屌個度0.005kg都唔知有無
不過我好似有貼過出黎 洗唔洗scan俾你
[Live] 一個人的朝聖路 Camino de Santiago
首席鳩噏官
980 回覆
139 Like
2 Dislike
另一個唔買嘅原因係我懶得睇英文
我好似有pdf
我好似有pdf
我覺得本書實用在知道個山勢，同埋行幾耐先有補給，可以就住黎飲水，至於住邊度就無咩所謂反正俾錢住私人Albergue多
山勢資料好多centre都有派
我想睇佢啲景點、城鎮介紹 但又懶得睇英文
都係廢事買了
我想睇佢啲景點、城鎮介紹 但又懶得睇英文
都係廢事買了
見過個加拿大人用8USD嘅camino app, 介紹哂路上嘅景點, 歷史, 路線, etc其實邊有咁好心機睇吖
行完一係攰到pk 一係就搵人吹水喝酒
就算係中文我都懶得睇
行完一係攰到pk 一係就搵人吹水喝酒
就算係中文我都懶得睇
一個人毒緊個時都玩下手機, 聽下歌hea下, 行下條村, 睇下其他人做緊乜, 睇書真係好少數啱呀 睇個albergue list已經好夠
我今日呢條村個景都好開揚嘅
依家對呢個景打緊文
不過條村真係乜柒都無
暫時仲係覺得平嘅有氣氛啲
有氣氛嘅係人, 最緊要係有人摟你煮野食/出去食, 有人同你吹水呢個真，我成日厚面皮痴人餐
最多幫手洗碗
最多幫手洗碗
我遇到嘅人多數都出去食, 淨低會煮嘅, 又煮得勁頹, 無試過一大班人一齊煮黎食
Day 10
Santo Domingo - Espinosa del Camino 30km
朝早如常俾執嘢聲嘈醒，本來想攤多陣嘅，一諗起有相機可以影相，即刻士氣大振，立即彈起執嘢。失而復得的確好開心，但我同時都有一種「就嚟樂極生悲」嘅預感，所以凡事都好小心。
執好包袱之後立即出發，終於可以用相機影吓西班牙嘅清晨。出城之後嘅景觀開揚，加上晴空萬里，日出嘅晨曦映照落每一個朝聖者身上。今日路上嘅朝聖者好似特別多，剛出門就遇到幾個認識嘅人。
行咗個零鐘頭，太陽已經完全升起，柔和嘅晨曦變成猛烈嘅陽光，行咗一陣就開始出汗，要停底除衫。手執相機狀態大勇，天氣晴朗心情都特別好，全程都行得好順暢。
今日嘅路特別平坦，而且天朗氣清，好適合行路。天清到可以見到幾十公里嘅山脈城鎮，仲可以見到前方的朝聖路上，有好多唔同顏色嘅點點緩緩前進。今日嘅朝聖路好似特別熱鬧，尤其多單車喺身邊經過。
路過Grañon教堂，我特登入去講咗聲多謝，多謝上天還返部相機俾我。我記得我應承過自己，唔好啩住諗影相，所以唔上我都無刻意影太多，同平時咁該影先影。
田野嘅景色再次起咗少少變化，除咗見慣見熟嘅綠油油稻田，仲一片突兀嘅紫白色花田，遠睇一片綠色中之一噠紫白色，近睇其實好靚嘅 。十幾公里嘅道路都無遮無擋，可以睇到好多遠嘅景色，同時朝聖者都被太陽無情曝曬。
喺路上我不停狂背噚日學識嘅法文自介，荷蘭老孖寶Paul and Herman行過問我係咪痴Q咗線。呢幾日喺路上都無諗出咩大道理，淨係回想前幾天嘅開心回憶，時間好快就過。
行到十一點過啲，就到達Belorado，鎮口就有間平靚正嘅Albergue，但我無入到去，因為呢到唔係我嘅目的地，今日下定決心要再走遠少少，避開大路嘅停留點。Berlorado有好多好靚嘅Albergue，有埋泳池乜乜乜，但我覺得咁靚嘅Albergue反而無朝聖Feel。行到入城，路上嘅朝聖者好似唔見晒，只有幾個人坐喺餐廳門口進餐。
Berlorado其實係幾靚嘅小鎮，好多牆身都畫上壁畫塗鴉，睇展板仲話係The way取景地之一，不過我就無咩印象。印章都係暫時最靚嘅一個，中間星型圖案代表朝聖者，外圍寫住西文“God shows the way”。雖然幾中意呢個小鎮，但我已下定決心要走。
Santo Domingo - Espinosa del Camino 30km
朝早如常俾執嘢聲嘈醒，本來想攤多陣嘅，一諗起有相機可以影相，即刻士氣大振，立即彈起執嘢。失而復得的確好開心，但我同時都有一種「就嚟樂極生悲」嘅預感，所以凡事都好小心。
執好包袱之後立即出發，終於可以用相機影吓西班牙嘅清晨。出城之後嘅景觀開揚，加上晴空萬里，日出嘅晨曦映照落每一個朝聖者身上。今日路上嘅朝聖者好似特別多，剛出門就遇到幾個認識嘅人。
行咗個零鐘頭，太陽已經完全升起，柔和嘅晨曦變成猛烈嘅陽光，行咗一陣就開始出汗，要停底除衫。手執相機狀態大勇，天氣晴朗心情都特別好，全程都行得好順暢。
今日嘅路特別平坦，而且天朗氣清，好適合行路。天清到可以見到幾十公里嘅山脈城鎮，仲可以見到前方的朝聖路上，有好多唔同顏色嘅點點緩緩前進。今日嘅朝聖路好似特別熱鬧，尤其多單車喺身邊經過。
路過Grañon教堂，我特登入去講咗聲多謝，多謝上天還返部相機俾我。我記得我應承過自己，唔好啩住諗影相，所以唔上我都無刻意影太多，同平時咁該影先影。
田野嘅景色再次起咗少少變化，除咗見慣見熟嘅綠油油稻田，仲一片突兀嘅紫白色花田，遠睇一片綠色中之一噠紫白色，近睇其實好靚嘅 。十幾公里嘅道路都無遮無擋，可以睇到好多遠嘅景色，同時朝聖者都被太陽無情曝曬。
喺路上我不停狂背噚日學識嘅法文自介，荷蘭老孖寶Paul and Herman行過問我係咪痴Q咗線。呢幾日喺路上都無諗出咩大道理，淨係回想前幾天嘅開心回憶，時間好快就過。
行到十一點過啲，就到達Belorado，鎮口就有間平靚正嘅Albergue，但我無入到去，因為呢到唔係我嘅目的地，今日下定決心要再走遠少少，避開大路嘅停留點。Berlorado有好多好靚嘅Albergue，有埋泳池乜乜乜，但我覺得咁靚嘅Albergue反而無朝聖Feel。行到入城，路上嘅朝聖者好似唔見晒，只有幾個人坐喺餐廳門口進餐。
Berlorado其實係幾靚嘅小鎮，好多牆身都畫上壁畫塗鴉，睇展板仲話係The way取景地之一，不過我就無咩印象。印章都係暫時最靚嘅一個，中間星型圖案代表朝聖者，外圍寫住西文“God shows the way”。雖然幾中意呢個小鎮，但我已下定決心要走。
離開Belorado繼續上路，朝聖者變得寥寥可數，風景依然開揚，陽光依然猛烈，行多5km就到小村Tosanto。呢5公里都幾難行，行咗個半鐘，因為真係好曬好熱。
小村Tosanto規模雖然細過Belorad好多，但感覺依然係嘛嘛哋，尤其喺大馬路旁邊好多車經過。諗咗諗之後，決定再行多1.9km去下一條村。
行呢1.9km嘅時候已經被太陽曬到呆吓呆吓，淨係想快啲到終點休息。朝聖上無停止嘅路牌，無人話到你知幾時應該停，你可以唔停一路走到世界嘅盡頭，但更重要嘅係學識幾時應該停低。
第二個小村Villambistia嘅環境好得多，一來遠離大路，二來建屋在矮啲，風景再開揚啲。 決定咗要留喺呢度之後就急急腳去搵Albergue。 離遠Albergue見到冇開門冇人， 心諗一定又係第一個到達嘅人，行到埋去見到門口塊牌先見到「星期三休息」，再望望手機，今日係星期三... 頂你個肺，又係行到仆街先發現albergue冇開。 唯有停低抖抖之後，再出發去下一個小村Espinosa del Camino，好彩只係佢嚟1.5km。
再行多1.5 km雖然唔算好攰但比太陽曬到好辛苦，心諗上天咁安排得一定有佢嘅原因嘅，可能去到之後有好多鬼妹同房呢，可能會有啲特別嘅經歷呢。 1.5公里嘅路正常嚟講十五分鐘就行得到，但係我諗我行咗半個鐘先到。
入村門口就係Albergue， 入面無人看門口，問路先知原來隔離餐廳老細就係albergue主人，於是就叫餐廳老細幫我哋入冊。成間Albergue 先得十張床，終於唔係碌架床係單人床。我到嘅時候有另一個法國女人同時間到，albergue得兩丁友，後來又來多咗幾個法國人。 沖涼洗衫之後就出餐廳食lunch。
成條村乜都無淨係得一間餐廳同埋一間Albergue， 莫講話超市，連小商店都冇。Albergue瞓一晚€5係平， 但係餐廳消費就好貴， 一罐可樂€1.8貴平時一倍，食飯嘅話都仲還好，兩杯啤酒加個Tapas都係€6.6。下晝曬到好似有啲中暑，到咗小村之後係咗灌水。
有個西班牙叔叔停底休息，我又用九流西文簡單交流，佢好熱情咁要同我影相，佢傾同老婆仔女傾電話係咁講起我，仲要我用佢電話講兩句，我Hola咗兩句就俾返佢。
餐廳有幅牆痴滿晒各國貨幣，當中竟然有張十蚊港紙，但就無人民幣。我銀包咁啱有少少喺北京用剩嘅人仔，於是就貢獻埋出嚟了。
雖然條村乜到無，但真係好寧靜，風景好明媚。食緊Lunch嘅時候，西班牙姐姐catherine都嚟咗Espinosa del Camino。我哋大家都好驚訝點解對方會嚟呢啲山旯旮，佢話：I wan to be alone。我笑咗笑答佢，Me too。呢刻我先知，原來我係想自己一個人靜吓先會鐘意揀小村。同旅伴喝酒吹水係好開心，但玩到咁上下都想一個人沉澱吓，同埋離開舒適圈先會搵到新朋友。如果當初我一直痴住志汌同Michele爆速，我就真係會Miss咗好多嘢。Btw，佢哋今日已經到咗Burgos，快我兩日行程了。
食完之後，行咗行條村，五分鐘後就返餐廳。諗住坐底打吓文。先打咗兩句又有朝聖者路過停低，我又忍唔住口同佢打招呼。佢係德國仔Constantine。如常由近況背景開始對話，講講吓佢問我有無信教，我話無，不過我信冥冥中有安排，仲講返前幾日講廣東話嘅德國人佢知。佢好嚴肅咁同我講，呢啲唔係巧合，一定有啲嘢係整定嘅。佢講嘅嘢我都同意，但係唔係一個或者一班所謂嘅「神」呢？我就唔知喇。
Constantine一走，又有個德國單車伯伯停低休息，我又再一次忍唔住口打招呼。伯伯一日就由Logroño爆去Burgos，一日就行晒我五日嘅行程，真係勁痴線。佢仲話要踩返落葡萄牙探個女。所以Camino上多痴線佬，我呢啲第一次行嘅只係最正常嗰批。
伯伯走咗之後，為免我又忍唔住多口，我就走咗去搵個地方靜靜哋打文，但個景靚得濟啩住睇。打咗兩句竟然開始落雨，兩滴過雲雨，我就返房避雨，一個唔小心就瞓著咗。
差唔多七點嘅時候，餐廳老細問我食唔食飯，我都無選擇揀係食啦，於是又起身出門。飯枱成枱都法國叔叔姨姨，我用練習咗好耐嘅法文自介，結果佢哋係聽唔明嘅。法文堅係難過西文好多。
朝聖者餐€10，照舊食Paella+雞，大大份食到好飽。成餐飯我好似搭枱咁，早知唔Join，買個包搵個靚位嘆住食啦。食完嘅時候，餐廳老細拎咗支自家製白酒出嚟，啲叔叔姨姨個個都耍手拎頭唔飲，得我一個飲咗1 shot。佢支酒起碼有50%酒精，勁烈喉，不過我都俾面飲晒，估唔到嚟到小村都要飲到醉醉哋。
暫時睇嚟就見唔到有咩特別安排，不過可以肯定嘅係，今晚可以瞓個好教了。
小村Tosanto規模雖然細過Belorad好多，但感覺依然係嘛嘛哋，尤其喺大馬路旁邊好多車經過。諗咗諗之後，決定再行多1.9km去下一條村。
行呢1.9km嘅時候已經被太陽曬到呆吓呆吓，淨係想快啲到終點休息。朝聖上無停止嘅路牌，無人話到你知幾時應該停，你可以唔停一路走到世界嘅盡頭，但更重要嘅係學識幾時應該停低。
第二個小村Villambistia嘅環境好得多，一來遠離大路，二來建屋在矮啲，風景再開揚啲。 決定咗要留喺呢度之後就急急腳去搵Albergue。 離遠Albergue見到冇開門冇人， 心諗一定又係第一個到達嘅人，行到埋去見到門口塊牌先見到「星期三休息」，再望望手機，今日係星期三... 頂你個肺，又係行到仆街先發現albergue冇開。 唯有停低抖抖之後，再出發去下一個小村Espinosa del Camino，好彩只係佢嚟1.5km。
再行多1.5 km雖然唔算好攰但比太陽曬到好辛苦，心諗上天咁安排得一定有佢嘅原因嘅，可能去到之後有好多鬼妹同房呢，可能會有啲特別嘅經歷呢。 1.5公里嘅路正常嚟講十五分鐘就行得到，但係我諗我行咗半個鐘先到。
入村門口就係Albergue， 入面無人看門口，問路先知原來隔離餐廳老細就係albergue主人，於是就叫餐廳老細幫我哋入冊。成間Albergue 先得十張床，終於唔係碌架床係單人床。我到嘅時候有另一個法國女人同時間到，albergue得兩丁友，後來又來多咗幾個法國人。 沖涼洗衫之後就出餐廳食lunch。
成條村乜都無淨係得一間餐廳同埋一間Albergue， 莫講話超市，連小商店都冇。Albergue瞓一晚€5係平， 但係餐廳消費就好貴， 一罐可樂€1.8貴平時一倍，食飯嘅話都仲還好，兩杯啤酒加個Tapas都係€6.6。下晝曬到好似有啲中暑，到咗小村之後係咗灌水。
有個西班牙叔叔停底休息，我又用九流西文簡單交流，佢好熱情咁要同我影相，佢傾同老婆仔女傾電話係咁講起我，仲要我用佢電話講兩句，我Hola咗兩句就俾返佢。
餐廳有幅牆痴滿晒各國貨幣，當中竟然有張十蚊港紙，但就無人民幣。我銀包咁啱有少少喺北京用剩嘅人仔，於是就貢獻埋出嚟了。
雖然條村乜到無，但真係好寧靜，風景好明媚。食緊Lunch嘅時候，西班牙姐姐catherine都嚟咗Espinosa del Camino。我哋大家都好驚訝點解對方會嚟呢啲山旯旮，佢話：I wan to be alone。我笑咗笑答佢，Me too。呢刻我先知，原來我係想自己一個人靜吓先會鐘意揀小村。同旅伴喝酒吹水係好開心，但玩到咁上下都想一個人沉澱吓，同埋離開舒適圈先會搵到新朋友。如果當初我一直痴住志汌同Michele爆速，我就真係會Miss咗好多嘢。Btw，佢哋今日已經到咗Burgos，快我兩日行程了。
食完之後，行咗行條村，五分鐘後就返餐廳。諗住坐底打吓文。先打咗兩句又有朝聖者路過停低，我又忍唔住口同佢打招呼。佢係德國仔Constantine。如常由近況背景開始對話，講講吓佢問我有無信教，我話無，不過我信冥冥中有安排，仲講返前幾日講廣東話嘅德國人佢知。佢好嚴肅咁同我講，呢啲唔係巧合，一定有啲嘢係整定嘅。佢講嘅嘢我都同意，但係唔係一個或者一班所謂嘅「神」呢？我就唔知喇。
Constantine一走，又有個德國單車伯伯停低休息，我又再一次忍唔住口打招呼。伯伯一日就由Logroño爆去Burgos，一日就行晒我五日嘅行程，真係勁痴線。佢仲話要踩返落葡萄牙探個女。所以Camino上多痴線佬，我呢啲第一次行嘅只係最正常嗰批。
伯伯走咗之後，為免我又忍唔住多口，我就走咗去搵個地方靜靜哋打文，但個景靚得濟啩住睇。打咗兩句竟然開始落雨，兩滴過雲雨，我就返房避雨，一個唔小心就瞓著咗。
差唔多七點嘅時候，餐廳老細問我食唔食飯，我都無選擇揀係食啦，於是又起身出門。飯枱成枱都法國叔叔姨姨，我用練習咗好耐嘅法文自介，結果佢哋係聽唔明嘅。法文堅係難過西文好多。
朝聖者餐€10，照舊食Paella+雞，大大份食到好飽。成餐飯我好似搭枱咁，早知唔Join，買個包搵個靚位嘆住食啦。食完嘅時候，餐廳老細拎咗支自家製白酒出嚟，啲叔叔姨姨個個都耍手拎頭唔飲，得我一個飲咗1 shot。佢支酒起碼有50%酒精，勁烈喉，不過我都俾面飲晒，估唔到嚟到小村都要飲到醉醉哋。
暫時睇嚟就見唔到有咩特別安排，不過可以肯定嘅係，今晚可以瞓個好教了。
啲相有無高汁咗
下個月準備行北方之路 都係grad trip
一個人去？
連登其實都幾多人行Camino
連登其實都幾多人行Camino
Espinosa del Camino - Atapuerca 22km
噚晚一定係瞓得最好嘅一晚。一嘢瞓到四點半響鬧鐘，本來想出門影星星，但實在太好瞓所以無起身，再醒就已經係六點鐘。
出門之後回頭一望，太陽正緩緩從遠處嘅小山丘緩緩升起，即刻行返轉頭搵個開揚嘅位睇完日出先行。雖然噚日喺到怨嚟怨去，但睇到呢個日出即係覺得抵返晒。
話說睇緊日出嘅時候，有隻貓星人路過，一見到我就攤喺地撩我玩，又喺我腳邊行嚟行去，一時又當我隻鞋係枕頭。雖然阻住晒我睇日出，但又真係好鬼打意。差啲想捉走佢一齊行路。
上路之後貓仔跟咗我一段路，後來回折返。今日嘅晨曦比以往特別靚，因為景觀好開揚，晨曦金光照耀綠草，將綠草染成金黃色。
繼噚晚厚雲密布，早上啲天空萬里無雲，如果早兩個鐘起身一家可以睇到滿天星斗，行路嘅時候係咁揼春點解夜晚起唔到身。路過有人喺荒野紮營，其實我一直都好想隨意瞓一日荒野，可惜未夠勇氣成事。
唔夠一個鐘就行到下一個小鎮，遇到噚晚同住但無交流過嘅Catherine，於是就一齊食早餐。又撞到美國母子組，佢哋如常一早就喺到各自睇手機。
過去幾日都見到Catherine，但都無同佢認真傾過偈。佢話喺歐洲個護士low pay又難撈，想轉行但有家庭限制，唔知自己想點，所以要行一段路思考吓，佢只會行到Burgos，即係過多兩日就要返歸。佢同我嘅諗法好似，雖然一班朝聖者食飯飲酒好開人，但係到咁上下就要獨處一陣，靜靜哋思考吓自己心中嘅問題。
的確，一班三五成群嘅朝聖者食飯喝酒好開心，同朝聖者交際係一件好愉快嘅事，我好鐘意。但無停過咗交際食飯其實好攰，有時想自己靜吓但無乜機會，所以我哋先會揀個遠離大城小村各自思考。都係嗰句，朝聖者嘅群體好特別，雖然大家背景唔同，但大家心底總有啲想法係一樣嘅。
Cathrine叫我自己行先，我都好識做自己上路。過咗就鎮就係上山路，唔同平日嘅景色，今日幾乎全程都係樹林路。
行行吓無啦啦開始起霧，好大霧，大霧到連前路都睇嚟清，唔知平路但係上坡，但路只有一條，向前行就唔會錯。喺大霧中行咗個幾鐘之後，陽光又出返嚟，再一次曬到PK。路上無幾個認識嘅朝聖者，反而隨意認識咗新嘅朝聖者。
行到半路有個「Oasis del Camino(朝聖綠洲)」嘅路牌，我心諗乜水喺山頂起Alvergue咁醒。行到先知原來係有人用木頭整咗一個好幾嘅休息區。綠洲之名真係名不虛傳，我見到都忍唔住笑咗。
一路行就行到St Juan de Ortega，本來以為呢個係大鎮，原來係好細好細，但個教堂廣場就靚，我入咗教堂參觀一陣就繼續上路了。
又行咗一陣森林路之後又返到曝曬嘅原野，就山下望落去可以清楚數到前方有四五個城鎮。風景靚到我就咁企咗喺到欣賞，如果喺到紮營過夜一定好正。
繼續行之後就到Agès，去到先知係個大鎮，但我無停到再行多2km。點零鐘就到Atapuerca。全日行得好輕鬆，可能因為噚日行多咗8km。
噚晚一定係瞓得最好嘅一晚。一嘢瞓到四點半響鬧鐘，本來想出門影星星，但實在太好瞓所以無起身，再醒就已經係六點鐘。
出門之後回頭一望，太陽正緩緩從遠處嘅小山丘緩緩升起，即刻行返轉頭搵個開揚嘅位睇完日出先行。雖然噚日喺到怨嚟怨去，但睇到呢個日出即係覺得抵返晒。
話說睇緊日出嘅時候，有隻貓星人路過，一見到我就攤喺地撩我玩，又喺我腳邊行嚟行去，一時又當我隻鞋係枕頭。雖然阻住晒我睇日出，但又真係好鬼打意。差啲想捉走佢一齊行路。
上路之後貓仔跟咗我一段路，後來回折返。今日嘅晨曦比以往特別靚，因為景觀好開揚，晨曦金光照耀綠草，將綠草染成金黃色。
繼噚晚厚雲密布，早上啲天空萬里無雲，如果早兩個鐘起身一家可以睇到滿天星斗，行路嘅時候係咁揼春點解夜晚起唔到身。路過有人喺荒野紮營，其實我一直都好想隨意瞓一日荒野，可惜未夠勇氣成事。
唔夠一個鐘就行到下一個小鎮，遇到噚晚同住但無交流過嘅Catherine，於是就一齊食早餐。又撞到美國母子組，佢哋如常一早就喺到各自睇手機。
過去幾日都見到Catherine，但都無同佢認真傾過偈。佢話喺歐洲個護士low pay又難撈，想轉行但有家庭限制，唔知自己想點，所以要行一段路思考吓，佢只會行到Burgos，即係過多兩日就要返歸。佢同我嘅諗法好似，雖然一班朝聖者食飯飲酒好開人，但係到咁上下就要獨處一陣，靜靜哋思考吓自己心中嘅問題。
的確，一班三五成群嘅朝聖者食飯喝酒好開心，同朝聖者交際係一件好愉快嘅事，我好鐘意。但無停過咗交際食飯其實好攰，有時想自己靜吓但無乜機會，所以我哋先會揀個遠離大城小村各自思考。都係嗰句，朝聖者嘅群體好特別，雖然大家背景唔同，但大家心底總有啲想法係一樣嘅。
Cathrine叫我自己行先，我都好識做自己上路。過咗就鎮就係上山路，唔同平日嘅景色，今日幾乎全程都係樹林路。
行行吓無啦啦開始起霧，好大霧，大霧到連前路都睇嚟清，唔知平路但係上坡，但路只有一條，向前行就唔會錯。喺大霧中行咗個幾鐘之後，陽光又出返嚟，再一次曬到PK。路上無幾個認識嘅朝聖者，反而隨意認識咗新嘅朝聖者。
行到半路有個「Oasis del Camino(朝聖綠洲)」嘅路牌，我心諗乜水喺山頂起Alvergue咁醒。行到先知原來係有人用木頭整咗一個好幾嘅休息區。綠洲之名真係名不虛傳，我見到都忍唔住笑咗。
一路行就行到St Juan de Ortega，本來以為呢個係大鎮，原來係好細好細，但個教堂廣場就靚，我入咗教堂參觀一陣就繼續上路了。
又行咗一陣森林路之後又返到曝曬嘅原野，就山下望落去可以清楚數到前方有四五個城鎮。風景靚到我就咁企咗喺到欣賞，如果喺到紮營過夜一定好正。
繼續行之後就到Agès，去到先知係個大鎮，但我無停到再行多2km。點零鐘就到Atapuerca。全日行得好輕鬆，可能因為噚日行多咗8km。