有無巴絲長期受住胃脹肚脹之苦?

肋骨左下面係胃
至於肚嘅左右的確係大腸
正常腸胃有氣體係經放屁排出
你長期覺得漲已經係證明腸胃功能差
你平時去開大用好多廁紙先抹得乾淨？

有幽門螺旋菌唔一定係壞事
最新嘅研究係話如果你冇咗幽門螺旋菌會有更高風險有胃酸倒流
我自己都驗證左呢樣野
食完抗生素一年之後開始有胃酸倒流，之後開始仲開始有鼻敏感

你要做嘅係唔比佢差落去
西醫嘅套路開普通胃藥>>叫你照胃鏡>>話你個胃有發炎>>PPI 抗生素... 不停loop
當然你可以去睇西醫confirm先
不過我建議真係去睇中醫，行少好多冤枉路
依家睇中醫唔使自己煲藥，用熱水沖就得
平時覺得胃唔舒服可以用熱敷肚臍同雞心中間既位置
戒凍野最少半年
留意下自己會食咩有唔舒服
正路就菌類，蕉，芥蘭，奶類，貝殼類都唔掂得

Probiotics not always beneficial and may cause brain fogginess and severe bloating
https://newatlas.com/probiotic-brain-fog-bloating/55776/

probiotic唔一定係好野

因為份工食野訓教時間都唔定
返左一年開始腸胃長期都唔舒服
好易餓
食兩啖就好飽
成日覺得頂住頂住

之前同你差唔多
跟住一星期抽兩日食素
就改善左好Q多
爆石都可以準時爆到

我都有胃脹問題好幾年 又係得甘歲女
其實我覺得食藥 supplements 真心冇用
講到尾都係要養
戒凍飲 有氣飲品
唔食煎炸嘢呢啲基本 (但其實好難)
少食多餐 ⼀定唔可以俾自己餓住 唔好因爲脹住就唔食嘢
盡量唔好食 西蘭花 奶類製品 香蕉 太硬嘅嘢食
一定要養

你講嗰幾樣野我都好鐘意食

飲住益力多試下ok?
前面有巴打提議乳酪 但係又要戒奶類個堆野
有無衝突?

我又係長期胃痛，胃炎，胃氣脹 由細到大都係咁
睇多醫生好返少少，隔一排又再黎過
胃氣脹又err唔到，連屁都放唔到 又唔想成日食太多西藥控制，咁多年黎個心得就係擦白花油嗰類油，擦到個肚暖暖地，之後就有屁放到 不過總算叫做舒緩到胃氣脹呢個問題

啊 我仲有個技能就係好易嘔

我都睇醫生睇到怕 7-8月都睇左4次醫生
有時都會想嘔 係因為胃氣頂上黎
但其實嘔唔出野 會er到一大堆氣出黎

btw我擦均隆 但唔覺放到屁

我自從飲左少少酒之後就成日都有胃氣
依家都唔敢再飲

Try try白花油

我係由細到大咖啦，吹氣測試幽門螺旋菌又話我無菌 ，不過上網睇過有有一半人都有呢個菌 ，但我依然係有長期胃炎胃酸倒流問題
咩胃藥都食過 咩西藥都無用，上面啲巴打講得好啱，食野介口，仲有慢慢食係最重要，仲有食完野唔好俾自己瞓係到 覺得有種百病成醫嘅感覺

巴打你可能係胃寒呀，唔好飲啤酒，凍飲
真係想飲酒只能夠飲威士忌唔加冰

唔好諗住睇西醫會醫好你，西醫比啲胃藥、排氣藥都係治標不治本。

上邊已經好多巴絲推介你從生活習慣著手，正常要食足3餐，唔好skip早餐，食要食得慢，食到少許飽就收手。

你啲飲食習慣懷咗咁多年，你都要比啲耐性慢慢執返好啲習慣。

我以前都係咁，但無你嘔得咁勁，無乜點嘔，但就成日胃氣脹，成日er返啲氣出嚟，有一排仲胃酸倒流。

之後朋友介紹睇營養師減肥，每餐都計過份量，食得好清淡，再加上做適量運動，三個幾月成功減走三十磅，連帶胃酸倒流、胃氣都無埋。

所以我都幾肯定現今社會點解咁多人會咁，就係因為飲食習慣太差，通常都過飽，又食得快。

所以最好就係食得清淡，食得慢&唔好食太飽。

嚴格實行幾個月後就會體會得到。

飲下無妨，不過最好整暖少少先

易嘔都係脾胃差

唔食煎炸唔飲凍嘢剩飲水食嘢又定時
都唔知啲胃氣邊撚度嚟

醫生就會問你有無壓力
又會話情緒問題 做多d運動放鬆下

你地會唔會同時頭暈
我好多時胃脹加頭暈

我7月開始肚脹胃氣 到7月中有朝起身頭暈到仆街
天旋地轉 連彎低腰暈到失平衡
咁大個仔從未試過頭暈 即刻衝去睇醫生
結果就話耳水不平衡
之後頭又暈下痛下成個禮拜
屌都唔知惹左d咩衰野 身體唔舒服到依家

我又係腸胃唔好，間唔中食得多，夜晚訓覺陰陰痛，之前照過胃鏡腸鏡，冇問題，我份人又多嘢驚，肝腎都分別檢查過又係冇事


係個胰臟未檢查過，唔通

咁我應該唔會好返

same
仲有成日肚痾
成日返返下工搭搭下車突然肚痛到瀨咁濟
今朝就係咁