知係咪俾三太恰到無晒精神，今集阿水好似無咁惡，連鬧人都帶啲撒嬌語氣 鬥氣位恰到好處，唔會鬥氣變鬧交

偷睇阿水嗰幕少年工(not 咸濕工 )又上線，阿工清澀純情嘅反差萌好正，好期待阿水發現阿工咁純情點反客主為主
不過我覺得阿工學習能力好高，可能一集已經由純情少年變老狐狸，睇怕阿水成世俾阿工食住

雖然我話過工水之前可能連朋友都唔算，但計落其實兩個人成日約食飯(雖然今集先真正見到工水撐枱腳)，仲成日上熊家，麻雀嗰集上熊家好似唔使名目自出自入，兩個人嘅關係真係有啲微妙

呢個位阿水都仲係否認緊阿工鐘意佢或者佢鐘意阿工，但我覺得就算阿水醒覺，兩個人都會有默契唔咁快將呢層紙撕開(其實係我想睇多啲兩個人曖昧 )

最重要今集無誤會，一天光晒(終於！)

換衫嗰場個反應世界級好睇,
做到想望加心動但又唔會變低級咸濕
我可以loop一萬次
(btw有時見大家話佢咸濕但我又唔覺,
算正常反應啦, 我覺得傻強嗰啲先係 )


如果當初陳師奶攞上熊家嘅係豬而唔係雞,
咁今集話阿水隻雞香過陳師奶嗰句...


btw阿水張相啲燈冇三太嗰啲打得咁好,
總監先生果然唔係專業攝影師

我諗話咸濕係調侃下佢 唔係認真/反感嗰種(如果係我 我當下都會望唔停 阿水換衫個影咁吸引
阿龔點睇都係純情少年派
見之前Jenny誘惑佢都嚇到噴涼茶

話時話，啲相唔係阿龔影嘅咩，佢做咩唔自己留底
睇嚟化身少年龔之後智商係會下降

呢集真係好好睇，睇多幾次又有新發現
一開始喺初戀cafe阿龔見到三太啲相啲反應真係一流，交足晒戲
之後阿水offer請佢食飯之後嗰個奸計得逞嘅笑聲真係好盞鬼，來回loop咗幾次
其實成集阿龔簡直計畫通，請君入甕咁氹阿水入局仲成功令佢主動求救又影豔照
不過千算萬算都算唔到自己會回到籃球賽嘅純情少男，唔記得留底，搞到畀阿水用性感豔照撚返轉頭
兩個人火花四濺得嚟又由平時阿龔單方面調戲阿水到阿水識得反擊，真係好好睇
如果宜家先搞我最喜愛主線大獎我肯定佢入到最後五強

痴線呢個位真係好好丁 Stanley d內心戲真心世界級 睇到我都嘴角上揚

係囉 求神拜佛唔好再cut內心戲
就係呢啲位我地先會狂loop幾十次

啲內心戲真係好帶到觀眾入戲！

講漏咗最後阿龔臨睇艷照嘅時候深呼吸抖大氣個樣真係好似懷春少年第一次睇艷照咁
總監大人內心小鹿亂撞個期待樣真係cute得嚟又唔會同阿龔本身角色性格有矛盾，呢啲位真係好考演技㗎
唔講住，我再loop多次呢集先

cafe果度一開頭鳩噏吹捧完三太但轉頭聽到三太話下次再激啲就即刻想嘔 勁好笑
阿水肯請佢食飯個笑聲好搞嘢，仲要勁自然咁掉啲花生殼落枱，有小小調皮嘅感覺
今集終於唔係誤會而且水水又冇再起哂槓
睇到到真係好開心好滿足

阿龔係睇水水嗰啲先唔嘔架咋

覺得最厲害係咁短時間（唔夠半個鐘）可以表達到咁多嘢出嚟
佩服劇組

今集真係甜到爆
只係睇到換衫個影都有咁嘅反應，純情到咁極度懷疑阿龔自May之後一直都無拍過拖甚至May都可能只係單戀對象 阿龔係睇Jenny條片都會生眼挑針嘅人，即係平時都無睇開甜嘢嘅純情男 已經ff到之後龔水喺埋一齊呢pair表面鬥氣內裡純情嘅畫面

宜家到安仔都feel到阿龔有意追二姨，熊家裡面有阿叔、大家姐、安仔都已經有咁嘅諗法。tree gun雖然無講出口但係心裡應該都好鐘意呢位二女婿，之後如果連紅衫魚都提醒阿水，到時水水係咪真係要認真諗一諗，回想下同阿龔一起嘅點滴，就算未去到沉船好感度都應該要up

ps我自已有時都會扮咕嚕講嘢 Stanley呢幕真係扮得好似
總結：呢集要無限loop至得

睇水水嗰啲咪食飯時既 lur飯應既樣

我最中意都係同枱食飯但私下whats app
呢個行為我自己覺得好曖昧

係呀，呢段隱約表現咗兩個人關係親密無比
不過其實可以成日上熊家痴餐都已經唔係普通同事

頭先翻睇龔水集數，睇到回水個集龔燁同佢呀爸傾偈個幕，龔燁呃水水話比人呃晒啲錢同訓街係開水水一個玩笑

我就諗其實龔燁呢個人應該真係學各位絲打話齋0戀愛經驗，點解可以咁樣當係玩笑，所以佢之後一直撚水水既其實都只係諗住同水水玩下，但其實冇諗過原來女仔跟本唔中意咁，吊佢仲以為咁樣好好玩

不過又或者可能佢知道水水既性格就係呢頭嬲完個頭就唔記得既性格，所以至玩佢吧。。。