[Live] 一個人的朝聖路 Camino de Santiago

浸米可唔可以俾多一個月佢

一個月命

已到Lorrasoaña 夜啲再出文

今日好少相 因為好大雨 因為好大雨部相機死咗 因為部相機死咗無晒mood

巴打加油
尋晚起Porto遇到人啱啱行完有啲心動

你係邊到搵到米浸

上年7-8月行完，第一日上山落大雨，好辛苦，但之後就開始習慣，行係次要，觀光為主。
如果樓主腳痛，建議買鞋墊，仲有小心sarria後多人要book albergue，小心安全，聽過有人專捉朝聖者。
enjoy your trip

依家去超市睇吓有無

強貼留名，plan 緊2019年行，其實想問下咩月份行d天氣會比較好？

已經踩咗好多 應該馬屎牛屎羊屎都踩過

哀大

當交學費, 以後去旅行小心D

巴打加油！ 強貼留名

隻腳暫時仲ok
三十日後就拎到證書喇

有人睇好開心 多謝支持

5,6月 or, 9,10月

5,6月 D 野綠油油,

9,10月就收成, 一係黃一係收割咗

9,10月路過D 葡萄園區, 好多人偷葡萄食, 極甜
或者見到工人收割, 問佢地拎都會畀

真係有米賣 希望救得返
btw好撚重

認同樓上 係好特別嘅grad trip
樓主打得好認真
加油唔好爛尾 注意安全

Btw god bless your camera

其實我自己睇返見到好多廢話
不過真係心路歷程全紀錄

記住今日你為咗部相機煩, 行完再睇返

好擔心
如果浸幾日米都唔掂嘅話可能要買過部
啲backup budget一Q清晒

如果你部電話影相都唔算差, 就用電話算啦

Day 3
Roncesvalle - Lorrasoaña 28km


繼噚日嘅好天氣之後，今日落足全日雨，相都無點影過，因為好大雨，因為好大雨部相機死咗，因為部機死咗無晒mood，真係要大叫一句「白飯呼羅」。

早上五點半鐘自然醒咗，唔係俾人嘈醒，每日都有動力起身嘅感覺好正。躝多陣床唔夠六點就起身，拉拉筋，嗱嗱臨收衫執包袱，嘅衫仲係乾唔透。Gi一早就走咗，佢話今日嘅目標係Lorrasoaña。

門外落大雨，睇個天都唔似唔停，即係今日要冒雨前行了。喺門口撞返英文姐姐，佢笑笑口同我講，噚日咁好天氣已經賺晒。佢嘅爽朗樂觀真係好charm。

七點早餐時間，一枱人圍埋食，但無乜點交流。韓國人團一早出發晒，志汌就同我一齊早餐再出發。行行吓唔見咗佢，我都無理到一條友向前行。唔知做乜鬥志旺盛，一條友係咁向前爆，手機相機全部都無拎出嚟。條路大部分都係爛泥，啲位直頭水深過鞋，少部分係車路石路，唔係有兩碌棍喺手，一定一仆一碌。

唔知點解，今日先第三日，離開香港嘅五日，就好似已經有在路上成個月嘅感覺。

我諗行咗半個鐘之後，遲出發意大利仔michele追上我了，於是我哋一齊行咗一段路。佢對鞋係普通跑鞋，一早已經入晒水。我對鞋雖然有防水，但都唔係好得幾多，鞋入面已經濕晒。行過爛泥嘅時候，michele係咁fuck fuck叫，後來直接執咗嚿木當杖用。行嘅時候悶悶哋，我就叫佢教我講意大利粗口，意文Fuck U讀「白飯呼羅」，當然我都有教返佢講「屌你」，於是兩條on9仔就一路行一路對住個落雨天叫「白飯呼羅」「屌你」。再行多一陣，michele就拋離咗我了。

得返自己一個，低頭向前繼續爆，又行咗一個鐘左右，行經去一間酒吧。我諗仲有力向前行，於是就無停低。英文姐姐喺酒吧行出嚟，我哋就一齊行。

英文姐姐叫Tina，嚟自阿拉斯加，一齊行咗兩三個鐘，交換晒大家嘅背景。必需講多次，佢嘅爽朗樂觀真係好charm。喺咁嘅大雨天，佢都仲可以笑笑口行。次次聽到我行到嗌救命嘅時候，佢就哈哈哈笑，佢嘅笑聲的確減少咗雨天嘅煩燥感。行咗一陣之後，瑞典Patrick又加入咗我哋，三條友一路行行行就行到Zubiri。


其實行到咁上下我已經好想停低抖抖，但幾乎全程都係樹林，加上落雨濕濕根本無位停低。全程都好似行小澗咁，啲石凹凹凸凸行到腳掌隱隱作痛。

行到中途，我見雨勢細啲，就喺腰間袋拎部相機出嚟影兩張相。開唔到機。再睇，腰間袋有啲水浪浪吓。仆街了。即刻抆電抆卡換位擺，救唔到機都起碼救到啲相。放電話嘅另一邊只係濕啫，無事。路始終都要繼續行，唯有期望快啲到終點救得返部機，雖然好擔心，但係都只能聽天由命。

十二點過啲，三人行行到Zubiri，我一個人留低咗食晏，Patrick繼續前行，Tina想行到Lorrasoaña，再遠少少。本身我嘅plan喺行到Zubiri，加上天雨關係都應該休息，但我想留多啲時間喺聽日嘅大城市Pamplona，所以決定行多5.5km，個半鐘去Lorrasoña。

喺Zubiri餐廳門口一dump低袋，michele就搭我膊頭，佢早我廿分鐘到，已經食飽了。我就入餐廳食個奄列飲杯咖啡，唔停底都無感覺，一停就餓到不得了，但係都無食好飽，因為仲要上路。食食吓michele就示意同新認識嘅意大利妹行先，我爽手食完都再出發。

先行咗兩步，後面就有人叫我，michele唔知點解仲未起行，於是咁又三人行，向Lorrasoaña出發。意大利妹叫Silvia，本身行得好快嘅michele啩住同囡囡傾偈，俾我拋離咗一段路。



離開Zubiri之後，天氣開始好轉，雨勢都開始停。雖然係咁，啲路依然好爛，所以都係一步一步慢慢行。個半鐘之後，終於到咗Lorrasoña。成程唔知做乜好hyper，好似hi咗嘢咁。一到albergue，竟然見到志汌好嘆咁坐喺到自拍緊，原來佢離開Roncesvalle之後無停過直接爆到Lorrasoaña，仲話唔見我等咗我一陣。



Lorrasoña嘅albergue係暫時住過最廢，基本上得床同販賣機，啲床仲要唔好瞓，盛惠€8。不過都無要求啦，朝聖者嘅生活就係有瓦遮頭已經好好。第一時間沖涼洗衫，之後即刻狗沖出超市。真係好彩有米賣，即刻本來放camino passport嘅拉鍊袋出嚟，隊部相機入去急救，封佢幾日希望救得返。不過袋嘢好鬼重。開睡袋先發現，屌原來睡袋都濕埋，聽日去Pamplona一定要洗晒乾晒所有嘢。


出面仲落緊雨，今晚嘅晚餐由Chef le 志汌同Chef le Michele操刀，其實係炒飯同意粉啫。Patrick都到咗，反而法國叔叔Gi就未見。寫到呢到嘅時候我已經攤咗喺到等食飯。