[轉+自譯］有冇人想了解多啲日本/各地著名懸案（4）

成件事我覺得校長鬼鬼地
首先要個唐氏既係無成人陪同下行山已經夠ON9
如無意外三人組應該都唔鍾意真奈美, 邊有理由掉低自己組員係後面廿米唔理佢
之後校長見到三人組, 發覺真奈美大落後, 竟然唔係叫三人組TAKE CARE返佢

Agger
20米呢距離 具體上係點樣得出
當時證供具體上點講
20米係因為見到三人組同時 真奈美係佢地後面
定係用見到三人組同見到真奈美既時間差黎判斷
後來節目估算佢地距離係90米
邊面真係真相
校長識得企係橋口 防止學生行錯路
點解冇安排其他老師企係對面？

睇左幾個PO真係唔怪得逆轉裁判次次都係成步堂破案

BTW套片1:42:02有介紹同拍返名古屋西區主婦兇殺案 有興趣既巴絲可以睇返

圖12)遠道而來的斯奈德先生，現屬「Find Me」尋人組織(樓豬:尋人密探組..)

圖13)斯奈德指出現場附近有機會通向外來車道，不排除真奈美跑到車道上被撞倒，痕跡被涉事司機隱藏

圖14)測試以兒童步速從橋口走到另一端所需時間

圖15)由轉彎位走到校長與二個孩子相遇的地點約需2分鐘

圖16)疑問:假如校長即時轉身搵點解搵唔到?解:校長(藍)與兩人(黃)會面，聽取狀況至少都要4-5分鐘對話，呢短盒既數分鐘內真奈美已愈走愈深


2)真奈美日常情況
背景:
真奈美是家裡三姐妹中最年幼的一個，雖然患有唐氏症，對算術不擅長但學習能力卻很高，連續劇裡的對白很快就能學起來，對於長時間集中學習也有自信，要做的事一定會堅持到最後，還會用菜刀幫媽媽做飯。

在粉色的七夕許願紙條上面寫著「將來我要成為看護員照顧其他人」而媽媽的職業也是看護員。

圖17)斯奈德在聽取母親對真奈美的看法和性格等等，母親表示假如是平常一定不會讓她自己一個出門，會有姐姐陪伴她，另外也詢問了有關真奈美體力的問題，母親說平常這種路對真奈美一定沒問題的，只是會走得較慢。


圖18)斯奈德找來了兒童心理及唐氏症專家查詢，估計真奈美極有可能是為了找到朋友而不斷在森林裡行走，正如上面所說真奈美決定要做的事一定會堅持到最後，但沒有意識到走錯路，在沒有找到朋友的身影之前決不離開森林


事件重組:
圖19)斯奈德與日本方面重組現場，表示當日沒有人聽見叫喊聲亦沒有任何水聲。（排除浸死，走水路）

圖20)靈媒,透視能力師

圖21)透視師所感應的事物

圖22)二人後來帶同K-9來重新視察，但一無所獲

支持樓豬繼續post

我依然想問當日有無搵搜索犬聞吓

校長有一點好奇怪
正常見到有人落後
唔係會叫其他人等埋佢?
重要係呢d有特殊病既學生

「當中有誰說了謊言，比如校長和三人組的證言，真奈美在探索試膽活動時真的在場嗎?」

如果現場條件真係咁完美，睇黎都係有人講大話，唔一定係殺左或捉左佢咁嚴重，都有可能實際上係隔左好耐先發現佢唔見，為左逃避指責而謊報時間

呢個 最有可能
有疏忽但扮無疏忽

但三個𡃁妹又會肯同校長夾口供
最諗唔明係呢下

lm

點解個校長會係行咗上前
佢唔係要一直企係原先嗰度睇住之後嘅學生嘅咩

睇左兩星期，硬係覺得呢個case好鬼

點會無啦啦咁

我到宜家都唔明點解當時冇人會懷疑校長既口供
錄口供有4個人 , 但係得一個係成年人
小朋友口供又唔一定完全可信(唔一定唔會講大話)



好似上面巴打講
4個小朋友一組上山 , 但其中一個落後幾十米 .....
前面三個好似完全唔識真奈美咁
有時唔好當小五學生傻 ... 點會睇唔出真奈美個樣係同其他同學唔同
我當佢地唔識咩叫唐氏綜合症 , 咁都識問阿爸阿媽點解果個同學仔會咁既樣
小學欺凌事件睇得少咩？
文中又冇提及真奈美係學校同其他同學既關係係點 係本身冇朋友定唔敢講校內情況？
再者冇啦啦做乜得佢4個學生可試探路線
又得校長一個係橋頭睇
咁大個營好死唔死得校長一個睇水？
校長要做呢d嘢 ? 會唔會冇人手到咁
我當真係冇人手 . 你點都會係橋中心睇住啦 , 左右兩邊望肯定望得多個企角位望

另外09年係講三個男生 , 16年講三個女生
我排除係新聞講錯/樓主節錄有誤
如果係故意改成咁
就本身三個男生最有問題

以下係我推論
平時成班學生都會恰鳩真奈美
今次去camp都一樣想玩鳩佢
三個男生私下同佢講
"喂 . 真奈美不如我地三個同你去玩啦 , 見宜家時間咁早冇嘢做"
真奈美見難得有人搵佢玩緊係唔會say no (唐氏綜合症人士思想比較單純同天真 , 唔會太記仇)
之後就上到山見到綠色X位/其他位置 ,班男仔叫真奈美行先 , 同佢玩捉迷藏 , 幾分鐘後搵佢地 , 果三個男生就見佢on99 就緊係返camp 由鳩佢慢慢搵 ,咁真奈美個堅持性格實會愈搵愈入 , 最後盪失路
到集合果陣 , 三個男生發現真奈美仲未返黎 , 知道瀨大鑊屎 , 就同校長自首
校長緊係一知道就即刻去佢地放低真奈美個位搵 , 可能搵到但死左(熊？) / 失足跌落山坡/真係完全搵唔到 (當然死左可能性會更加大 , 事關唔死 , 最後蒲頭 , 校長同三個男生個大話就會爆煲)
跟住即刻搵班主任夾口供 , 搵三個女仔有份恰真奈美既出黎頂(小五女生思想比男生較為成熟 , 唔會易穿煲) , 威迫利誘下就夾左口供(可能保證唔駛做功課/考試有tips)
搞掂晒再去報警
咁就出現假密室失蹤案(其實d山坡唔係100% 爬唔到上去 , 密室都唔太算)

歡迎指出我推論既盲點/錯處

支持樓主 個post好好睇

我覺得樓上d巴打分析有道理 唔係真係失蹤 係學校有意隱瞞之前發生嘅意外

btw樓主有冇講過Blair Adams事件? 我覺得好玄

我有講 最初報導係三個男同學，但近年改左係三個女同學，原因冇明講，日本果度估當初三個男仔可能係想恰9佢，為左保果三個男仔而改做女，但唔知點解覺得女仔唔會恰9佢

Sor quote左好長唔識cut

唔緊要
日本學校校譽睇得好撚誇張
事關會影響殺校/離職
唔講三個學生 ,最起碼校長同班主任肯定冇得留低
小學 + 唐氏綜合症 + 欺凌 + 人為疏忽導致失蹤/死
呢個個keywords加埋就算放係香港一定大鑊到仆街 , 更何況日本(日本表面係好關注小童問題但唔會主動揭d 問題出黎 , eg少年法呢d 痴線法例)

所以校長明哲保身係好正常既觀點 , 但偏偏冇諗過佢可疑

我覺得應該冇咁複雜
個三人組無論男定女都好都係一支箭行左去唔理真奈美 由得佢on99一個咁行都擺到明唔妥佢 小學生就算唔係嚴重欺凌都會分黨分派啦
個10-20分鐘空白時間我諗行得幾慢都唔會拉得個廿米距離
所以最鬼係校長 個三條友搵校長個陣校長個位置已經唔同左 （佢都可以話係因為已經冇人玩所以離開崗位）記憶係可以捏造 更何況個三個細路根本唔撚care真奈美 得校長可以鳩up 見過真奈美 但又唔覺佢有咩動機殺個女仔

可能係因為校長見完個三人組行過 真奈美落後左個陣可能因為分心已經出左事/唔見人 到校長覺得唔對路個陣諗住行去搵個陣咁岩個三人組返黎都話唔見真奈美 只係落差時間太長 如果校長話一直都唔見佢肯定會上身俾人告疏忽照顧 所以先鳩up話見過佢經過 結論係真奈美消失既時間未必得2-3分鐘 可能更耐 失蹤地點更加未必得條橋個範圍

落手殺就肯定唔會係校長
完全冇動機


唯一一個問題
以09年既科技同資訊
當年失蹤唔識用警犬搵？
黑警完全係痴撚線 , hea到仆街
上個post果個少女失蹤 , 都有警犬
只係全部同時係某個位停左唔搵
我果陣睇post樓主有講過就算有人抱走人/物 , d警犬係會照跟到 , 一係直升機吊走 , 一係落左水 , 順水流走左
呢單連車路都冇 . 話有人拐走係接近零
(除非條友拐完就落左水 , 跟水流/逆水流走) 點解唔會係直升機呢 , 因為隔離係成個營 .... 直升機接近地面係嘈到仆街冇理由唔知(參考平時香港山火有直升機經過)


校長話"落左水冇理由唔知，唔會聽唔到"
點解佢對自己聽力咁有信心 ... 落小水溪唔一定大動作(真奈美自願情況下) , 小溪/河水流聲其實都幾大聲下 ....

個人認為4大可能性

1) 被動物吸引，唐氏性格較堅持，行到勁遠
2) 被河中生物吸引，唐氏性格較堅持，沿住河道行到勁遠
3) 玩捉伊因，做捉果個，一開始落後廿米係開始前倒數一百下，之後唐氏性格較堅持，行到勁遠
4) 被欺凌，話帶佢探險，之後賣甩佢，呢個係小學常見欺凌行為


我覺得2係比較大機會
因為警犬比日本黑警有用
而完全無味道追蹤到
係呢個post咁多單案都係因為去到水路而跟甩氣味

校長係有機會講大話
可以係自己係咪真係有企河邊同學生之間距離

其實校長講大話既就可以解答到成件事
首先個3人組由一開始就唔理真奈美自己行左去，佢地根本wfc以為真奈美會自己跟住行

之後係橋頭撞到校長，打完招呼就過橋繼續行
行多一陣佢地終於發覺真奈美唔撚係後面，打算返去搵，呢個時候校長都發覺點解等極都唔見真奈美，所以追上去問三人組

最後發覺真係唔見左，校長心諗大撚鑊，所以老作佢係橋頭見過真奈美，但突然就唔見左

而三人組都唔算講大話，因為佢地一直"以為"真奈美係後面跟住，結果就變成所謂密室失蹤

咁樣會唔會合理d

正話睇返近期呢單野既疑問，網民覺得有兩大重點係好撚詭：

1）男同學/女同學：呢樣我以為冇咩所謂既偏偏係日本網民認為最大問題同埋會影響成單案既起始結尾，例如佢地話電視女同學版會溫柔對真奈美講「一起走吧～」但假如事實係男同學版，男仔細個多數都唔會咁，本來就好少受女仔玩，可能根本冇當佢係同伴只係真奈美單方面跟隨所以先唔等佢，總之設定左係女同學既話好多point都會完全唔同哂

2）老母的反應：呢點我本身覺得係日本人性格，所以真奈美呀媽唔會特別追究間學校，但日本網民就唔係咁睇，佢地話唔理果三個同學點，校長係呢件事本身就責無旁貸，點計佢都要作出賠償/引咎辭職，但事實係佢老母咩都冇做，淨係一路話想個囡返黎，校長依然繼續返工做到退休

此外，仲有犯人係「真奈美熟人/親戚」既說法