因為行得快, 前一晚識嘅人, 9成都甩開哂...真係唔好行咁快
雖然日日都見到新嘅人, 但變哂hi bye friend咁, 無機會深交
[Live] 一個人的朝聖路 Camino de Santiago
首席鳩噏官
980 回覆
139 Like
2 Dislike
因為行得快, 前一晚識嘅人, 9成都甩開哂...真係唔好行咁快 雖然日日都見到新嘅人, 但變哂hi bye friend咁, 無機會深交
Day 6
Estella - Torres del Rio 29km
早上同幾個認識嘅人簡單打個招呼就自己上路，有唔少從Estella出發嘅朝聖者，路上嘅人明顯比噚日多。清晨嘅郊外特別大風，行咗一陣見到路牌寫住100km，先知原來從SJPP出發起已經有100km了。
行咗無幾耐就停低咗，因為終於到咗傳說中嘅「酒龍頭」。耶穌曾經喺一場婚宴將水變成美酒，朝聖路上有一個出紅酒嘅水龍頭，路過嘅朝聖者可以停底任飲紅酒。離遠見到Fuente del Vino已經好興奮，因為唔使錢有酒飲。喺我到之前，嚟自美國嘅空軍伯伯Nelson已經放低咗背囊，拎咗水樽出嚟裝酒。我都二話不說清空水樽，從酒龍頭裝啲紅酒飲。無幾耐西班牙姐姐Catherine同另一個西人又到咗，於是我哋一班新相識嘅朝聖者就互相碰杯，一齊享受免費美酒嘅喜悅。Nelson仲喺袋拎咗張美國空軍嘅貼紙送俾我。飲咗兩啖，又裝咗兩啖，就咁我就一個人再次出發了。
今日獨行我拎出幾乎無用過嘅耳機，聽住音樂前進，已經好耐無講無聽廣東話，除咗寫日記之外根本無機會用到廣東話，有啲掛住自己嘅語言了。飲完酒行路好奇怪，個頭赤赤痛咁，唔係醉但頭痛，唯有頂住頭痛，聽住歌前進，好輕鬆就行過兩個小鎮。
行出小鎮就係無盡嘢田野，離下一個小鎮有十一公里，沿途都大片大片稻田。放眼望遠，還是只見延綿不斷嘅稻田，仲有遠方嘅山脈，完全唔見城鎮嘅蹤影。田野嘅路只有一條，平坦但漫長，沿途唔見貝殼標記，有一段時間我仲懷疑自己會唔會行錯路，但路只有一條，又點會有錯呢。
路上遇見Simon，只有自己一個上路，唔見其他Quebec人同德國妹身影，佢話自己好早就出發。同Simon傾計係好舒服嘅交流過程，Simon講嘢反應有遲緩，英文又唔係好，見住佢慢慢咁講一句英文出嚟其實幾得意。佢邊行邊影相，過咗一陣我就拋離咗佢了。
稻田嘅路好似無窮無盡，行極都唔見前方有終點。天氣晴空萬里，烈日當空，曬到個人有啲興烚烚，好彩時有微風吹過。雖然曬，但係唔熱。路上我刻意沒有思考太多事情，只係同前兩日一樣，享受每一步向前嘅步伐。可能下個星期又落雨我又屌晒鬼，可能兩個月之後我喺好迫嘅彌敦道行到屌晒鬼，但呢一刻我只需要享受眼前嘅陽光微風美景。
行到十一點終於見列Los Argos嘅路牌，行咗成日無停過，喺鎮口長椅抖咗抖。西班牙姐姐Franceska停底同我吹咗一陣水，佢話本來諗住停喺Los Argos，但時間仲早就我一樣行多陣去Torres del Rio，留停咗一句「Hasta luego(轉頭見)」就走咗。
抖多陣我就去咗Los Argos觀光一圈，Los Argos唔係好大，細細哋其實嘅好氣氛，但諗到遲啲越嚟越多人塞喺到，就想走了。最重要嘅教堂無開，停咗無幾耐就繼續上路了。
好多朝聖者都喺Los Argos停低，之後嘅路幾乎一個人都無，只見一個朝聖者喺我身邊經過。再次拎我嘅九流西文簡單交流，西班牙Albert只得一星期行朝聖路，因為公司假就得咁多，諗住分開幾次再行晒佢，目的地同我一樣係Torres del Rio。佢行裝輕便，好快就唔見咗佢。
中午嘅太陽越嚟越猛，Torres del Rio離Los Argos有兩個鐘路程。頂住咁猛烈嘅太陽，無遮無擋，心諗聽朝先行會嚟會舒服好多呢。出嚟行慣咗，兩個鐘眨吓眼就過，話咁快就到咗目的地，時間大約係兩點鐘。
Estella - Torres del Rio 29km
早上同幾個認識嘅人簡單打個招呼就自己上路，有唔少從Estella出發嘅朝聖者，路上嘅人明顯比噚日多。清晨嘅郊外特別大風，行咗一陣見到路牌寫住100km，先知原來從SJPP出發起已經有100km了。
行咗無幾耐就停低咗，因為終於到咗傳說中嘅「酒龍頭」。耶穌曾經喺一場婚宴將水變成美酒，朝聖路上有一個出紅酒嘅水龍頭，路過嘅朝聖者可以停底任飲紅酒。離遠見到Fuente del Vino已經好興奮，因為唔使錢有酒飲。喺我到之前，嚟自美國嘅空軍伯伯Nelson已經放低咗背囊，拎咗水樽出嚟裝酒。我都二話不說清空水樽，從酒龍頭裝啲紅酒飲。無幾耐西班牙姐姐Catherine同另一個西人又到咗，於是我哋一班新相識嘅朝聖者就互相碰杯，一齊享受免費美酒嘅喜悅。Nelson仲喺袋拎咗張美國空軍嘅貼紙送俾我。飲咗兩啖，又裝咗兩啖，就咁我就一個人再次出發了。
今日獨行我拎出幾乎無用過嘅耳機，聽住音樂前進，已經好耐無講無聽廣東話，除咗寫日記之外根本無機會用到廣東話，有啲掛住自己嘅語言了。飲完酒行路好奇怪，個頭赤赤痛咁，唔係醉但頭痛，唯有頂住頭痛，聽住歌前進，好輕鬆就行過兩個小鎮。
行出小鎮就係無盡嘢田野，離下一個小鎮有十一公里，沿途都大片大片稻田。放眼望遠，還是只見延綿不斷嘅稻田，仲有遠方嘅山脈，完全唔見城鎮嘅蹤影。田野嘅路只有一條，平坦但漫長，沿途唔見貝殼標記，有一段時間我仲懷疑自己會唔會行錯路，但路只有一條，又點會有錯呢。
路上遇見Simon，只有自己一個上路，唔見其他Quebec人同德國妹身影，佢話自己好早就出發。同Simon傾計係好舒服嘅交流過程，Simon講嘢反應有遲緩，英文又唔係好，見住佢慢慢咁講一句英文出嚟其實幾得意。佢邊行邊影相，過咗一陣我就拋離咗佢了。
稻田嘅路好似無窮無盡，行極都唔見前方有終點。天氣晴空萬里，烈日當空，曬到個人有啲興烚烚，好彩時有微風吹過。雖然曬，但係唔熱。路上我刻意沒有思考太多事情，只係同前兩日一樣，享受每一步向前嘅步伐。可能下個星期又落雨我又屌晒鬼，可能兩個月之後我喺好迫嘅彌敦道行到屌晒鬼，但呢一刻我只需要享受眼前嘅陽光微風美景。
行到十一點終於見列Los Argos嘅路牌，行咗成日無停過，喺鎮口長椅抖咗抖。西班牙姐姐Franceska停底同我吹咗一陣水，佢話本來諗住停喺Los Argos，但時間仲早就我一樣行多陣去Torres del Rio，留停咗一句「Hasta luego(轉頭見)」就走咗。
抖多陣我就去咗Los Argos觀光一圈，Los Argos唔係好大，細細哋其實嘅好氣氛，但諗到遲啲越嚟越多人塞喺到，就想走了。最重要嘅教堂無開，停咗無幾耐就繼續上路了。
好多朝聖者都喺Los Argos停低，之後嘅路幾乎一個人都無，只見一個朝聖者喺我身邊經過。再次拎我嘅九流西文簡單交流，西班牙Albert只得一星期行朝聖路，因為公司假就得咁多，諗住分開幾次再行晒佢，目的地同我一樣係Torres del Rio。佢行裝輕便，好快就唔見咗佢。
中午嘅太陽越嚟越猛，Torres del Rio離Los Argos有兩個鐘路程。頂住咁猛烈嘅太陽，無遮無擋，心諗聽朝先行會嚟會舒服好多呢。出嚟行慣咗，兩個鐘眨吓眼就過，話咁快就到咗目的地，時間大約係兩點鐘。
選擇停留Torres del Rio嘅原因係呢到有間€7嘅Albergue，結果喺鎮口就有大大張poster話嗰間嘢無開。頂你個肺行得咁辛苦竟然無開，之後揀咗一間新開嘅Albergue，€10，貪佢有個泳池仔。一入到去得我一個人，Franceska同Albert都唔見，好彩只係我行得快，後來陸續都有人住。
Torres del Rio係一個好細嘅小鎮，加上星期六嘅原因，鎮上只有Albergue同一間小店開門，教堂就要俾€1入場，心諗你個細教堂仔憑咩要收錢。唔入到教堂，行完一圈就返去Albergue嘅餐廳食飯，€12但好大份。
美國媽媽帶埋兩個仔Jonas同Astrea嚟行Camino，之前喺Puente la Reina已經Hi過一次。鎮上餐廳只得一間有開，於是佢哋就坐埋嚟一齊吹水食飯喇。大仔Jonas識啲華人同學，對中國有少少認識。講起香港人住房，佢哋一聽到劏房Size住一家人，即刻耍手擰頭，話佢間屋起碼係我10倍。係囉，香港居住環境真係好唔正常呀可。跟住又講中港關係啦，美朝關係啦，佢哋成家講嘢諗嘢都好典型美國佬，講嘢大大聲，覺得全部人都應該識美國。路上嘅美國人唔難認出，一開口聽佢啲英文就認到。
食完之後就沖涼洗衫，喺門口竟然撞到噚日嘅德國Quebec組，唯獨唔見Simon，我估佢停咗喺Los Argos了。真係太橋，噚日先認識完，今日行到咁遠都撞到，可能冥冥中真係有註定？
Albergue有個細泳池，嚟到無理由唔試試佢。Jonas喺到凍到叫晒救命，叫埋我一齊落水。啲水又真係勁凍，同埋好多黑色點點，我估係山泉水直接供落嚟。泳池仲有個小瀑布，行埋去俾嘅水壓揼吓膊頭好舒服，如果唔係咁凍我應該會坐足成日。
浸咗無耐就上水，美國人同後來嘅朝聖者傾美國話題，德國Quebec組去咗行街，我就搵咗個靜靜哋靚景位，抖抖打吓文。我要搵個小鎮嘅原因就係咁之嘛。Jonas講得啱，香港人要咩呀，就係空間之嘛。
打完文返去食飯，其他人已經食晒喺到吹水，喺albergue全部都係伯伯婆婆，我一個坐埋佢好似有啲其奇怪，但反而同佢哋幾好傾，傾到我食飯都仲傾緊。其中有個荷蘭伯伯paul由屋企出發，之前已經見過佢，佢話嚟行路只係想證明自己某啲嘢。佢英文最好，個人又搞笑，所以好多水吹。餐飯同下晝大同小異，填飽肚就無要求。後來撞返德國妹先知小鎮仲有其他餐廳...
今日係輕鬆日，無思考太多。今日行多咗，聽日又行少啲。聽日嘅目的地係20km外嘅Logroño，又係大城市，Logroño下個城鎮就要再行13km，睇嚟我都無得揀。
Torres del Rio係一個好細嘅小鎮，加上星期六嘅原因，鎮上只有Albergue同一間小店開門，教堂就要俾€1入場，心諗你個細教堂仔憑咩要收錢。唔入到教堂，行完一圈就返去Albergue嘅餐廳食飯，€12但好大份。
美國媽媽帶埋兩個仔Jonas同Astrea嚟行Camino，之前喺Puente la Reina已經Hi過一次。鎮上餐廳只得一間有開，於是佢哋就坐埋嚟一齊吹水食飯喇。大仔Jonas識啲華人同學，對中國有少少認識。講起香港人住房，佢哋一聽到劏房Size住一家人，即刻耍手擰頭，話佢間屋起碼係我10倍。係囉，香港居住環境真係好唔正常呀可。跟住又講中港關係啦，美朝關係啦，佢哋成家講嘢諗嘢都好典型美國佬，講嘢大大聲，覺得全部人都應該識美國。路上嘅美國人唔難認出，一開口聽佢啲英文就認到。
食完之後就沖涼洗衫，喺門口竟然撞到噚日嘅德國Quebec組，唯獨唔見Simon，我估佢停咗喺Los Argos了。真係太橋，噚日先認識完，今日行到咁遠都撞到，可能冥冥中真係有註定？
Albergue有個細泳池，嚟到無理由唔試試佢。Jonas喺到凍到叫晒救命，叫埋我一齊落水。啲水又真係勁凍，同埋好多黑色點點，我估係山泉水直接供落嚟。泳池仲有個小瀑布，行埋去俾嘅水壓揼吓膊頭好舒服，如果唔係咁凍我應該會坐足成日。
浸咗無耐就上水，美國人同後來嘅朝聖者傾美國話題，德國Quebec組去咗行街，我就搵咗個靜靜哋靚景位，抖抖打吓文。我要搵個小鎮嘅原因就係咁之嘛。Jonas講得啱，香港人要咩呀，就係空間之嘛。
打完文返去食飯，其他人已經食晒喺到吹水，喺albergue全部都係伯伯婆婆，我一個坐埋佢好似有啲其奇怪，但反而同佢哋幾好傾，傾到我食飯都仲傾緊。其中有個荷蘭伯伯paul由屋企出發，之前已經見過佢，佢話嚟行路只係想證明自己某啲嘢。佢英文最好，個人又搞笑，所以好多水吹。餐飯同下晝大同小異，填飽肚就無要求。後來撞返德國妹先知小鎮仲有其他餐廳...
今日係輕鬆日，無思考太多。今日行多咗，聽日又行少啲。聽日嘅目的地係20km外嘅Logroño，又係大城市，Logroño下個城鎮就要再行13km，睇嚟我都無得揀。
我唔係扁平足 
唔係足底問題 比較少見 太易自爆唔講
希望我有朝一日都可以去行
唔係足底問題 比較少見 太易自爆唔講
希望我有朝一日都可以去行
留名支持巴打
我印象中, camino 上嘅扒類都係唔好食, 好乾
上年五月行完，見到d 相好懷念
加油
加油
印象中歐洲大部份地方 d 扒都係柴皮，德國，英國，比利時都係…
啱呀
雞牛豬都唔好食
雞牛豬都唔好食掉返轉講，真係想問除德國豬手同法國野外，有乜野肉/扒類係真心好食既 ...
食過真係好食既肉類，得 :
fried calamari (炸魷魚)
pulpo Gallego (章魚)
BBQ Ribs
真係唔多掂 ...
食過真係好食既肉類，得 :
fried calamari (炸魷魚)
pulpo Gallego (章魚)
BBQ Ribs
真係唔多掂 ...
唔好食都算 食到好熱氣
一陣搵幾粒綠豆啪先
一陣搵幾粒綠豆啪先
我行camino有一餐係鹿腳，煮到德國豬手咁...可惜個餐無影相
熱氣係要下火，定係要出火？
行山杖既用途大唔大？我見個個都拎2枝
已到Logroño
大城市
大城市
大！
一支好 兩支更好
落雨嗰日幫到好多
除咗要嚟用 要嚟邊行邊玩都好
一支好 兩支更好
落雨嗰日幫到好多
除咗要嚟用 要嚟邊行邊玩都好
Torres del Rio - Logroño 21km
房間一早就好熱鬧，好多人講嘢，我醒嗰時已經六點幾。半夜醒咗一次，忍唔住出咗露台睇睇，歐洲嘅星空果然好燦爛，可惜未有機會細賞，半夜氣溫好凍，睇咗一陣又返房瞓。
一早起身就見紅，嘴唇乾到爆擦，條脷又鞋颯颯痛痛哋，一走係咁多日嚟食得多熱氣嘢。其實已經乾咗幾日，諗住唔理佢就會自然好，點個知越嚟越衰。
同Qecbec德國組簡單打招呼之後就出門，雖然同佢哋一齊行可能會好有趣，但我始終覺得要一個人上路。路上嘅朝聖者比平日更冷清，因為從Torres del Rio出發嘅人不多。
行咗一陣就途經一個石塔場，有好多大大小小用石仔砌成嘅塔。唔似平時路邊見到嗰啲，呢個場啲石塔啲擺法好似諗過度過咁，啲砌法簡直可以用鬼斧神功嚟形容，有啲仲好似砌到個人咁。唔知係邊個，用咗幾多時間砌呢？
繼續上路，遇上噚日見過嘅Franceska，同行咗一段路，先終於有機會同佢傾吓偈。原來佢嚟係西班牙人，係意大利人，住喺一個好靚嘅小島。今次佢只會由Pamplona行到Burgo，佢每年都會花時間完成少少。我哋講到自己嘅語言，我就話佢知廣東話一個發音，九個音調代表唔同嘅意思，佢聽到O晒嘴。其實我都覺得，廣東話真係一個好奇妙嘅語言。行咗一陣我哋就各有各行了。
沿途風照依舊係田野小山，雖然日日嘅風景都差唔多，但只要有遼闊嘅視野，相同嘅風景睇極都睇唔厭。今日一早我就聽住歌行，邊行邊唱時間過得特別快。
行咗兩三個鐘就到咗Viana，係Logroño前嘅最後一個鎮。Viana係一個幾大嘅城鎮，入面有個教堂嘅遺跡。Viana對我嚟講還是太大了，簡單參觀過就繼續上路。
繼續上路，風景變返田野風光，路邊時有好多茂盛嘅小黃花。行咗一陣，前方有一對夫婦帶住小孩前進，於是我就加快腳步去hi吓佢。簡單交流過後，得知德國夫婦帶住三個小孩上路。爸爸身上咩住一個，媽媽用拖車帶住三歲嘅BB前行，仲有一個四歲嘅細路用自己雙腳前行。佢哋應該係年紀最細嘅朝聖者喇，唔知佢哋行嘅時候會諗咩呢？稱讚完非常爸媽之後，我又變返單人前行。
Logroño係一個大城市，離遠就見到佢嘅面積大到唔開胃，但下一個城鎮又要再行三四個鐘頭。沿路身邊只有單車朝聖者經過身旁，但越近Logroño，就有徒步朝聖者唔知從邊到彈出嚟，其中有噚日認識嘅Albert。
行多一陣，路邊有個補給小攤，小販嬸嬸仲準備咗印章俾經過嘅朝聖者。嬸嬸嘅車厘子只賣€1一袋，我一個人食就啱啱好了。自從前兩日摘過車厘子食之後就好想買車厘子，於是就買咗一包車厘子邊行邊食。果然係超甜多汁，我仲回頭同嬸嬸講堅好食呀。
食住車厘子行多半個鐘就入城，到咗Logroño嘅範圍，時間十二點都未夠。Franceska早我十五分鐘就到咗albergue門口，albergue一點先開，於是我哋就自喺城內觀光，城廣場有個市集，有賣好多立雜嘢，連相機漫畫都有得賣。去完教堂之後，我哋就去搵超市。Logroño堅係大，有啲似大陸嘅二線城市。
因為今日係星期日，唔係間間超市都開，我哋行咗三間先搵到一間有開嘅超市。香港有到好，就係24/7都有超市開。我買咗早餐同啲生果，仲買咗支潤唇膏。行完買完就差唔多一點，於是就返Albergue。
返到albergue先知原來前園開咗，已經有一班朝聖者喺前園小水池浸緊腳。Guy、SJPP同房嘅西班牙Couple都喺到了，後來Simon、Maria、Catherine、韓國光頭女都先後到咗。睇嚟差唔多步速嘅人今日全部眾晒喺Logroño，當然快啲嘅志汌、Michele一早已經遠走高飛。雖然大家都只係點頭之交，但重逢嘅一刻仍然係好開心。我諗Logroñ唯一得我鐘意之處就係聚集晒好多差唔多嘅朝聖者喺一齊。
上房之後，即刻就沖涼洗衫。Guy唔知做乜喺房笑到失晒控，笑西班牙妹隻腳晒到好似班馬咁，仲話要幫佢拍套電影，笑到我沖完涼落嚟佢都仲笑緊。
搞掂晒啲嘢的就出去搵食，是但坐底一間叫Set Menu，依然係食Paella+雞，平時啲餐只係包一杯紅酒，但呢餐就俾咗一枝，一條友飲咗半枝飲到醉醉哋。
食食吓，無啦啦有人拍我膊頭同我講廣東話，對方係個鬼佬嚟。我望住佢都唔知俾咩反應，唔知講咩文好。佢見我咁驚惶就同我講，「我係德國人，聽佢哋講你係香港人」，佢身邊嘅係早前路上遇到帶住BB行嘅德國夫婦。我用廣東話同佢對答咗幾句，原來佢八十年代住過嘅香港，所以識廣東話。傾咗兩句佢哋就走咗了。
路上竟然有人講廣東話，仲要係鬼佬？有機會講返自己嘅語言與真係好開心。好記得噚日先寫完話好掛住自己嘅語言，今日就遇到啲咁嘅事，係咪有係咁巧合？
房間一早就好熱鬧，好多人講嘢，我醒嗰時已經六點幾。半夜醒咗一次，忍唔住出咗露台睇睇，歐洲嘅星空果然好燦爛，可惜未有機會細賞，半夜氣溫好凍，睇咗一陣又返房瞓。
一早起身就見紅，嘴唇乾到爆擦，條脷又鞋颯颯痛痛哋，一走係咁多日嚟食得多熱氣嘢。其實已經乾咗幾日，諗住唔理佢就會自然好，點個知越嚟越衰。
同Qecbec德國組簡單打招呼之後就出門，雖然同佢哋一齊行可能會好有趣，但我始終覺得要一個人上路。路上嘅朝聖者比平日更冷清，因為從Torres del Rio出發嘅人不多。
行咗一陣就途經一個石塔場，有好多大大小小用石仔砌成嘅塔。唔似平時路邊見到嗰啲，呢個場啲石塔啲擺法好似諗過度過咁，啲砌法簡直可以用鬼斧神功嚟形容，有啲仲好似砌到個人咁。唔知係邊個，用咗幾多時間砌呢？
繼續上路，遇上噚日見過嘅Franceska，同行咗一段路，先終於有機會同佢傾吓偈。原來佢嚟係西班牙人，係意大利人，住喺一個好靚嘅小島。今次佢只會由Pamplona行到Burgo，佢每年都會花時間完成少少。我哋講到自己嘅語言，我就話佢知廣東話一個發音，九個音調代表唔同嘅意思，佢聽到O晒嘴。其實我都覺得，廣東話真係一個好奇妙嘅語言。行咗一陣我哋就各有各行了。
沿途風照依舊係田野小山，雖然日日嘅風景都差唔多，但只要有遼闊嘅視野，相同嘅風景睇極都睇唔厭。今日一早我就聽住歌行，邊行邊唱時間過得特別快。
行咗兩三個鐘就到咗Viana，係Logroño前嘅最後一個鎮。Viana係一個幾大嘅城鎮，入面有個教堂嘅遺跡。Viana對我嚟講還是太大了，簡單參觀過就繼續上路。
繼續上路，風景變返田野風光，路邊時有好多茂盛嘅小黃花。行咗一陣，前方有一對夫婦帶住小孩前進，於是我就加快腳步去hi吓佢。簡單交流過後，得知德國夫婦帶住三個小孩上路。爸爸身上咩住一個，媽媽用拖車帶住三歲嘅BB前行，仲有一個四歲嘅細路用自己雙腳前行。佢哋應該係年紀最細嘅朝聖者喇，唔知佢哋行嘅時候會諗咩呢？稱讚完非常爸媽之後，我又變返單人前行。
Logroño係一個大城市，離遠就見到佢嘅面積大到唔開胃，但下一個城鎮又要再行三四個鐘頭。沿路身邊只有單車朝聖者經過身旁，但越近Logroño，就有徒步朝聖者唔知從邊到彈出嚟，其中有噚日認識嘅Albert。
行多一陣，路邊有個補給小攤，小販嬸嬸仲準備咗印章俾經過嘅朝聖者。嬸嬸嘅車厘子只賣€1一袋，我一個人食就啱啱好了。自從前兩日摘過車厘子食之後就好想買車厘子，於是就買咗一包車厘子邊行邊食。果然係超甜多汁，我仲回頭同嬸嬸講堅好食呀。
食住車厘子行多半個鐘就入城，到咗Logroño嘅範圍，時間十二點都未夠。Franceska早我十五分鐘就到咗albergue門口，albergue一點先開，於是我哋就自喺城內觀光，城廣場有個市集，有賣好多立雜嘢，連相機漫畫都有得賣。去完教堂之後，我哋就去搵超市。Logroño堅係大，有啲似大陸嘅二線城市。
因為今日係星期日，唔係間間超市都開，我哋行咗三間先搵到一間有開嘅超市。香港有到好，就係24/7都有超市開。我買咗早餐同啲生果，仲買咗支潤唇膏。行完買完就差唔多一點，於是就返Albergue。
返到albergue先知原來前園開咗，已經有一班朝聖者喺前園小水池浸緊腳。Guy、SJPP同房嘅西班牙Couple都喺到了，後來Simon、Maria、Catherine、韓國光頭女都先後到咗。睇嚟差唔多步速嘅人今日全部眾晒喺Logroño，當然快啲嘅志汌、Michele一早已經遠走高飛。雖然大家都只係點頭之交，但重逢嘅一刻仍然係好開心。我諗Logroñ唯一得我鐘意之處就係聚集晒好多差唔多嘅朝聖者喺一齊。
上房之後，即刻就沖涼洗衫。Guy唔知做乜喺房笑到失晒控，笑西班牙妹隻腳晒到好似班馬咁，仲話要幫佢拍套電影，笑到我沖完涼落嚟佢都仲笑緊。
搞掂晒啲嘢的就出去搵食，是但坐底一間叫Set Menu，依然係食Paella+雞，平時啲餐只係包一杯紅酒，但呢餐就俾咗一枝，一條友飲咗半枝飲到醉醉哋。
食食吓，無啦啦有人拍我膊頭同我講廣東話，對方係個鬼佬嚟。我望住佢都唔知俾咩反應，唔知講咩文好。佢見我咁驚惶就同我講，「我係德國人，聽佢哋講你係香港人」，佢身邊嘅係早前路上遇到帶住BB行嘅德國夫婦。我用廣東話同佢對答咗幾句，原來佢八十年代住過嘅香港，所以識廣東話。傾咗兩句佢哋就走咗了。
路上竟然有人講廣東話，仲要係鬼佬？有機會講返自己嘅語言與真係好開心。好記得噚日先寫完話好掛住自己嘅語言，今日就遇到啲咁嘅事，係咪有係咁巧合？
俾個西班牙妹連登仔睇吓
西班牙妹隔離仲有個人大城又好細村又好, 都只係路過, 最多留一晚夜
佢條仔
食完晏堅係醉醉哋頂唔順，返Albergue瞓咗個零鐘，然後先出超市買包沙律，買個即食麵食。下晝嗰餐食得好飽，夜晚就慳返了。
回程嘅時候經過教堂，心血來潮入去坐咗一陣。鬧市中嘅教堂仍然好靜，教堂無金閃閃嘅神像，只有一個十字架喺中央，好簡單，但我好鐘意。
我望住十字架上面嘅耶穌像，心入面同佢講咗聲多謝，諗返轉頭其實有好多嘢值得多謝。多謝我有機會踏上Camino。多謝我搵得夠錢出發 。多謝呢幾日好好天。多謝噚日講完覺得好掛住廣東話，今日就遇到有人講廣東話。我無向佢要求想要啲咩，淨係想好好享受回港前嘅每一日。或者我最後都帶唔到咩返香港，返到香港之後我可能又變返一個好「正常」嘅香港人。但我只需要享受眼前嘅每一日就足夠了。我係無神論者，但我相信一切命運自有安排。
返到Albergue仲係唔肚餓，淨係食咗包草。韓仔團都到咗，分咗隻蛋俾我，最後成八點半先淥埋個面食。沖埋杯感冒茶飲，佢寫功效包括清熱解毒，咪照沖嚟飲下吓火，總好過搵綠豆食啦。
回程嘅時候經過教堂，心血來潮入去坐咗一陣。鬧市中嘅教堂仍然好靜，教堂無金閃閃嘅神像，只有一個十字架喺中央，好簡單，但我好鐘意。
我望住十字架上面嘅耶穌像，心入面同佢講咗聲多謝，諗返轉頭其實有好多嘢值得多謝。多謝我有機會踏上Camino。多謝我搵得夠錢出發 。多謝呢幾日好好天。多謝噚日講完覺得好掛住廣東話，今日就遇到有人講廣東話。我無向佢要求想要啲咩，淨係想好好享受回港前嘅每一日。或者我最後都帶唔到咩返香港，返到香港之後我可能又變返一個好「正常」嘅香港人。但我只需要享受眼前嘅每一日就足夠了。我係無神論者，但我相信一切命運自有安排。
返到Albergue仲係唔肚餓，淨係食咗包草。韓仔團都到咗，分咗隻蛋俾我，最後成八點半先淥埋個面食。沖埋杯感冒茶飲，佢寫功效包括清熱解毒，咪照沖嚟飲下吓火，總好過搵綠豆食啦。
聽開rock
Skillet - Hero
https://youtu.be/uGcsIdGOuZY
NightWish - 2013 Live
https://youtu.be/7IkfgWwTzVc
Skillet - Hero
https://youtu.be/uGcsIdGOuZY
NightWish - 2013 Live
https://youtu.be/7IkfgWwTzVc