一兩日行長距,唔算甘
係KEEP住連續咁多日行,仲要係唔熟又未去過既地方(外國),我覺得先係甘既地方
[Live] 一個人的朝聖路 Camino de Santiago
首席鳩噏官
980 回覆
139 Like
2 Dislike
Santo Domingo
腳板痛想行多7km都行唔到
封印一週出土了
差咗嚿電先 夜啲再開機
我有心理準備了
而家好彩電話都有相機
行camino 同香港行山完全唔係嗰回事camino 只係當行街, 行過一個鎮又有補給, 而且無咁多大上大落, 無咁消耗體力
行camino 最最最大問題係...你有無時間, 肯唔肯用4個星期去行路
不過4星期都要係咁行,都要好大毅力了
有時唔關毅力事，係無退路，焗住頂硬上…
開始就會唔想停
一嚟停咗就唔想再行
二嚟有啲差唔多步速嘅Camino Friend不約而同咁撞到 一慢咗啲人可能又唔同晒
一嚟停咗就唔想再行
二嚟有啲差唔多步速嘅Camino Friend不約而同咁撞到 一慢咗啲人可能又唔同晒
快咗都會唔同哂
所以, 隨緣啦, 撞到2日, 已經係緣份
所以, 隨緣啦, 撞到2日, 已經係緣份
相機搶救無效
Rip
Rip
Najera - Santo Domingo 22km
幾十人大雜交房半夜嘅交響樂無想象中咁大聲，可能係飲到醉醉哋，好快就瞓著咗。早上唔夠六點就俾執嘢聲嘈醒，執好包袱，頭也不回就出發。
今日嘅晨㬢有啲唔同，唔係泛紅嘅牛奶白，而係金黃色嘅耶穌光。從山上睇，晨光照到Najera好似一個黃金城市咁，可惜山上景觀嘛嘛，只能睇到小小「黃金城」嘅面貌。
今日嘅朝聖路有啲平靜，除咗起步見到Guy之後，行咁兩三個鐘都無遇見認識嘅朝聖者，就連附近都唔見有朝聖者。風景依然係田野風光，唔同嘅係除咗稻田同提子田之後，仲有啲菜田。天氣陰陰沉沉，頭頂積滿密雲，個天好似我今日狀態咁，好似未瞓醒咁。
一路行一路諗返，噚晚食飯嘅開心時光，我成個傻仔咁一路行一路傻笑。如同之後寫過，出發之後每一日都好開心。開心係一個好General嘅事，開心可以因為滿足感、征服感、成功感等等等等，但呢十日嘅喜悅好難用文字形容，純粹就係「開心」，從人而發嘅喜悅感。唔係因為行咗好多路，覺得自己好勁而開心，只係人同人之間嘅交流可以咁單純直接，為可以做返真誠嘅自己而開心。
一條友Hea住行，行行吓身後無啦啦出現一堆朝聖者，其中有幾乎日日都見到嘅韓仔潤亨同踢喪。雖然見過面好多次，但我哋其實無太多交流。原來潤亨係個廚師，俾人炒咗魷魚之後，決定上路思考去向。一直都見佢傻吓傻吓咁，原來都有一個獨有故事。再一次證明，朝聖路上嘅人其實都係差唔多，各自都有要問題想要解決，或者唯有在路上先會得到問題嘅指引。結果我用咗十日終於記得晒韓國人嘅名。
見後面突然冒出嘅人越嚟越多，我於是加快速度，行行吓又變返自己一個人。中途喺個公園休息咗一陣，唔停都仲好，一停腳掌就開始痛，可能因為啲日行咗30km，今日行又多碎石銀腳。
一條友行到十一點幾，終於到咗Santo Domingo，意大利姐姐Franceska喺後面無啦啦出現。明明沿途回頭望都見佢唔到，無啦啦就喺身後出現，都唔知邊到彈出嚟。於是我哋就一齊入城喇。
我本來想行多少少去7km外嘅Goñon，但行到入城腳掌又痛，睇咗睇明後兩日嘅目的地後，就決定留底喺Santo Domingo了。
入冊之後立即就出門遊城，今晚Albergue €7。Santo Domingo係個中型城鎮，啲樓好古色古香。
個教堂要俾€3入場，見佢面積咁大就俾咗錢入去參觀，入面有工藝品、雕像展覽。作為要俾錢嘅教堂，€3實俾得唔抵。入教堂就係為咗一份寧靜，同埋欣賞佢嘅建築。但教堂入而有導賞團講解緊，有裝修，最奇怪嘅係放咗隻活生生嘅雞喺入面，時不時就雞啼一聲，嘈生晒。
其實就有個典故嘅，話古代有個朝聖者同父母西行，嚟到Santo Domingo留宿嘅時候，俾一間旅店嘅老闆個女愛上咗，但唔領情。個女就 插贓嫁禍個朝聖者，搞到佢俾人吊死咗。老豆老母好傷心之餘仲繼續上路，去完Santiago之後返Santo Domingo拜拜呀仔，返到去發現個仔復活咗，於是去同啲大官講。個大官話，如果你個仔識返生，我食緊啲火雞都會啦。話口未完，佢枱面啲火雞真係返生。
呢個故事就解釋咗點解喺Santo Domingo有咁多雞嘅圖像，但有無必要喺教堂放隻雞呀？連Albergue入面都養咗幾隻公雞，痴撚線今晚真係唔使瞓。
教堂另一個特點就係有得爬上頂，上面嘅景觀都唔係咁好，睇咗睇就走人了。
然後自己去搵飯食，食個Burger+啤酒€6.6。韓仔早上俾咗啲之前去香港嘅相我睇，全部都係雲吞麵呀、點心呀，搞到我好掛住雲吞麵，返香港第一餐一定係食雲吞麵。食班鬼佬鬼婆喺隔離睇哥倫比亞對日本睇到勁Hi。食飽無咩好行就返歸沖涼洗衫了，其實Santo Domingo無咩好行，早個捱多兩個鐘去Goñon啦。
相機已經封印咗一個星期，係生係死都應該揭忠了。結果係救唔返。其實心裡一早有數，藍芽耳機前幾日出土都已經宣告不治。相機壞咗之後第一時間心諗，無相機呢兩個月點過呀。一個禮拜咁就過咗，我依然生勾勾喺到，日日都過得咁開心。正如之前咁講，相機壞咗唔一定係壞事，相可以用手機影，只差在影唔到靚星星啫。心情雖然有啲sad，但係又未至於唔開心到乜都無心機。再講，我有買旅遊保，唯有祈求佢賠俾我啦。如果佢賠俾我，我根本就無損失，喺呢到睇過嘅風景唔會忘記。咁諗嘅話，壞相壞可能對我嚟講係好事呢。
幾十人大雜交房半夜嘅交響樂無想象中咁大聲，可能係飲到醉醉哋，好快就瞓著咗。早上唔夠六點就俾執嘢聲嘈醒，執好包袱，頭也不回就出發。
今日嘅晨㬢有啲唔同，唔係泛紅嘅牛奶白，而係金黃色嘅耶穌光。從山上睇，晨光照到Najera好似一個黃金城市咁，可惜山上景觀嘛嘛，只能睇到小小「黃金城」嘅面貌。
今日嘅朝聖路有啲平靜，除咗起步見到Guy之後，行咁兩三個鐘都無遇見認識嘅朝聖者，就連附近都唔見有朝聖者。風景依然係田野風光，唔同嘅係除咗稻田同提子田之後，仲有啲菜田。天氣陰陰沉沉，頭頂積滿密雲，個天好似我今日狀態咁，好似未瞓醒咁。
一路行一路諗返，噚晚食飯嘅開心時光，我成個傻仔咁一路行一路傻笑。如同之後寫過，出發之後每一日都好開心。開心係一個好General嘅事，開心可以因為滿足感、征服感、成功感等等等等，但呢十日嘅喜悅好難用文字形容，純粹就係「開心」，從人而發嘅喜悅感。唔係因為行咗好多路，覺得自己好勁而開心，只係人同人之間嘅交流可以咁單純直接，為可以做返真誠嘅自己而開心。
一條友Hea住行，行行吓身後無啦啦出現一堆朝聖者，其中有幾乎日日都見到嘅韓仔潤亨同踢喪。雖然見過面好多次，但我哋其實無太多交流。原來潤亨係個廚師，俾人炒咗魷魚之後，決定上路思考去向。一直都見佢傻吓傻吓咁，原來都有一個獨有故事。再一次證明，朝聖路上嘅人其實都係差唔多，各自都有要問題想要解決，或者唯有在路上先會得到問題嘅指引。結果我用咗十日終於記得晒韓國人嘅名。
見後面突然冒出嘅人越嚟越多，我於是加快速度，行行吓又變返自己一個人。中途喺個公園休息咗一陣，唔停都仲好，一停腳掌就開始痛，可能因為啲日行咗30km，今日行又多碎石銀腳。
一條友行到十一點幾，終於到咗Santo Domingo，意大利姐姐Franceska喺後面無啦啦出現。明明沿途回頭望都見佢唔到，無啦啦就喺身後出現，都唔知邊到彈出嚟。於是我哋就一齊入城喇。
我本來想行多少少去7km外嘅Goñon，但行到入城腳掌又痛，睇咗睇明後兩日嘅目的地後，就決定留底喺Santo Domingo了。
入冊之後立即就出門遊城，今晚Albergue €7。Santo Domingo係個中型城鎮，啲樓好古色古香。
個教堂要俾€3入場，見佢面積咁大就俾咗錢入去參觀，入面有工藝品、雕像展覽。作為要俾錢嘅教堂，€3實俾得唔抵。入教堂就係為咗一份寧靜，同埋欣賞佢嘅建築。但教堂入而有導賞團講解緊，有裝修，最奇怪嘅係放咗隻活生生嘅雞喺入面，時不時就雞啼一聲，嘈生晒。
其實就有個典故嘅，話古代有個朝聖者同父母西行，嚟到Santo Domingo留宿嘅時候，俾一間旅店嘅老闆個女愛上咗，但唔領情。個女就 插贓嫁禍個朝聖者，搞到佢俾人吊死咗。老豆老母好傷心之餘仲繼續上路，去完Santiago之後返Santo Domingo拜拜呀仔，返到去發現個仔復活咗，於是去同啲大官講。個大官話，如果你個仔識返生，我食緊啲火雞都會啦。話口未完，佢枱面啲火雞真係返生。
呢個故事就解釋咗點解喺Santo Domingo有咁多雞嘅圖像，但有無必要喺教堂放隻雞呀？連Albergue入面都養咗幾隻公雞，痴撚線今晚真係唔使瞓。
教堂另一個特點就係有得爬上頂，上面嘅景觀都唔係咁好，睇咗睇就走人了。
然後自己去搵飯食，食個Burger+啤酒€6.6。韓仔早上俾咗啲之前去香港嘅相我睇，全部都係雲吞麵呀、點心呀，搞到我好掛住雲吞麵，返香港第一餐一定係食雲吞麵。食班鬼佬鬼婆喺隔離睇哥倫比亞對日本睇到勁Hi。食飽無咩好行就返歸沖涼洗衫了，其實Santo Domingo無咩好行，早個捱多兩個鐘去Goñon啦。
相機已經封印咗一個星期，係生係死都應該揭忠了。結果係救唔返。其實心裡一早有數，藍芽耳機前幾日出土都已經宣告不治。相機壞咗之後第一時間心諗，無相機呢兩個月點過呀。一個禮拜咁就過咗，我依然生勾勾喺到，日日都過得咁開心。正如之前咁講，相機壞咗唔一定係壞事，相可以用手機影，只差在影唔到靚星星啫。心情雖然有啲sad，但係又未至於唔開心到乜都無心機。再講，我有買旅遊保，唯有祈求佢賠俾我啦。如果佢賠俾我，我根本就無損失，喺呢到睇過嘅風景唔會忘記。咁諗嘅話，壞相壞可能對我嚟講係好事呢。
各位要繼續忍受手機醜圖了
希望旅保搞得掂啦
希望旅保搞得掂啦
相機突然復活
如果只係要整，通常有屍都有得賠，報完價照整的話，通常都賠得幾足下 ...
個教堂要俾€3入場，見佢面積咁大就俾咗錢入去參觀，入面有工藝品、雕像展覽。作為要俾錢嘅教堂，€3實俾得唔抵。入教堂就係為咗一份寧靜，同埋欣賞佢嘅建築。但教堂入而有導賞團講解緊，有裝修，最奇怪嘅係放咗隻活生生嘅雞喺入面，時不時就雞啼一聲，嘈生晒。
黎緊你會到下一個大城市 Burgos, 咁佢地嘅albergue 起舊城區, Burgos 有個主教座堂, 朝聖者拎本野去, 有入場優惠, 好似5歐?
呢個我覺得幾值得入去睇, 當然前提係你有時間, 有心情
唔係廻光返照掛係唔知點prove佢喺呢段期間壞啫
完全無事
聽日影多D相
咁你個答你唔到，睇保險公司。
上次去整，無 prove，一樣照受理 ... 不過上次只係壞左個膠扣，收左 400 蚊。
上次去整，無 prove，一樣照受理 ... 不過上次只係壞左個膠扣，收左 400 蚊。
影雞做咩, 不過呢隻公雞真係幾靚, 睇黎好食好住, 又唔洗打交係喎, 如果你想食D夠味嘅肉, 可以試下搵土耳其燒肉
google map search "döner kebap", 平得黎又好味
我啱啱喺到拍條片講返部機點壞，示範緊開唔到機，點知一噤開到
之前撳咗勁多下都無反應
得咗開心到彈起 嚇親人
之前撳咗勁多下都無反應
得咗開心到彈起 嚇親人
試機
啱啱韓仔煮雞食我又去痴咗餐
啱啱韓仔煮雞食我又去痴咗餐