即使喺城市嘅夜燈吓，天上嘅星星仍然好燦爛，大大粒木星掛喺天頂，成條天蠍座都一清二楚，仲有好多星星喺天上閃爍。手機嘅影像遠不及相機，唯有用眼晴盡情享受。
Guy同Bernald喺到飲酒傾偈，見我出嚟就請埋我飲，一齊望住個星星鳩噏一番。Guy傾咗一陣先返房瞓，Bernald就同我吹咗好耐水。佢話加拿大嘅星星比眼前嘅再靚十倍，加上極光嘅陪襯再更上一層樓。如佢傾完偈之後，去加拿大睇極光已經係我嘅Bucket List之一。之前見過Bernald，以為佢份人好串好難相處。同佢傾咗大半個鐘，大家雖然嚟自唔同地方，但想法好多都大同小異，分享自己諗法嘅時候，總會得到深感認同嘅回應。朝聖者就係一班咁嘅群體，只不過大家都來自唔同國家，終於明白點解Santiago叫「繁星聚集之地」，同路上嘅人簡單對話已經係最大嘅享，風景只是其次。
見到呢D房, 即刻諗翻起D 交響樂