如果有巴絲係冇啦啦開始胃氣脹,持續超過幾個月以上,睇醫生又驗唔出有咩特別病的話,可以試下跟我呢個方法,初期做幾日就會開始見到有改善
1. 戒口
戒口係重中之重,你戒唔到口就咩都唔洗講,所有茶啡奶油膩煎炸難消化凍野一定唔可以掂,係一次都唔掂得
2. 控制進食量
回氣初期盡量唔好食超過七成飽,可以選擇少食多餐
3. 多做運動
有鑑於長期食唔安訓唔落,身體入面啲五藏氣血肯定係非常之差,分分鐘仲衰過虧佬,所以想要腸胃好番一定要做運動去強化番全身氣血。每日最好做到上下午各一次三十分鐘帶氧運動。你可以做乜都得,掌上壓 sit up 跳繩 呼拉圈 原地跑 任你做,總之一定要做到個人全身出汗,喘曬氣果隻先有用。中間太攰頂唔順可以休息一兩分鐘再做。
4. 控制情緒
可能你一開始唔係因為壓力大而導致胃氣脹,但係你後期一定會因為長期胃氣搞到情緒受影響。除左壓力大,當你興奮 緊張 精神長期集中都會搞到你胃氣上升
呢一點要解決唔容易,你可以做嘅係盡量將精神focus番係做運動度,同時盡量減少沉迷打機玩電話煲劇呢啲廢青活動(唔好連續玩多過半個鐘),咁樣絕對可以令你情緒平穩啲
最後千歧唔好因為上面啲野似呀媽係女人就忽視,如果可以持續做到一個月包你藥到病除。
利申: 試過持續胃氣脹幾年,開頭只係冇乜胃口食飯,但係慢慢會惡化得好快。由冇胃口唔想食飯,變到,冇胃口但餓到仆街好想逼自己灌啲飯落肚都灌唔到,到最後餓到皮包骨嘅時候靠做運動一下搞返掂