仲有半個月先返香港[Live] 一個人的朝聖路 Camino de Santiago
首席鳩噏官
980 回覆
139 Like
2 Dislike
得返5gb 仲有半個月先返香港
仲有半個月先返香港
我個時得2gb, 真係玩鳩自己，不過albergue 從來唔care公唔公營，
好多細鎮都無公營世界盡頭唔係Ushuaia 咩 
Day 27
La fata - Triacastela 26km
六點半起身，喺Hostel食兩塊餅，但杯咖啡就上路。Herlin仲咪咪麼麼，我無等佢就自己走。
晨早上路，頭5km都係畢直嘅上山路，一早起身就勁chur，行一陣就出晒汗。早上嘅山路非常潮濕，雖然無落雨但路旁嘅野草都掛住露珠。
就嚟上到山頂嘅景色極靚，遠望有一大片雲海。「海面」風平浪靜，幾座聳高嘅山峰露出海面，從山上嘅角度望落去，山峰就好似一座一座海島咁。天空邊界嘅泛白、雲海嘅潔白，形成咗與別不同嘅「海天一色」。風景好靚好平靜，我就咁企咗喺到睇咗好耐。Hea到Herlin教後來追上。
山頂小村O cebrerios本來係噚日嘅目的地，到達之後有啲後悔噚日中途停低。O cebrerios好中世紀Feel，成條村啲屋都係用石頭起，景色一樣係靚到爆炸。
本來嘅計畫係停底食個早餐，但個肚仲唔餓，就繼續行。出村之後有兩條路，一係馬路旁落山，二係入野上多少少再落山，兩條路距離只係差幾百米。我就唔使諗揀上山，Herlin話想偷懶行馬路，於是我哋就分道揚鑣了。
上山路其實只係緩坡，開頭好多樹蔭擋晒風景，行出樹林之後就即刻有個180度無敵大山景。行咗成朝都塞住耳仔聽歌，因為路上太多人。上咗山之後一個人都無，好安靜，好平和，聽吓雀仔叫好聽過手機嘅音樂。行咗兩個鐘左右就Join返大路，全程都行得好嘆。
全程都自High住鳩行，行行吓撞返Herlin坐喺樹底休息。我哋兩個都行到肚餓了，但附近又無餐廳，好彩我有準備花生喺袋。食完花生抖一抖又出發，我又戴返耳機聽歌，Herlin行喺我後面不遠。老老豆豆，我真係做唔到佢咁行咁耐講咁耐嘢，寧願自己行聽聽歌嘆嘆景。
我哋各有向各行，風景依然係山景勁靚，雲已經散晒，淨係見到藍天白雲、青山綠樹，一層山疊住另一層山。呢幾日嘅景色應該係全程Camini最靚嘅一段路。
路況唔係完全平坦，有好多小上小落，行完一段上斜之後，終於見到有Cafe。終於有得食早餐。
一上到去就見到好多人喺到抖緊。第一眼就見到Quebec Paul and Sandra，仲有Sandra嘅家鄉朋友Mandy中途加入Camino。喺cafe仲有好多人我都識，後來法國妹Vera都到咗。Vera無喺Leon停多日，我仲以為佢已經行到好遠。
食完個好難食嘅薯仔奄列，Sandra、Paul、Herlin、Mandy and Me一團五個人一齊上路，識Paul and Sandra咁耐第一次同佢哋同行。我行喺前面，間中搭吓嗲，佢哋撩我就講吓嘢，無人撩我就自己靜靜哋行。風景依然漂亮，有良朋作伴之下，風景好似更加宜人。
Paul話，Camino好似無令人變到更好，反而令人學壞。Paul喺路上拎到啲大麻，為咗練習捲大麻，佢成日都捲煙食煙，依家好似有咗煙癮。佢好似又講得啱，上路之後，我自己喝酒食煙隊草都樣樣做齊。
行到落山路，我見悶悶哋，就拎啲花生出嚟玩，拋上半空再用口接住。頭幾吓都好好哋，有一次向後失去重心，成個人碌低咗，成個人跌咗入草叢，啲草。喺成組人面前仆街跌咗入草叢。Paul笑住大叫：嘩！Lee行行吓消失咗呀！！！屌，仆一次街真係咩面都無晒。點解我咁柒。柒完之後唔敢玩了，正正經經行路了。
我哋一路無停過，行到兩點幾就到目的地Triacastela。
Albergue四人一房，佢哋四個一間房。Paul話佢會同Sandra迫埋同一張床，叫我可以瞓佢上格。不了，唔想對住佢哋攬攬錫錫，我自己瞓隔離房。結果同我同房嘅都係路上認識過嘅，意大利姐姐Elena、巴西哥哥Leonardo同一個法國叔叔。
La fata - Triacastela 26km
六點半起身，喺Hostel食兩塊餅，但杯咖啡就上路。Herlin仲咪咪麼麼，我無等佢就自己走。
晨早上路，頭5km都係畢直嘅上山路，一早起身就勁chur，行一陣就出晒汗。早上嘅山路非常潮濕，雖然無落雨但路旁嘅野草都掛住露珠。
就嚟上到山頂嘅景色極靚，遠望有一大片雲海。「海面」風平浪靜，幾座聳高嘅山峰露出海面，從山上嘅角度望落去，山峰就好似一座一座海島咁。天空邊界嘅泛白、雲海嘅潔白，形成咗與別不同嘅「海天一色」。風景好靚好平靜，我就咁企咗喺到睇咗好耐。Hea到Herlin教後來追上。
山頂小村O cebrerios本來係噚日嘅目的地，到達之後有啲後悔噚日中途停低。O cebrerios好中世紀Feel，成條村啲屋都係用石頭起，景色一樣係靚到爆炸。
本來嘅計畫係停底食個早餐，但個肚仲唔餓，就繼續行。出村之後有兩條路，一係馬路旁落山，二係入野上多少少再落山，兩條路距離只係差幾百米。我就唔使諗揀上山，Herlin話想偷懶行馬路，於是我哋就分道揚鑣了。
上山路其實只係緩坡，開頭好多樹蔭擋晒風景，行出樹林之後就即刻有個180度無敵大山景。行咗成朝都塞住耳仔聽歌，因為路上太多人。上咗山之後一個人都無，好安靜，好平和，聽吓雀仔叫好聽過手機嘅音樂。行咗兩個鐘左右就Join返大路，全程都行得好嘆。
全程都自High住鳩行，行行吓撞返Herlin坐喺樹底休息。我哋兩個都行到肚餓了，但附近又無餐廳，好彩我有準備花生喺袋。食完花生抖一抖又出發，我又戴返耳機聽歌，Herlin行喺我後面不遠。老老豆豆，我真係做唔到佢咁行咁耐講咁耐嘢，寧願自己行聽聽歌嘆嘆景。
我哋各有向各行，風景依然係山景勁靚，雲已經散晒，淨係見到藍天白雲、青山綠樹，一層山疊住另一層山。呢幾日嘅景色應該係全程Camini最靚嘅一段路。
路況唔係完全平坦，有好多小上小落，行完一段上斜之後，終於見到有Cafe。終於有得食早餐。
一上到去就見到好多人喺到抖緊。第一眼就見到Quebec Paul and Sandra，仲有Sandra嘅家鄉朋友Mandy中途加入Camino。喺cafe仲有好多人我都識，後來法國妹Vera都到咗。Vera無喺Leon停多日，我仲以為佢已經行到好遠。
食完個好難食嘅薯仔奄列，Sandra、Paul、Herlin、Mandy and Me一團五個人一齊上路，識Paul and Sandra咁耐第一次同佢哋同行。我行喺前面，間中搭吓嗲，佢哋撩我就講吓嘢，無人撩我就自己靜靜哋行。風景依然漂亮，有良朋作伴之下，風景好似更加宜人。
Paul話，Camino好似無令人變到更好，反而令人學壞。Paul喺路上拎到啲大麻，為咗練習捲大麻，佢成日都捲煙食煙，依家好似有咗煙癮。佢好似又講得啱，上路之後，我自己喝酒食煙隊草都樣樣做齊。
行到落山路，我見悶悶哋，就拎啲花生出嚟玩，拋上半空再用口接住。頭幾吓都好好哋，有一次向後失去重心，成個人碌低咗，成個人跌咗入草叢，啲草。喺成組人面前仆街跌咗入草叢。Paul笑住大叫：嘩！Lee行行吓消失咗呀！！！屌，仆一次街真係咩面都無晒。點解我咁柒。柒完之後唔敢玩了，正正經經行路了。
我哋一路無停過，行到兩點幾就到目的地Triacastela。
Albergue四人一房，佢哋四個一間房。Paul話佢會同Sandra迫埋同一張床，叫我可以瞓佢上格。不了，唔想對住佢哋攬攬錫錫，我自己瞓隔離房。結果同我同房嘅都係路上認識過嘅，意大利姐姐Elena、巴西哥哥Leonardo同一個法國叔叔。
Albergue睇落好乾淨企理，但好奇怪嘅係所有房都無門，包括廁所浴室...得個推門。即係如果我痾尿，有人推門入嚟，全世界都會見到我條J...浴室都係得一塊簾隔住...趁無乜人我嗱嗱臨沖咗先。
等埋班Friend出去食飯。Albergue隔離間餐廳食Burger先€5，食食吓就開始落大雨，食枱成就坐喺餐廳Hea到6點半。7點超市就關門，所以大雨都要走了。我跑返Albergue拎遮拎雨褸，咁先行到去超市。
落雨無訂去，去完超市就返歸飲酒吹水。成班人牛吓牛吓就hea晒啲時間。啲衫晒曬，局住放入乾衣機。後來Bernald都到咗，雨都停咗。等Bernald沖埋涼就叫埋Paul, Sandral and mandy出去晚餐。
今晚我哋包咗一間房，食完飯就返房繼續飲。Bernald話自己日日有拉筋好叻仔，但我輕輕推推佢就叫晒救命。Albergue已經關咗燈，但成班仲好醒喺到用氣聲傾計。我又飲到醉醉哋，乜都聽唔明。淨係記得好好氣氛，好似以前Ocamp定中學畢業旅行咁，明明已經好攰，夜晚仲聚埋一間房吹水。唔知到Santiago時有無機會真係包一間房呢？如果今晚有鎖門，一定會係party night.
我繼續前行嘅原因聚埋晒喺同一間房，離終點越嚟越近，我想永遠停留喺呢個moment。我要做嘅只有享受，享受同朋友相聚嘅時間，享受餘下嘅路程。
等埋班Friend出去食飯。Albergue隔離間餐廳食Burger先€5，食食吓就開始落大雨，食枱成就坐喺餐廳Hea到6點半。7點超市就關門，所以大雨都要走了。我跑返Albergue拎遮拎雨褸，咁先行到去超市。
落雨無訂去，去完超市就返歸飲酒吹水。成班人牛吓牛吓就hea晒啲時間。啲衫晒曬，局住放入乾衣機。後來Bernald都到咗，雨都停咗。等Bernald沖埋涼就叫埋Paul, Sandral and mandy出去晚餐。
今晚我哋包咗一間房，食完飯就返房繼續飲。Bernald話自己日日有拉筋好叻仔，但我輕輕推推佢就叫晒救命。Albergue已經關咗燈，但成班仲好醒喺到用氣聲傾計。我又飲到醉醉哋，乜都聽唔明。淨係記得好好氣氛，好似以前Ocamp定中學畢業旅行咁，明明已經好攰，夜晚仲聚埋一間房吹水。唔知到Santiago時有無機會真係包一間房呢？如果今晚有鎖門，一定會係party night.
我繼續前行嘅原因聚埋晒喺同一間房，離終點越嚟越近，我想永遠停留喺呢個moment。我要做嘅只有享受，享受同朋友相聚嘅時間，享受餘下嘅路程。
終於補寫返之前嗰啲 手上仲有三四篇
好眼瞓 聽日一定up
仲有兩日到Santiago
仲喺到睇緊嘅不如揮個手
好眼瞓 聽日一定up
仲有兩日到Santiago
仲喺到睇緊嘅不如揮個手
預告
分咗幾日終於追哂 樓主加油 
重有2日！加油！
尾二一日
屌你老母門都未開已經滿咗一半
呢排有d忙，無追得咁貼 其實變唔變衰，好睇個人自控，camino只係將所有事情加速，都係個句，camino係人生嘅縮影
真係好嬲
今晚較4點鐘鬧鐘嘈鳩醒你班仆街
今晚較4點鐘鬧鐘嘈鳩醒你班仆街
邊度黎
呢個位完全無印像
呢個位完全無印像
O Pedrouzo 20km from santiago
呢個鎮仔我last都係住呢度，但有公營albergue?一路都有睇呀，樓主加油 
有呀 不過俾啲學校霸晒
我十二點到 一點開門 我check in嗰時得返十張床
我十二點到 一點開門 我check in嗰時得返十張床
Triacastela - Barbadelo 23km
尋晚佢哋全部同一間房，早上出門前同佢哋講聲拜拜就自己上路。
天清氣朗，但係人多擠迫 ，早上一組又一組朝聖者結伴出發 Leon，之後日日都咁多人，我都已經習慣曬，戴上耳機唔理其他人。今日朝早心情暢快，聽住音樂，一路行一路耍棍，步伐都特別輕快。
行行下有個大叔朝聖者問我：「你係咪好開心」 我答：「係！我日日都好開心」跟住我用小跳步跳咗幾吓，大叔見我瘋瘋癲癲，佢又跟埋我一齊跳，但係跳咗兩步就停低咗，大笑四聲哈哈哈哈，話自己老喇跳唔到。兩個大男人喺路中心跳跳紮，兩個人都傻傻哋。
跟住標記指引行咗上馬路，行行吓發現唔對路，因為我見到隔住草叢仲內另一條路，有其他朝聖者行緊。我諗住反正都係同一個方向，就懶得cut返入去。
行行下越嚟越濃霧，淨係見到一個跟喺我後面幾十米，行行下就見唔到朝聖者嘅行人路，見唔到後面嘅韓妹，濃霧完全遮蓋太陽，根本睇唔到自己前面嘅方向。對一對地圖，先知自己前進方向錯誤，繼續行落去一定會蕩失路，於是就把心一橫，打橫行草叢。好彩行得番去行人路。但都係唔見後面韓妹嘅身影，好驚佢跟住我行，蕩失咗路。
行咗一陣去到一個好大嘅休息站，善心人將 多食物放喺枱面，自由捐獻，仲有幾張梳化。我到嘅時候驚好多朝聖者喺嗰度聚集，場面好熱鬧。於是我都停低頭頭，食個早餐，順便等下後面啲人。睇佢哋會唔會追到上嚟。
休息站有好多有意思嘅塗鴉，但竟然有韓國人將早兩晚德韓世界盃決賽果寫喺係牆上，就係呢啲人影衰曬自己國家。留咗半個鐘都唔見佢哋我就自己行先。
在起步之後一路冇停過行道Sarria，沿途冇乜風景，只有好多朝聖者，聽歌低頭前進行咗個零鐘就到Sarria。
路上喺度諗回港之後Camino會帶畀我乜嘢轉變，我諗最大嘅影響係令我想學習更多語言，返到香港之後一定會學德文，然後再用我嘅語言能力去搵工。
十二點鐘左右就到Sarria。Sarria係最後一百公里嘅大城市，好多人喺度加入，但城市沒有想像中熱鬧。因為今日係星期日，除咗朝聖路上嘅店鋪，其他全部都係關門，連超市都冇開。
我冇打算住喺呢度，本來想去超市買多啲補給，點知行咗三四間超市都冇開。於是就兜咗一大圈返去城市嘅入口有兩間小店。兜完一大圈嘥曬啲時間之後，就搵位食lunch。
坐喺戶外食lunch見到好多年輕嘅面孔行過，咩住一個好大嘅背囊，有啲人著住潔白嘅t-shirt，呢啲就係新嘅朝聖者，之後幾日應該會見到好多呢啲人。
食完飯再出發，背囊加上啱啱買咗水變到好重好重，天氣又好熱好熱。行咗幾步就喘曬氣流曬汗，雖然淨係得四公里路，但係中途都要停低休息。
行咗一個鐘左右就到Barbadelo。Barbadelo只係一個得albergue同餐廳嘅小村，門口就有一間又新又靚嘅albergue，仲有個唔細嘅泳池，價錢都係€10。好多人已經到咗，揀咗呢間albergue，認識嘅朝聖者又有，學校細路有人。太多人了不了，更何況我嘅原則係有公營就住公營。
公營Albergue要行入少少，簡簡單單，細細哋人少少好寧靜，我寧願揀呢間。
呢間Albergue嘅沖涼房又痴線嘅。廁所無鎖，尿兜喺正門口隔離，如果我喺尿兜痾有人入嚟，第一眼就會見到我條J。沖涼房得簾，都算。最痴線係男女共用廁所呀！沖沖吓涼有條女入廁所嘅話，都唔知係好定壞。好彩我係第二個到嘅人，第一個唔知去咗邊，得我一個喺Albergue，嗱嗱臨快快手沖啦。
尋晚佢哋全部同一間房，早上出門前同佢哋講聲拜拜就自己上路。
天清氣朗，但係人多擠迫 ，早上一組又一組朝聖者結伴出發 Leon，之後日日都咁多人，我都已經習慣曬，戴上耳機唔理其他人。今日朝早心情暢快，聽住音樂，一路行一路耍棍，步伐都特別輕快。
行行下有個大叔朝聖者問我：「你係咪好開心」 我答：「係！我日日都好開心」跟住我用小跳步跳咗幾吓，大叔見我瘋瘋癲癲，佢又跟埋我一齊跳，但係跳咗兩步就停低咗，大笑四聲哈哈哈哈，話自己老喇跳唔到。兩個大男人喺路中心跳跳紮，兩個人都傻傻哋。
跟住標記指引行咗上馬路，行行吓發現唔對路，因為我見到隔住草叢仲內另一條路，有其他朝聖者行緊。我諗住反正都係同一個方向，就懶得cut返入去。
行行下越嚟越濃霧，淨係見到一個跟喺我後面幾十米，行行下就見唔到朝聖者嘅行人路，見唔到後面嘅韓妹，濃霧完全遮蓋太陽，根本睇唔到自己前面嘅方向。對一對地圖，先知自己前進方向錯誤，繼續行落去一定會蕩失路，於是就把心一橫，打橫行草叢。好彩行得番去行人路。但都係唔見後面韓妹嘅身影，好驚佢跟住我行，蕩失咗路。
行咗一陣去到一個好大嘅休息站，善心人將 多食物放喺枱面，自由捐獻，仲有幾張梳化。我到嘅時候驚好多朝聖者喺嗰度聚集，場面好熱鬧。於是我都停低頭頭，食個早餐，順便等下後面啲人。睇佢哋會唔會追到上嚟。
休息站有好多有意思嘅塗鴉，但竟然有韓國人將早兩晚德韓世界盃決賽果寫喺係牆上，就係呢啲人影衰曬自己國家。留咗半個鐘都唔見佢哋我就自己行先。
在起步之後一路冇停過行道Sarria，沿途冇乜風景，只有好多朝聖者，聽歌低頭前進行咗個零鐘就到Sarria。
路上喺度諗回港之後Camino會帶畀我乜嘢轉變，我諗最大嘅影響係令我想學習更多語言，返到香港之後一定會學德文，然後再用我嘅語言能力去搵工。
十二點鐘左右就到Sarria。Sarria係最後一百公里嘅大城市，好多人喺度加入，但城市沒有想像中熱鬧。因為今日係星期日，除咗朝聖路上嘅店鋪，其他全部都係關門，連超市都冇開。
我冇打算住喺呢度，本來想去超市買多啲補給，點知行咗三四間超市都冇開。於是就兜咗一大圈返去城市嘅入口有兩間小店。兜完一大圈嘥曬啲時間之後，就搵位食lunch。
坐喺戶外食lunch見到好多年輕嘅面孔行過，咩住一個好大嘅背囊，有啲人著住潔白嘅t-shirt，呢啲就係新嘅朝聖者，之後幾日應該會見到好多呢啲人。
食完飯再出發，背囊加上啱啱買咗水變到好重好重，天氣又好熱好熱。行咗幾步就喘曬氣流曬汗，雖然淨係得四公里路，但係中途都要停低休息。
行咗一個鐘左右就到Barbadelo。Barbadelo只係一個得albergue同餐廳嘅小村，門口就有一間又新又靚嘅albergue，仲有個唔細嘅泳池，價錢都係€10。好多人已經到咗，揀咗呢間albergue，認識嘅朝聖者又有，學校細路有人。太多人了不了，更何況我嘅原則係有公營就住公營。
公營Albergue要行入少少，簡簡單單，細細哋人少少好寧靜，我寧願揀呢間。
呢間Albergue嘅沖涼房又痴線嘅。廁所無鎖，尿兜喺正門口隔離，如果我喺尿兜痾有人入嚟，第一眼就會見到我條J。沖涼房得簾，都算。最痴線係男女共用廁所呀！沖沖吓涼有條女入廁所嘅話，都唔知係好定壞。好彩我係第二個到嘅人，第一個唔知去咗邊，得我一個喺Albergue，嗱嗱臨快快手沖啦。
7，8月係咁 ，見d blog講過
，見d blog講過洗埋衫就搵位Hea，門口就已經好靚景，我坐咗上圍欄石壆，太靜太chill又啩住Hea無打文。正想開始打文嘅時候，就有隻貓埋嚟搞住晒，見佢咁打意又忍唔住撩佢玩。唔理佢都坐埋嚟，霸咗我一半位，啩住玩又無打文。
玩玩吓都五點，Bernald都到咗，佢一見到我就話我噚晚幫佢拉筋拉到今朝行唔到路咁濟。渣ga，噚晚都無用力同佢拉。佢抖抖我哋就去泳池Albergue睇睇，佢要wifi打機，我都想去睇吓
好多人朝泳池旁邊曬大陽休息，朝聖者又有，細路又有，嫩口西妹都好多。男嘅就話著短褲，女嘅都有比基尼，其實點解有人會帶泳衣嚟朝聖。
望咗望就去池邊Bar坐吓，班新嘅韓國人都喺到，仲未同佢哋認識，先自介咗就第一句，「我叫Lee」，就有人叫我名。係荷蘭伯伯Paul！！！佢無喺Leon停留，喺Leon嗰日我仲同佢講定byebye，in case嗰次係我哋最後一次見面，今日行路我仲諗：我都估到唔會再見到Paul㗎喇，好彩我講定byebye，起碼無咁sad。點知就撞返佢。佢等埋幾個荷蘭家鄉朋友一齊行，所以先會慢返，所以先見得返。之前成日都撞到Paul，成日同佢打牙骹，重遇真係好開心，即刻嚟個大擁抱。
同Paul打完牙骹之後就hi返韓國人，記低晒佢哋啲名，咁就唔使用十日先記都啲韓仔名。Bernald後來返咗albergue休息，抖到七點半我哋又出返泳池食飯。Paul搭搭我膊頭，同我講聲「smarkoley aten」，即係Enjoy your dinner，仲句係佢最初教我嘅荷蘭文。
食飽飯，Bernald同我如常返Albergue門口繼續飲，佢飲一陣就醉到就咁瞓咗喺地下。匈牙利大哥Csaby都喺到，見到Bernald醉咗爬嚟爬去，攤咗喺地下，我哋都笑咗。Csaby俾咗杯茶我解解酒，咁寧靜嘅夜晚我都唔想醉住過。
Hea Hea吓都天黑，星星開始出嚟。我見咗靚天，就問Csaby要唔要星星相，佢梗係話好。我又問瞓咗喺地嘅Bernald要唔要，佢話自己醉喇唔好啦，但俾Casby推咗一齊嚟。
我哋行出小小無燈嘅地方，草叢有啲唔識飛嘅螢火草叢之中有一點點微弱嘅光芒。試影咗幾張，佢哋就輪流做model。一見啲相，Bernald就醉醒晒，Csaby就係咗話OMG。影夠就三個大男人攤喺地下睇星空，星空比前幾次更清更亮，肉眼見得到星座嘅輪廓，當然仲有銀河。
我哋瞓喺地下，望住星空，交換自己嘅星空知識，Bernald話加拿大北面嘅星空更加靚到痴線，叫我哋去加拿大一定要搵佢。我都好想睇吓佢講嘅星空，唔知係幾時呢。
睇到成點鐘，大家都眼瞓了，齊齊返去瞓，瞓到落床都點半，聽日都係行少啲了。
玩玩吓都五點，Bernald都到咗，佢一見到我就話我噚晚幫佢拉筋拉到今朝行唔到路咁濟。渣ga，噚晚都無用力同佢拉。佢抖抖我哋就去泳池Albergue睇睇，佢要wifi打機，我都想去睇吓
好多人朝泳池旁邊曬大陽休息，朝聖者又有，細路又有，嫩口西妹都好多。男嘅就話著短褲，女嘅都有比基尼，其實點解有人會帶泳衣嚟朝聖。
望咗望就去池邊Bar坐吓，班新嘅韓國人都喺到，仲未同佢哋認識，先自介咗就第一句，「我叫Lee」，就有人叫我名。係荷蘭伯伯Paul！！！佢無喺Leon停留，喺Leon嗰日我仲同佢講定byebye，in case嗰次係我哋最後一次見面，今日行路我仲諗：我都估到唔會再見到Paul㗎喇，好彩我講定byebye，起碼無咁sad。點知就撞返佢。佢等埋幾個荷蘭家鄉朋友一齊行，所以先會慢返，所以先見得返。之前成日都撞到Paul，成日同佢打牙骹，重遇真係好開心，即刻嚟個大擁抱。
同Paul打完牙骹之後就hi返韓國人，記低晒佢哋啲名，咁就唔使用十日先記都啲韓仔名。Bernald後來返咗albergue休息，抖到七點半我哋又出返泳池食飯。Paul搭搭我膊頭，同我講聲「smarkoley aten」，即係Enjoy your dinner，仲句係佢最初教我嘅荷蘭文。
食飽飯，Bernald同我如常返Albergue門口繼續飲，佢飲一陣就醉到就咁瞓咗喺地下。匈牙利大哥Csaby都喺到，見到Bernald醉咗爬嚟爬去，攤咗喺地下，我哋都笑咗。Csaby俾咗杯茶我解解酒，咁寧靜嘅夜晚我都唔想醉住過。
Hea Hea吓都天黑，星星開始出嚟。我見咗靚天，就問Csaby要唔要星星相，佢梗係話好。我又問瞓咗喺地嘅Bernald要唔要，佢話自己醉喇唔好啦，但俾Casby推咗一齊嚟。
我哋行出小小無燈嘅地方，草叢有啲唔識飛嘅螢火草叢之中有一點點微弱嘅光芒。試影咗幾張，佢哋就輪流做model。一見啲相，Bernald就醉醒晒，Csaby就係咗話OMG。影夠就三個大男人攤喺地下睇星空，星空比前幾次更清更亮，肉眼見得到星座嘅輪廓，當然仲有銀河。
我哋瞓喺地下，望住星空，交換自己嘅星空知識，Bernald話加拿大北面嘅星空更加靚到痴線，叫我哋去加拿大一定要搵佢。我都好想睇吓佢講嘅星空，唔知係幾時呢。
睇到成點鐘，大家都眼瞓了，齊齊返去瞓，瞓到落床都點半，聽日都係行少啲了。
Day 29
Barbadelo - Portomarin 18km
噚晚點半先瞓覺，朝早其他人執嘢走晒都唔知，七點半起床得返我同bernald喺房。起身要嗱嗱聲執好嘢，八點鐘Albergue就關門，不過Albergue姨姨無趕我哋走無催住晒。
我哋喺門口食個蛋糕做早餐先至正式上路。Sarria之後，更多新朝聖者加入。 喺門口睇啲人一組有一組接住行過，我哋想等個少人啲嘅時機先行出去， 但等咗幾分鐘人流都係冇停過。Bernald屌咗一聲，就自己行先，我就慢慢飲埋罐Red bull再走。 我對住經過嘅人群講Buen Camino，佢哋淨係眼超超咁望住我，無Gracius (Thank You)、無Buen Camino返我，好似望住個傻佬對住空氣講嘢咁。我都係收嗲了。
過咗一陣我都出發，我帶著耳機頭耷耷快快腳向前行。無同新朝聖者們打招呼，無特別留意四圍嘅風景 ，都無心情影相，淨係想擺脫呢一班一大群又一大群嘅新朝聖者。
新舊朝聖者一眼就睇得出，生朝聖者通常都係好年輕、一大群，有啲仲著條白色t-shirt。佢哋都咩一個好細嘅背囊， 拎住部相機，仲化晒妝嚟行路，有啲囡囡條褲短到見到半個屎忽。真係見到都眼冤。 最慘嘅係行過咗一組前面有另一組， 成條路好似巡遊咁多人。
我嘅步速可以話係半跑。用兩支行山杖撐住地下，然後隻腳一蹬 ，咁樣行好似跑山咁跑，行得好快，經過一組又一組朝聖者。當然經過嘅人群之中都有啲本來認識嘅，但我冇特別停留同佢哋打牙骹，打聲招呼就自己行先。
行到九點零鐘就去到一間cafe， 抖抖順便食個早餐。荷蘭叔叔Han喺隔離枱，話今日嘅景況好似農夫趕牛咁，仲同啲新朝聖者講Buen “Cowmino”。Bernald早出發但落後喺我後面， 我食完早餐佢都追咗上嚟，我哋兩個一齊起步。佢又話今日好忟，因為行極都擺脫唔到嗰班新嘅朝聖者。
其實我都有同感。 雖然行得耐唔代表自己幾威幾勁，但見到一大班新人邊行邊笑， 一字排開 ，就見到我好忟。Bernald行得好快，行行下就唔見咗佢。我繼續用半跑嘅步速前進。
行咗半個鐘都冇，我停低咗休息。 因為路上有一個好似琴日咁嘅休息站，檯面放咗好多食物畀人任拎 ，自由捐獻。食物仲有好多款式，有pancake，有三文治，連啤酒都有。我同Bernald都停咗喺到Hea咗一陣。
我發現停喺休息站休息嘅人，都係真朝聖者。 新嘅朝聖者，見到成枱食物都唔會停低休息，可能佢哋仲未習慣有善心人咁好心免費提供食物畀朝聖者。
我哋都唔敢停留太耐，一停得耐，超越咗嘅新朝聖者又追返上嚟，又要再花氣力再超過佢哋。
出發之後行多一陣就去到最後一百公里嘅石碑 。好多人排隊影相，我影咗一影個石碑就行先 。心諗你哋有咩資格打卡影相，你哋淨係今日行咗幾個鐘， 我哋呢啲行咗成個月嘅仲咁得閒同你排隊影相？
行多一陣我又發現咗一個我更鍾意嘅石碑， 石碑上面寫住Jesus didn't start in Sarria。 本來加速向前行緊嘅我，一見到呢個石碑，就忍唔住笑到停低咗。 唔知有冇新朝聖者睇到呢句會有感覺呢，我諗都冇喇，我諗佢哋畀人串咗都唔知。
雖然之後繼續加速上路，沿路直奔Protomarin。 從山上已經可以見到Protomarin 隔離就有一個大湖， 落山有兩條路線一條行車路，另一條係兜一兜去湖邊，我見大部分人都揀車路我梗係揀另一條啦。另一條路之後仲有一條分岔路，一條路就樓梯直落，另一條路就斜路經小村，斜路要行多500米。 我又諗都冇諗就行咗車路，其他全部朝聖者都揀咗樓梯直落 。行咗成日終於有機會自己靜下，除咗耳機聽下雀仔聲，聽下自己腳步聲。 呢一段咁安靜嘅道路淨係行咗15分鐘。
今日全程戴住耳機但係都有啲新諗頭，我喺度諗究竟有冇方法，像朝聖嘅生活帶返香港呢。我諗過學煮西班牙菜式，然後返香港開間Camino主題cafe， 又可以搵錢生活到，又可以將呢件事佢推廣畀咁多香港人知道。 當然呢個暫時都只係一個天馬行空嘅想法。
進入Protomarin之前，一定要經過一條橫跨大湖嘅大橋，喺大橋嘅一邊望住另一邊嘅城市，風景非常漂亮。好靚嘅觀景位，但反而冇咩人停留欣賞，啱曬我一個人坐喺度休息。
坐咗一陣，分開行嘅Bernald就話我知佢已經入咗城，於是我都入城搵佢，飲咗杯啤酒之後就一齊去搵地方住。 途中遇到冰島四女士， 我 幾個星期前就認識佢哋，都撞過好多次，佢哋同Berbald好friend。 一團人走去搵公營Albergue。Protomarin 得一間€6嘅Albergue， 其他全部€10，即係都無得揀。
Barbadelo - Portomarin 18km
噚晚點半先瞓覺，朝早其他人執嘢走晒都唔知，七點半起床得返我同bernald喺房。起身要嗱嗱聲執好嘢，八點鐘Albergue就關門，不過Albergue姨姨無趕我哋走無催住晒。
我哋喺門口食個蛋糕做早餐先至正式上路。Sarria之後，更多新朝聖者加入。 喺門口睇啲人一組有一組接住行過，我哋想等個少人啲嘅時機先行出去， 但等咗幾分鐘人流都係冇停過。Bernald屌咗一聲，就自己行先，我就慢慢飲埋罐Red bull再走。 我對住經過嘅人群講Buen Camino，佢哋淨係眼超超咁望住我，無Gracius (Thank You)、無Buen Camino返我，好似望住個傻佬對住空氣講嘢咁。我都係收嗲了。
過咗一陣我都出發，我帶著耳機頭耷耷快快腳向前行。無同新朝聖者們打招呼，無特別留意四圍嘅風景 ，都無心情影相，淨係想擺脫呢一班一大群又一大群嘅新朝聖者。
新舊朝聖者一眼就睇得出，生朝聖者通常都係好年輕、一大群，有啲仲著條白色t-shirt。佢哋都咩一個好細嘅背囊， 拎住部相機，仲化晒妝嚟行路，有啲囡囡條褲短到見到半個屎忽。真係見到都眼冤。 最慘嘅係行過咗一組前面有另一組， 成條路好似巡遊咁多人。
我嘅步速可以話係半跑。用兩支行山杖撐住地下，然後隻腳一蹬 ，咁樣行好似跑山咁跑，行得好快，經過一組又一組朝聖者。當然經過嘅人群之中都有啲本來認識嘅，但我冇特別停留同佢哋打牙骹，打聲招呼就自己行先。
行到九點零鐘就去到一間cafe， 抖抖順便食個早餐。荷蘭叔叔Han喺隔離枱，話今日嘅景況好似農夫趕牛咁，仲同啲新朝聖者講Buen “Cowmino”。Bernald早出發但落後喺我後面， 我食完早餐佢都追咗上嚟，我哋兩個一齊起步。佢又話今日好忟，因為行極都擺脫唔到嗰班新嘅朝聖者。
其實我都有同感。 雖然行得耐唔代表自己幾威幾勁，但見到一大班新人邊行邊笑， 一字排開 ，就見到我好忟。Bernald行得好快，行行下就唔見咗佢。我繼續用半跑嘅步速前進。
行咗半個鐘都冇，我停低咗休息。 因為路上有一個好似琴日咁嘅休息站，檯面放咗好多食物畀人任拎 ，自由捐獻。食物仲有好多款式，有pancake，有三文治，連啤酒都有。我同Bernald都停咗喺到Hea咗一陣。
我發現停喺休息站休息嘅人，都係真朝聖者。 新嘅朝聖者，見到成枱食物都唔會停低休息，可能佢哋仲未習慣有善心人咁好心免費提供食物畀朝聖者。
我哋都唔敢停留太耐，一停得耐，超越咗嘅新朝聖者又追返上嚟，又要再花氣力再超過佢哋。
出發之後行多一陣就去到最後一百公里嘅石碑 。好多人排隊影相，我影咗一影個石碑就行先 。心諗你哋有咩資格打卡影相，你哋淨係今日行咗幾個鐘， 我哋呢啲行咗成個月嘅仲咁得閒同你排隊影相？
行多一陣我又發現咗一個我更鍾意嘅石碑， 石碑上面寫住Jesus didn't start in Sarria。 本來加速向前行緊嘅我，一見到呢個石碑，就忍唔住笑到停低咗。 唔知有冇新朝聖者睇到呢句會有感覺呢，我諗都冇喇，我諗佢哋畀人串咗都唔知。
雖然之後繼續加速上路，沿路直奔Protomarin。 從山上已經可以見到Protomarin 隔離就有一個大湖， 落山有兩條路線一條行車路，另一條係兜一兜去湖邊，我見大部分人都揀車路我梗係揀另一條啦。另一條路之後仲有一條分岔路，一條路就樓梯直落，另一條路就斜路經小村，斜路要行多500米。 我又諗都冇諗就行咗車路，其他全部朝聖者都揀咗樓梯直落 。行咗成日終於有機會自己靜下，除咗耳機聽下雀仔聲，聽下自己腳步聲。 呢一段咁安靜嘅道路淨係行咗15分鐘。
今日全程戴住耳機但係都有啲新諗頭，我喺度諗究竟有冇方法，像朝聖嘅生活帶返香港呢。我諗過學煮西班牙菜式，然後返香港開間Camino主題cafe， 又可以搵錢生活到，又可以將呢件事佢推廣畀咁多香港人知道。 當然呢個暫時都只係一個天馬行空嘅想法。
進入Protomarin之前，一定要經過一條橫跨大湖嘅大橋，喺大橋嘅一邊望住另一邊嘅城市，風景非常漂亮。好靚嘅觀景位，但反而冇咩人停留欣賞，啱曬我一個人坐喺度休息。
坐咗一陣，分開行嘅Bernald就話我知佢已經入咗城，於是我都入城搵佢，飲咗杯啤酒之後就一齊去搵地方住。 途中遇到冰島四女士， 我 幾個星期前就認識佢哋，都撞過好多次，佢哋同Berbald好friend。 一團人走去搵公營Albergue。Protomarin 得一間€6嘅Albergue， 其他全部€10，即係都無得揀。
Albergue 望落好新淨好靚，樣樣都幾好，但偏偏個浴室花灑係冇門嘅，成堆男人望住大家條J一齊沖涼，接受唔到。 我到嘅時候後面有一大班年輕新朝聖者排隊入冊，德妹Herlin神奇哋早過我到，明明我都已經無停行得好快，佢今日仲要行得多過我。
放低曬啲嘢就立即去沖涼先。 我用咗一分鐘淋水，一分鐘落梘液， 再一分鐘沖身。 三分鐘就沖好個涼著返衫褲， 好彩仲係得我一個人， 我真係接受唔到冇門嘅浴室，隔離有人一齊沖涼。
沖完涼洗衫就出去食lunch，Join埋Bernald、冰島四女士、荷蘭長髮男micheal一齊食。 我叫咗個魷魚雜菜湯， 佢知道好似中式魷魚湯，搞到我好想飲返一碗老火魷魚湯。
食完之後各散東西，我又去返大橋嘅另一邊，望住大湖同城市打文， 天氣熱到不得了，坐喺因為五分鐘到開始出汗。
用電話用到冇電就返去叉叉電，搵埋Bernald and Helin出超市行下，回程嘅時候見到paul and Sandra喺酒吧hea緊，於是又搵埋佢哋一齊行街，喺超市買咗少少嘢之後，我同helin就返去休息。
佢有佢整自己嘅晚餐，我有我打自己文。唞咗個零鐘。Paul同Sandra同Mandy到返咗嚟，一齊吹水。成班人喺到扮大陸喱，練習Chinese squat，即係踎街，傻傻哋。
Paul and Sandra喺度想像緊喺Camino上結婚 ，話去finisterre行禮，Paul仲話要我做佢伴郎。只係喺路上識咗兩個月嘅人，佢哋年紀差成十年，真係講到談婚論嫁。雖然唔知係真係㗎，但呢一份情真係幾難得。Sandral仲諗要由德國搬去加拿大搵Paul。
由五點鐘吹到八點幾，終於出去食少少晚餐，食完晚餐之後，又返去繼續飲酒吹水。到咗夜晚十點Albergue無鎖門，成大班friend仲坐喺門口飲酒吹水，有Quebec Paul and Bernald，德妹Sandra、Mandy，法妹Vera，荷仔Koen。
我已經飲到醉醉哋，但係既然冇鎖門我就提議不如出去一齊睇星星，於是就咁成班人一齊出城，過橋去到好黑嘅地方睇星星。沿路又有啲唔識嘅人加入，夜晚黑媽媽我都睇唔到邊個打邊個，總之就係一大班人十幾個一齊去到好黑嘅地方睇星星。
我又再次充當攝影師嘅角色，輪流幫每個人同星空留影，呢一晚最滿意嗰張係paul and sandra係星空之下親吻對方。排隊影相嘅人瞓曬喺地下馬路旁邊睇星，吹水大聲笑大聲講，完全冇諗過附近有冇人瞓緊覺。每當有車經過嘅時候，就會有人大嗌「有車呀呀呀呀呀呀呀！」喺馬路中心影緊相嘅人就要跑返入嚟。明明已經係深夜，全部人都好興奮，我敢話全部人都飲醉咗酒。我身為統籌呢一晚嘅人，見到佢哋係痴曬線，我都覺得好開心。成班飲醉酒嘅朝聖者瞓喺地下，有講有笑，望住星星呢個場面真係難得。
放低曬啲嘢就立即去沖涼先。 我用咗一分鐘淋水，一分鐘落梘液， 再一分鐘沖身。 三分鐘就沖好個涼著返衫褲， 好彩仲係得我一個人， 我真係接受唔到冇門嘅浴室，隔離有人一齊沖涼。
沖完涼洗衫就出去食lunch，Join埋Bernald、冰島四女士、荷蘭長髮男micheal一齊食。 我叫咗個魷魚雜菜湯， 佢知道好似中式魷魚湯，搞到我好想飲返一碗老火魷魚湯。
食完之後各散東西，我又去返大橋嘅另一邊，望住大湖同城市打文， 天氣熱到不得了，坐喺因為五分鐘到開始出汗。
用電話用到冇電就返去叉叉電，搵埋Bernald and Helin出超市行下，回程嘅時候見到paul and Sandra喺酒吧hea緊，於是又搵埋佢哋一齊行街，喺超市買咗少少嘢之後，我同helin就返去休息。
佢有佢整自己嘅晚餐，我有我打自己文。唞咗個零鐘。Paul同Sandra同Mandy到返咗嚟，一齊吹水。成班人喺到扮大陸喱，練習Chinese squat，即係踎街，傻傻哋。
Paul and Sandra喺度想像緊喺Camino上結婚 ，話去finisterre行禮，Paul仲話要我做佢伴郎。只係喺路上識咗兩個月嘅人，佢哋年紀差成十年，真係講到談婚論嫁。雖然唔知係真係㗎，但呢一份情真係幾難得。Sandral仲諗要由德國搬去加拿大搵Paul。
由五點鐘吹到八點幾，終於出去食少少晚餐，食完晚餐之後，又返去繼續飲酒吹水。到咗夜晚十點Albergue無鎖門，成大班friend仲坐喺門口飲酒吹水，有Quebec Paul and Bernald，德妹Sandra、Mandy，法妹Vera，荷仔Koen。
我已經飲到醉醉哋，但係既然冇鎖門我就提議不如出去一齊睇星星，於是就咁成班人一齊出城，過橋去到好黑嘅地方睇星星。沿路又有啲唔識嘅人加入，夜晚黑媽媽我都睇唔到邊個打邊個，總之就係一大班人十幾個一齊去到好黑嘅地方睇星星。
我又再次充當攝影師嘅角色，輪流幫每個人同星空留影，呢一晚最滿意嗰張係paul and sandra係星空之下親吻對方。排隊影相嘅人瞓曬喺地下馬路旁邊睇星，吹水大聲笑大聲講，完全冇諗過附近有冇人瞓緊覺。每當有車經過嘅時候，就會有人大嗌「有車呀呀呀呀呀呀呀！」喺馬路中心影緊相嘅人就要跑返入嚟。明明已經係深夜，全部人都好興奮，我敢話全部人都飲醉咗酒。我身為統籌呢一晚嘅人，見到佢哋係痴曬線，我都覺得好開心。成班飲醉酒嘅朝聖者瞓喺地下，有講有笑，望住星星呢個場面真係難得。
有個曾經好愛我嘅女仔，佢行過Camino
行Camino係佢最珍貴嘅回憶之一
但佢為左我，撕爛左佢本行Camino時寫嘅遊記...
我知當時佢好愛好愛我，我都愛過佢，
但心入面就係放唔低我最愛嗰個
而家睇化哂啦，我都想自己行一次Camino
行Camino係佢最珍貴嘅回憶之一
但佢為左我，撕爛左佢本行Camino時寫嘅遊記...
我知當時佢好愛好愛我，我都愛過佢，
但心入面就係放唔低我最愛嗰個
而家睇化哂啦，我都想自己行一次Camino