主角班老友已經好一排冇機會出現,依家主角開始接觸到上古時期嘅小部分真相
佢後面嘅進度唔只係曉飛,簡直係連續入咗n個蟲洞,每幾章去咗第二個次元咁。
我依家追都只係想睇佢到底可以作到幾大,佢吹到勁大得嚟唔知點解又唔會覺得唔合理
下面粉字劇透
有隻深淵真神分身就咗出嚟,九十九億世界層係神族創造出嚟抵抗佢,已經有九十億層被滅亡,所有霸主級人物收哂皮,剩低個九億層世界都就玩完;
現實世界,修行世界=六道輪迴世界碎片之一,六道輪迴世界=神族模仿上古人類建立嘅世界,暫時應該係對抗深淵真神分身嘅重點;
神族=上古人類嘅低級實驗品,上古人類進入咗「門」嘅另一邊之後就冇哂消息;天劍同地劍喺深淵兵器嘅其中一個部件,近古人族同神族能夠存活落嚟係因為隻深淵真神想佢地窮盡兩族之力整到嗰兩把劍出嚟
其實仲有一撚大堆設定都未接觸到,雖然我有信心作者會兜到返啲,但係因為實力暴漲而有班角色神隱係唔出奇。