唔提劇情、感情描寫、人物塑造、世界觀駕馭，只講精神面貌：我就唔信凡係對知識有追求、關心思考、對世界未知抱有好奇心、渴望世界進步既人，會不被書中對知識既肯定，並指出必須要透過佢一步步貼近世界真實，從而推動社會發展既態度所觸動、感動
奧術不同及勝過一般玄幻既地方，係在於佢既設定同力量既想像唔係停留於無根之水，活係舊有既空想幻想之中；唔係單純一味盲目追求力量，而係可以用理論框架賦予佢地有力既基礎，係解釋現象、發掘未知、細心研究、努力求真、詮釋影響意義等等既過程當中真正地建立出一個力量、世界體系，進一步將相關設定帶「活」起來，進一步吸引讀者思考更多本質既問題，道出科學精神既重要性同吸引之處
