[Live] 一個人的朝聖路 Camino de Santiago
首席鳩噏官
980 回覆
139 Like
2 Dislike
live.
好必需！
出發之前諗咗好耐帶唔帶 我個睡袋重1.35kg
嚟到之後晚晚都好好瞓 好彩有帶
出發之前諗咗好耐帶唔帶 我個睡袋重1.35kg
嚟到之後晚晚都好好瞓 好彩有帶
小update
繁星與風交匯之地
繁星與風交匯之地
經典場所啊…
Puente la Reina
€5
€5
第一次食paella好撚正
呢到真心正 不過好凍勁大風
睡袋一定要帶，有d albergue係無被, 得個枕頭only
我試咗好多次paella都唔好味
巴打有無咩小鎮非停不可
聽日開始唔想停喺大路城市
聽日開始唔想停喺大路城市
無幾多個大城市可以畀你停, 唔洗諗咁多正呀
知道呢個但唔知係邊
諗緊聽日停estella定再遠少少
知道呢個但唔知係邊
諗緊聽日停estella定再遠少少
LIVE 繼續留名支持 
我個時好似無停estella, 路過咗, 行咗去Villamayor de Monjardín, 但Monjardin 個度得2間 albergue, 我地成4點先去到, 一間full咗, 另一間4pm先開門, 我啱啱好住到, 遲半個鐘到嘅人已經無位, 逼住搭車...
Monjardin 上面個間albergue 家庭式, 我幾鍾意呢間
Monjardin 上面個間albergue 家庭式, 我幾鍾意呢間
原來我張相有時間, 係3pm 先啱好提議
聽日睇吓去唔去到先
聽日睇吓去唔去到先
有你繼續睇我就繼續update
Day 4
Pamplona - Puenta la Reina 24km
本來嘅計畫係停多一日喺Pamplona，結果城市都係唔啱我，繼續上路
再次六點都唔夠就自然醒，聽到人哋執嘢聲我先慢慢起床。要重申多次，每日都有動力起床嘅感覺真係好好。隔離床嘅荷蘭伯伯Paul一早就話有好消息，出面無落雨。呢個消息真係夠我開心成日。我對鞋都乾晒，我啲衫都乾晒，全身都乾嘅情況吓再出發，真係感謝上天。
七點都唔夠就出門，果然真係無雨。志汌仲咪咪麼麼刷緊牙，我dump低咗佢就自己出發了。加拿大Simon早過我出發，但行行吓喺我後面。
一早嘅城市如常地平靜，街上行人朝聖者都寥寥可數。天氣好，心情靚到不得了，要形容我自己嘅話，可以話係心情暢快、健步如飛、瘋瘋癲癲。一路行一路唱歌自言自語，一路玩弄手上嘅行山棍，行經每個路人都笑口噬噬講Hola。行行吓就個幾鐘，行咗出城市範圍，翻返去野外。
回到野外嘅感覺很好，風吹草動、鳥叫蟲嗚嘅聲音比城市嘅喧鬧聲動聽，半綠半黃嘅稻田亦比舊城建築動人。離開城市後一直都是微斜上山路，向著山上嘅風車緩步前進。回頭一望，城市已在身後數十里，山下嘅風景盡是綠草稻田。雖然天上仍密雲蓋頂，但望見遠處嘅藍天白雲已令人為之一振。
山腰有一個朝聖者嘅墳頭，我望住山下嘅風景，都幾羡慕佢。
上山路上再遇瑞典Patrick，噚日路上已經遇過一次，佢話我知英文姐姐Tina已經去到好遠。Patrick對鞋刮腳整傷，就咗踢拖就上山。
沿途上山嘅景象我並不陌生，因為我記起以前睇過嘅遊記。山頂係Camino嘅經典場地。Donde se cruza el camino del viento con el de las estrellas。中文譯名：繁星與風交匯之地。唔知係邊個高手翻譯，但呢個譯名真係靚到不得了。
山頂有幾塊鐵牌描繪著朝聖者嘅剪影，沒有繁星只有大風，吹到鐵牌發出噹噹聲響。雖然勁大風勁凍，但我都喺山上留咗一陣，想像吓「繁星與風交匯之地」呢個咁有詩意嘅地方。Patrick影完相就先走一步，山上淨低幾個西班牙朝聖者，興幸我有西班牙文少少少少底，用西文講咗兩句，佢哋又聽得文嘅感覺真係好好。我正常要走嘅時候，Simon都上到山頂了，打咗幾句招呼之後我就獨自上路了。
後來諗返，其中嘅繁星有另一個解讀。繁星可以指任何一個朝聖者，正因為朝聖者來自五湖四海，終點Santiago先有「繁星聚集之地」嘅別名。咁諗又好似解通咗「繁星與風交匯之地」，俗啲講即係「朝聖者食風之地」，成件事即刻唔同晒。
過咗山頂之後就係全程落坡，頭段係咗濕鳩碎石路，因為成地都係石仔，平時喺路邊嘅石塔變晒做小石山。
然後路況就開始平坦，眼下嘅風景依然係一大片等待成熟嘅稻田，望落去有唔同層次嘅綠色。白雲隙中開始露出小小藍天，地上時而出現自己被太陽曬過嘅身影。行到呢到都已經行咗幾個鐘，肚開始有啲餓，於是就將包花生放喺腰袋一路行一路食。太陽唔曬，嘆住靚景，散步嘅節奏，食埋花生，咁行都咪話唔嘆。
然後途經咗幾個寧靜小村小鎮，如果唔係時間仲早，我諗我會直接留低，因係佢哋一打開門嘅風景已經好迷人。經過Obanos嘅教堂，忍唔住入去參觀，原來神父一早坐咗喺入面等朝聖者經過，等住幫我哋蓋一個Obanos嘅印章。
再行多半個鐘，就到目的地Puente la Reina了，時間只係十二點半 。
到咗之後同Michele同志汌講聲，原來佢哋要去Puente la Reina幾分里外嘅Lorca，所以今晚我又有機會識朋友了。
行咗成日汗都無點出，直情係輕鬆享受地行，所以入冊之後涼都無沖就出咗去食飯閒逛。今日嘅Albergue只需俾€5，同之前唔同嘅係男女分房。隔離床係韓仔kitsu，無啦啦隊個手機嚟話我知佢英文唔好要用Google Translate。我問佢食唔食lunch佢答我一陣先，咁我就dump低佢自己食了。搵到間餐廳食咗個平靚正嘅paella，好好食，睇嚟以後會成日食佢了。
Puente la Reina係一個比Pamplona仲舊嘅小鎮，舊得嚟又有古色古香氣氛，一個鎮仔入面已經有三個舊教堂，舊嘢先有氣氛。
食完嘢行完就返Albergue沖涼洗衫，天氣已經好到藍天白雲，應該曬得乾啲衫喇啩。Albergue有個好大嘅花園，坐喺到曬吓太陽抖抖，真係好嘆。
Pamplona - Puenta la Reina 24km
本來嘅計畫係停多一日喺Pamplona，結果城市都係唔啱我，繼續上路
再次六點都唔夠就自然醒，聽到人哋執嘢聲我先慢慢起床。要重申多次，每日都有動力起床嘅感覺真係好好。隔離床嘅荷蘭伯伯Paul一早就話有好消息，出面無落雨。呢個消息真係夠我開心成日。我對鞋都乾晒，我啲衫都乾晒，全身都乾嘅情況吓再出發，真係感謝上天。
七點都唔夠就出門，果然真係無雨。志汌仲咪咪麼麼刷緊牙，我dump低咗佢就自己出發了。加拿大Simon早過我出發，但行行吓喺我後面。
一早嘅城市如常地平靜，街上行人朝聖者都寥寥可數。天氣好，心情靚到不得了，要形容我自己嘅話，可以話係心情暢快、健步如飛、瘋瘋癲癲。一路行一路唱歌自言自語，一路玩弄手上嘅行山棍，行經每個路人都笑口噬噬講Hola。行行吓就個幾鐘，行咗出城市範圍，翻返去野外。
回到野外嘅感覺很好，風吹草動、鳥叫蟲嗚嘅聲音比城市嘅喧鬧聲動聽，半綠半黃嘅稻田亦比舊城建築動人。離開城市後一直都是微斜上山路，向著山上嘅風車緩步前進。回頭一望，城市已在身後數十里，山下嘅風景盡是綠草稻田。雖然天上仍密雲蓋頂，但望見遠處嘅藍天白雲已令人為之一振。
山腰有一個朝聖者嘅墳頭，我望住山下嘅風景，都幾羡慕佢。
上山路上再遇瑞典Patrick，噚日路上已經遇過一次，佢話我知英文姐姐Tina已經去到好遠。Patrick對鞋刮腳整傷，就咗踢拖就上山。
沿途上山嘅景象我並不陌生，因為我記起以前睇過嘅遊記。山頂係Camino嘅經典場地。Donde se cruza el camino del viento con el de las estrellas。中文譯名：繁星與風交匯之地。唔知係邊個高手翻譯，但呢個譯名真係靚到不得了。
山頂有幾塊鐵牌描繪著朝聖者嘅剪影，沒有繁星只有大風，吹到鐵牌發出噹噹聲響。雖然勁大風勁凍，但我都喺山上留咗一陣，想像吓「繁星與風交匯之地」呢個咁有詩意嘅地方。Patrick影完相就先走一步，山上淨低幾個西班牙朝聖者，興幸我有西班牙文少少少少底，用西文講咗兩句，佢哋又聽得文嘅感覺真係好好。我正常要走嘅時候，Simon都上到山頂了，打咗幾句招呼之後我就獨自上路了。
後來諗返，其中嘅繁星有另一個解讀。繁星可以指任何一個朝聖者，正因為朝聖者來自五湖四海，終點Santiago先有「繁星聚集之地」嘅別名。咁諗又好似解通咗「繁星與風交匯之地」，俗啲講即係「朝聖者食風之地」，成件事即刻唔同晒。
過咗山頂之後就係全程落坡，頭段係咗濕鳩碎石路，因為成地都係石仔，平時喺路邊嘅石塔變晒做小石山。
然後路況就開始平坦，眼下嘅風景依然係一大片等待成熟嘅稻田，望落去有唔同層次嘅綠色。白雲隙中開始露出小小藍天，地上時而出現自己被太陽曬過嘅身影。行到呢到都已經行咗幾個鐘，肚開始有啲餓，於是就將包花生放喺腰袋一路行一路食。太陽唔曬，嘆住靚景，散步嘅節奏，食埋花生，咁行都咪話唔嘆。
然後途經咗幾個寧靜小村小鎮，如果唔係時間仲早，我諗我會直接留低，因係佢哋一打開門嘅風景已經好迷人。經過Obanos嘅教堂，忍唔住入去參觀，原來神父一早坐咗喺入面等朝聖者經過，等住幫我哋蓋一個Obanos嘅印章。
再行多半個鐘，就到目的地Puente la Reina了，時間只係十二點半 。到咗之後同Michele同志汌講聲，原來佢哋要去Puente la Reina幾分里外嘅Lorca，所以今晚我又有機會識朋友了。
行咗成日汗都無點出，直情係輕鬆享受地行，所以入冊之後涼都無沖就出咗去食飯閒逛。今日嘅Albergue只需俾€5，同之前唔同嘅係男女分房。隔離床係韓仔kitsu，無啦啦隊個手機嚟話我知佢英文唔好要用Google Translate。我問佢食唔食lunch佢答我一陣先，咁我就dump低佢自己食了。搵到間餐廳食咗個平靚正嘅paella，好好食，睇嚟以後會成日食佢了。
Puente la Reina係一個比Pamplona仲舊嘅小鎮，舊得嚟又有古色古香氣氛，一個鎮仔入面已經有三個舊教堂，舊嘢先有氣氛。
食完嘢行完就返Albergue沖涼洗衫，天氣已經好到藍天白雲，應該曬得乾啲衫喇啩。Albergue有個好大嘅花園，坐喺到曬吓太陽抖抖，真係好嘆。
嘆完就出去行多圈，行完多圈又返去嘆，睇吓R唔R到飯腳，結果都係無嘅，唯有自己出去食啦。喺餐廳坐低咗之後，見到法國叔叔Gi喺隔離自己坐，於是就揮手叫佢一齊食，估唔到呢吓小小嘅動作，為我帶嚟可能係全程Camino入面對我影響最深嘅人之一。
同伯伯傾多兩句，先發現佢唔係法國人，而係嚟自加拿大Quebec，因為Quebec係講法文，之前我就係咁誤會咗。伯伯個名正式串法係Guy，讀音都係嘰。
同其他朝聖者一樣，我哋都分享自己嘅城市同所見所聞。原來我哋認識一啲共同Camino Friend，原來噚日意大利妹Silvia同我哋分開咗之後就遇到Guy，Guy仲話佢好好傾好搞笑。唔知Slivia今日去到邊呢？
我同Guy年紀相差成三十年，但竟然好多諗法都係一樣。今日獨行嘅時候，我自己喺到諗，壞咗相機會唔會其實唔係一件壞事呢，我唔使行十五分鐘就影一張相，可以專心行路同思考。雖然相一定會影，但起碼唔會咁沉迷。我同Guy講起壞相機，佢同我講嘅嘢竟然同我嘅諗法完全相同，仲話我睇到嘅樣依家唔會局限喺鏡頭入面，影得再靚嘅相都只不過係無靈魂嘅躺殼。佢的確講得無錯，自從壞咗相機之後，我行路嘅時候唔會淨係諗點影好一張相，就算用手機影相都係為咗簡單紀錄而鳩影。
然後我哋又講到佢出發之前剃頭剃鬚，佢唔係第一個咁做嘅人，噚日隔離床吓光韓國女都係，當然仲有我都係。我話以前喺香港已經想試吓光頭好耐，但驚俾人笑所以一直無做。佢一句就車埋嚟，「人哋笑你係人哋有問題，只要你為人值得人專重，人哋笑你就係佢唔啱，使咩要活喺人哋嘅眼中。」佢講嘅說話的確有道理，但現實世界又係咪咁呢？
同Guy傾嘅話題越嚟越深入。講起我同佢嘅第一次相遇係SJPP同房，後來喺Roncesvalle重遇，今日係第三次見到佢。佢記得每一個遇過嘅人名，話咁樣係一份尊重。佢話當初記得我係因為SJPP嗰陣，我問過佢要唔要食糖，嗰個小小嘅舉動佢四日之後都仲記得，老實講我自己都無印象了。佢話，一個善意嘅小小動作，就已經睇出我係一個好人，一個派糖、一個揮手邀請進餐，都可以係一個好有力量嘅動作。做嘅人可能有心無意，但對另一方嘅印象可以好深。我話，我都唔知點解會咁做，想做咪做囉。佢好認真咁答我，你願意分享、願意同陌生人傾偈食飯，已經證明咗你係一個好人。但喺香港做好人好難，尤其喺咁冷漠嘅城市，我喺香港就會做返一個正常嘅冷漠香港人。我照直同佢講，佢答我，你內心有咁嘅諗法已經好好，你唔使行完Camino之後變一個好人，因為你已經係好人，喺成長嘅過程中你會再不停進步，然後令身邊嘅人變好。佢提出咗一個好好嘅問題，就係「你想成為一個點嘅人呢？」
老實講呢一刻我處理唔到佢講嘅嘢，佢講嘅嘢好理所當然，但係現實要做嘅時候真係做到咩？佢正式認識我只係一個鐘頭嘅事，幾乎已經講晒我嚟Camino要思考嘅難題。雖然理解唔晒佢講嘢，但佢講嘅嘢的確好值得深思。可能我記得低嘅嘢得幾段字，但佢嘅一番說話已經打咗入我內心深處。
最後我問佢點解要Camino，佢同九成朝聖者嘅答案都一樣，佢唔知道。但佢分享咗佢今日嘅故事，佢好似從中領悟到小小。佢今日喺城內教堂一人靜思，突然有一種形容唔到嘅感覺湧上心頭，淚水就不自覺地流出嚟。佢話，人人都喺Camino路上尋找緊一啲嘢，想從路上得到一啲嘢，每次人拜神嘅時候都係求呢樣、求嗰樣，但好少人會無條件地向自己嘅神單純講一聲多謝。佢今日突然領悟到呢一點，對住教堂中央嘅神像講咗一聲多謝，淚水就開始流出嚟了。佢話，佢自己嚟到路上嘅目的未必係想得到咩嘢，而只係可能想「貢獻(Give)」一啲嘢。
最後最後佢仲搶咗我張單嚟埋，仲強調我無欠佢啲咩，佢只係想做就做，話如果我真係要還嘅話，就喺三十年後，遇到一個好似我依家咁迷惘嘅後生仔，同佢傾計、請佢食飯，咁就係還咗。我聽完佢講咗咁多道理，仲要佢請埋我食飯，我可以做嘅只能說一聲多謝。
同Guy食完飯我就去買早餐。一同佢分離，一擰轉頭，唔知點解眼淚水就係咁流，好似有個好熟悉嘅人開解咗我咁，但其實呢個人只係認識咗一陣。我諗Camino嘅魔力之處就喺呢到，你會係路上遇到一啲一世難忘嘅人。可能二三十年我仲旅行緊，可能會遇上迷惘嘅後生仔，到時我就會做返Guy今日對我做嘅事。
回顧返呢幾日，最差嗰日一定係第二日行嗰時落狗屎，但最好嗰日都係第二日，因為同英文姐姐Tina結伴行咗好耐，同一晚又有煮飯party。到今日獨咗全日，最後又遇到一個對我好到我老豆咁嘅陌生人。我諗人生就係咁諷刺，個天俾得屎你食，都會俾返啲甜頭你。人生不嬲就係屎撈糖咁啦，唔係咩？
同伯伯傾多兩句，先發現佢唔係法國人，而係嚟自加拿大Quebec，因為Quebec係講法文，之前我就係咁誤會咗。伯伯個名正式串法係Guy，讀音都係嘰。
同其他朝聖者一樣，我哋都分享自己嘅城市同所見所聞。原來我哋認識一啲共同Camino Friend，原來噚日意大利妹Silvia同我哋分開咗之後就遇到Guy，Guy仲話佢好好傾好搞笑。唔知Slivia今日去到邊呢？
我同Guy年紀相差成三十年，但竟然好多諗法都係一樣。今日獨行嘅時候，我自己喺到諗，壞咗相機會唔會其實唔係一件壞事呢，我唔使行十五分鐘就影一張相，可以專心行路同思考。雖然相一定會影，但起碼唔會咁沉迷。我同Guy講起壞相機，佢同我講嘅嘢竟然同我嘅諗法完全相同，仲話我睇到嘅樣依家唔會局限喺鏡頭入面，影得再靚嘅相都只不過係無靈魂嘅躺殼。佢的確講得無錯，自從壞咗相機之後，我行路嘅時候唔會淨係諗點影好一張相，就算用手機影相都係為咗簡單紀錄而鳩影。
然後我哋又講到佢出發之前剃頭剃鬚，佢唔係第一個咁做嘅人，噚日隔離床吓光韓國女都係，當然仲有我都係。我話以前喺香港已經想試吓光頭好耐，但驚俾人笑所以一直無做。佢一句就車埋嚟，「人哋笑你係人哋有問題，只要你為人值得人專重，人哋笑你就係佢唔啱，使咩要活喺人哋嘅眼中。」佢講嘅說話的確有道理，但現實世界又係咪咁呢？
同Guy傾嘅話題越嚟越深入。講起我同佢嘅第一次相遇係SJPP同房，後來喺Roncesvalle重遇，今日係第三次見到佢。佢記得每一個遇過嘅人名，話咁樣係一份尊重。佢話當初記得我係因為SJPP嗰陣，我問過佢要唔要食糖，嗰個小小嘅舉動佢四日之後都仲記得，老實講我自己都無印象了。佢話，一個善意嘅小小動作，就已經睇出我係一個好人，一個派糖、一個揮手邀請進餐，都可以係一個好有力量嘅動作。做嘅人可能有心無意，但對另一方嘅印象可以好深。我話，我都唔知點解會咁做，想做咪做囉。佢好認真咁答我，你願意分享、願意同陌生人傾偈食飯，已經證明咗你係一個好人。但喺香港做好人好難，尤其喺咁冷漠嘅城市，我喺香港就會做返一個正常嘅冷漠香港人。我照直同佢講，佢答我，你內心有咁嘅諗法已經好好，你唔使行完Camino之後變一個好人，因為你已經係好人，喺成長嘅過程中你會再不停進步，然後令身邊嘅人變好。佢提出咗一個好好嘅問題，就係「你想成為一個點嘅人呢？」
老實講呢一刻我處理唔到佢講嘅嘢，佢講嘅嘢好理所當然，但係現實要做嘅時候真係做到咩？佢正式認識我只係一個鐘頭嘅事，幾乎已經講晒我嚟Camino要思考嘅難題。雖然理解唔晒佢講嘢，但佢講嘅嘢的確好值得深思。可能我記得低嘅嘢得幾段字，但佢嘅一番說話已經打咗入我內心深處。
最後我問佢點解要Camino，佢同九成朝聖者嘅答案都一樣，佢唔知道。但佢分享咗佢今日嘅故事，佢好似從中領悟到小小。佢今日喺城內教堂一人靜思，突然有一種形容唔到嘅感覺湧上心頭，淚水就不自覺地流出嚟。佢話，人人都喺Camino路上尋找緊一啲嘢，想從路上得到一啲嘢，每次人拜神嘅時候都係求呢樣、求嗰樣，但好少人會無條件地向自己嘅神單純講一聲多謝。佢今日突然領悟到呢一點，對住教堂中央嘅神像講咗一聲多謝，淚水就開始流出嚟了。佢話，佢自己嚟到路上嘅目的未必係想得到咩嘢，而只係可能想「貢獻(Give)」一啲嘢。
最後最後佢仲搶咗我張單嚟埋，仲強調我無欠佢啲咩，佢只係想做就做，話如果我真係要還嘅話，就喺三十年後，遇到一個好似我依家咁迷惘嘅後生仔，同佢傾計、請佢食飯，咁就係還咗。我聽完佢講咗咁多道理，仲要佢請埋我食飯，我可以做嘅只能說一聲多謝。
同Guy食完飯我就去買早餐。一同佢分離，一擰轉頭，唔知點解眼淚水就係咁流，好似有個好熟悉嘅人開解咗我咁，但其實呢個人只係認識咗一陣。我諗Camino嘅魔力之處就喺呢到，你會係路上遇到一啲一世難忘嘅人。可能二三十年我仲旅行緊，可能會遇上迷惘嘅後生仔，到時我就會做返Guy今日對我做嘅事。
回顧返呢幾日，最差嗰日一定係第二日行嗰時落狗屎，但最好嗰日都係第二日，因為同英文姐姐Tina結伴行咗好耐，同一晚又有煮飯party。到今日獨咗全日，最後又遇到一個對我好到我老豆咁嘅陌生人。我諗人生就係咁諷刺，個天俾得屎你食，都會俾返啲甜頭你。人生不嬲就係屎撈糖咁啦，唔係咩？
又係多字少圖
其實寫唔到對我影響有幾深 因為我都仲思考緊Guy講嘅嘢
但遇到啲咁嘅人真係好深刻
其實寫唔到對我影響有幾深 因為我都仲思考緊Guy講嘅嘢
但遇到啲咁嘅人真係好深刻
巴打一日用四十歐都幾多 之前行左一段仔法國 住宿都多選擇 guest house 十零歐到一晚 包埋早晚餐先廿幾 記得一定要分開擺錢 玩得開心啲
LM
LM
笑左 Lm睇你之後一日10k都唔想行
其實自己聽住歌行先會愈行愈快
平均行6K break 一break
一個朝早就行到去想去既albergue
平均行6K break 一break
一個朝早就行到去想去既albergue