[Live] 一個人的朝聖路 Camino de Santiago

1支木棍€8左右

咁要等我聽日買多小小野先齊

小心電子嘢

我當時個防水袋淨係裝證件, 電子野得 電話一部+尿袋一個

途中遇到一對馬來西亞人, 拎部notebook出黎做自己生意野.

佢地話第一日過庇利斯牛山, 勁大風+雨, 山上D水氹浸到去膝頭, 有雨披都成個袋濕哂, 入面D衫褲都濕埋, 佢地落到山已經成6pm, 無位, 逼住搭車去下條村

佢部notebook 有個超強嘅防水袋裝住, 完全無事, 超勁, 不過佢地超悠閒, 一日行15~20km

Logroño - Najera 30km

三點幾鐘就有人執嘢，心諗邊個咁痴線咁早出發，搞到我仲以為夠鐘起身。

間房又熱，耳塞又唔知Dump咗去邊，成晚都瞓得好差。啲人五點鐘就已經執晒包袱走人，今日咁鬼早，可能係因為大家嘅目標都係30km外嘅Najera。於是我都死死哋起身執嘢。


一早起身見到Bernald佢就同我講，「Lee，我噚晚成晚都喺廚房」我話，「吓，你喺廚房飲咗成晚酒呀？」佢：「唔係呀唔係呀，噚晚半夜我喺床飲水，點知倒瀉水，滴醒埋下鋪Guy。Guy話反正都醒咗，不如出發囉。於是就執嘢行啦，點知開唔到樓下大門，咁Guy就返床，我就瞓樓下長櫈啦。點知啲櫈好鬼硬瞓唔到，於是我就上咗廚喺到瞓喇。」原來半夜就係呢兩條契弟嘈醒我。

出門嘅時候仲係勁眼瞓，全日都一路行一路恰。五點半出門，天都未開始光就出發。朝聖標記喺夜晚嘅城市更加難搵，要出動GoogleMap先搵到正確嘅方向，沿住一條大路走就出到城，回頭睇返先見到日出嘅晨曦，雖然被高樓擋咗好多，只睇到日出少少嘅牛奶白色天空，但天空嘅顏色依然好靚。天光曬嘅時候，我都行到出城了。


城市嘅外圍連接著一個大公園，入面有無限草地啦，大湖啦，遊樂設施啦，仲有好多小動物，有松鼠、有兔仔、有鴨、有鵝，打意到我停咗幾次企喺到睇。





遲出發嘅Guy後來追上，行咁多日終於第一次喺路上見到佢。我問返佢噚晚咩事，佢又講一次，佢話以為Bernald喺床嘔，心入面屌晒鬼，後來知道好彩唔係，就話可能呢個係一個啟示，叫佢哋早啲出發，之後發生嘅事就唔重覆了。成件事越諗越好笑，真係好on9，瞓瞓吓教好似落雨咁滴水，仲要一醒就執包袱走人。就係咁我哋一路行一路笑咗好耐，吹咗一陣水就前後腳咁行，大家步速都差唔多。




行咗三粒鐘就到咗Narrete，有個好大嘅教堂，入面有得蓋印之餘，仲有塊板俾人留名，上面有三個香港人，可惜枱上無晒紙條，我參觀完無留名就走咗。




Bernald都後來趕上咗我哋，我聽佢哋用法文又講返噚晚嘅事，一路行一路笑。回想返噚日都真係好多搞笑事，夜晚起身見到韓仔喺廚仔Pizza，見到我就好似「肥婆被發現偷食肉」嘅表情咁望住我，仲好老尷咁問我食唔食，呢件事其實都好好笑。今日頭半程路就係咁好歡樂地渡過咗。

諗返過去呢個星期日日都過得好開心，雖然情緒有起伏過，但每日最少到有一個moment係由心而發嘅喜悅。I walk. I eat. I talk. I sleep.生活就係咁簡單，行喺路上每一個步都係享受。

今日嘅景色唔再係無盡稻田，而變咗無盡提子田，仲不時見到啲農夫喺到打理農田。到秋天嘅時候，朝聖者就好似蝗蟲咁食人哋啲提子，唔知係咩景像呢？

有無list俾巴絲們睇吓
集思廣益

大、細背包各1
睡袋x1
背包套x1
防水袋(20L)(8L)x1
防水風褸x1
知袖衫x3
兩截褲x1
短褲x2
legging x1
底褲x3
頭巾x1
厚襪x3
拖鞋x1
藥
牙膏牙刷x1
番梘x1
快乾毛巾(大/中/細)各1
指甲鉗,剃鬚刀x1
尿袋,插頭,線x1
筆,筆記,水壺,黑超x1
腰包x1
頸枕x1
諗緊帶唔帶啲旅行用衫架

毛巾一條就夠 不過帶多一條都無妨
襪同底褲可以帶多套

巴打你有冇帶衫架

無 我買咗一pack S型勾掛衫
但其實就係放喺繩就得

咁我攞條繩就算

繩都唔使 幾乎全部Albergue有位搞

雨披？最好罩得住個backpack嘅
帽？有好多路完全無樹蔭
扣？萬一有野唔乾，扣起個backpack度，行下曬下就乾哂，d襪通常都係咁曬乾
耳塞x3set？d人行攰咗就好重鼻寒
頭燈？朝早6點出發未日出
保鮮袋？裝野食，當防水又好
防曬？

樓主好勁,拍得住野外行軍咁

透氣雨褸一定要帶！！！
cum埋袋嗰種

行路啫 人人都識嘅
其實唔辛苦好輕鬆好Enjoy

連cum袋嗰種雨褸好過背囊罩+防水褸?而家有齊後面個兩樣。
同埋兩個1L樽夠唔夠用?

我就咁著防水風褸+雨罩 我部相機就係咁濕咗
雨罩加雨褸cum最穩陣
水樽我淨帶咗一個1L膠樽 每朝裝半枝就出發

咁我再考慮下 唔該曬巴打

因為我唔會帶相機

我個背囊係網背
背板位滲水搞到入面衫都濕濕哋
嗰晚睡袋都濕咗

我香港行一轉一日42KM既山,已經散哂,所以見你連續行咁多日咁長距離,
仲要背哂咁大裝備真係強

利申:我去旅行都係行得多個D,但好少行山
暫時NON STOP覺得行最耐既都係三藩市漁人碼頭行去金門大橋來回一次

出發之前試過咩重嘢由紅磡行去上水 40km左右
第二日起唔到身

呢邊行真心唔難 只係長距離啫 腳板痛慣咗就頂到

今日行有啲悶 邊行邊覆連登仔