so far仲未有感覺
試過紮到髖骨好痛 但加咗毛巾做墊之後又無事
[Live] 一個人的朝聖路 Camino de Santiago
首席鳩噏官
980 回覆
139 Like
2 Dislike
講同Gramma都還可以 因為都係亂講 大概啱人哋就明
聽西人講西文就勁難 佢哋講得快又痴埋晒啲字講
聽西人講西文就勁難 佢哋講得快又痴埋晒啲字講
你去到, 住低, 跟住出去行下個城市一日, 再決定啦
其實條路真係好輕鬆, 普通人都carry到, 不過真係要量力而行, feel到攰/痛就休息, 可以嘅話就預長D時間
條路大部份時間都係平路, 但有幾日係香港行山嘅級數, 不過上落山加埋唔夠100km. 最最最難就係第一日過庇利斯牛山. 過到後面已經無難度, 只要唔好over咗自己身體嘅極限就無問題.
你可以試下, 搵日負重(約10kg)去行彌敦道, 行返5,6個鐘, 可以休息, 不過個邊無咁焗熱, 而且日夜溫差大, 如果想試, 就秋冬天先去試
條路大部份時間都係平路, 但有幾日係香港行山嘅級數, 不過上落山加埋唔夠100km. 最最最難就係第一日過庇利斯牛山. 過到後面已經無難度, 只要唔好over咗自己身體嘅極限就無問題.
你可以試下, 搵日負重(約10kg)去行彌敦道, 行返5,6個鐘, 可以休息, 不過個邊無咁焗熱, 而且日夜溫差大, 如果想試, 就秋冬天先去試
唔啱年代呀巴打
巴打是咪好鍾意林子祥
巴打是咪好鍾意林子祥
Day 18
Calzada del Coto - Reliegos 26km
成間Albergue得5個人，夜晚早上都好靜，一覺瞓到尾。早上俾鬧鐘叫醒，起身時都已經走咗三個人了。一出房門就聞到好香咖啡味，一間捐獻嘅Albergue有早餐有咖啡自便，又好瞓，已經好過好多Albergue。出門前放咗€10入捐獻箱，拎走咗一本小小嘅朝聖故事就出門。
臨走前，Albergue管理員伯伯俾咗個大擁抱我，大家噚日只係識咗一陣，佢呢個大擁抱令我感到滿滿嘅祝福。
出門嘅時候已經係六點半，太陽已經緩緩從東方升上天空。枉我噚晚仲興致勃勃搵靚位睇日出，只能怪自己太懶起唔到身。天空唔再係以往嘅萬里無雲，但天空有啲雲反而令日出更加靚。
睇完日出之後正式上路，行咗無耐就到命運分叉口，左邊係B路線跟大路行，右邊係A路線投入荒野。我諗到無諗就行咗右邊，過往幾日跟大路行實在太悶。成條路8km先到下個鎮，中間乜都無，得一條大路，不過路兩邊嘅風景好靚。唔講唔覺，好似都有一段時間無見到大草原大田野小山丘。
沿路淨係得我一個朝聖者，無人經過，無人同行。喺咗絕對寧靜嘅環境下好容易進行思考mood。幾日嚟成日講起嘅話題係完咗Camino返回現實之後嘅人生會點。老實講，我唔知，淨係知道會為生存瘋狂工作。
行到下一個小鎮已經行咗差唔多兩粒鐘，肚仔有開始有啲餓。本來想坐底食個早餐，諗諗吓又唔想食啲乾憎憎嘅麵包，於是就繼續上路。如果有碗雲吞麵喺面前就好。
A路線雖然有沿途靚景，但代價就係再無補給點，要行18km先到下個鎮，中途可以Cut線去返B路線，但我決定直走唔諗，因為我想繼續一個人嘅步行。身上仲有啲糖同花生，行行吓餓到食晒。
雖然路上無遮無擋，天氣唔似早幾日陽光暴曬，有啲雲擋擋陽光，唔凍唔熱唔熱無落雨，係行路嘅完美天氣。行到咁上下有個亭仔休息，睇睇早上拎走嘅朝聖故事。故事嘅頭幾段就好吸引我。
「酒吧有個男人明顯飲得太多酒，仲不停嘆氣。兩個人終於忍唔住問佢咩事。男人話：如果你去過天堂你都會似我咁嘆氣...」
唔知過幾月之後我會唔會好似佢咁喺酒吧嘆氣呢？
一直沿路都有朝聖標記，左邊遠望可以見到B路線嘅城市。行到火車軌嘅交叉點，朝聖標記指我行入草叢，但草叢有啲嘢喺到郁，仲發出「嘶嘶」聲，可能係蛇，可能係唔知咩嘢。安全起見我就走咗上路軌繼續前進，行咗幾百米又出現返正常嘅道路。
道路完全無任何朝聖標記指示，道路好多雜草，似係無乜人行過。對過GoogleMap確認無錯，硬住頭皮頂硬上，祈求自己唔好喺荒野迷失。成段路個人都好緊張，驚唔小心踩到蛇，驚呢樣驚嗰樣，但呢啲就係冒險嘅滋味，我鐘意。
喺無標記嘅路行咗兩個鐘之後就行返上馬路，即係好快就到目的地，地圖顯示仲4公里路。平時離遠幾公里就可以見到城市嘅蹤影，但今日行極都未見有房屋，不過路只有條唔會錯。行多半個鐘終於到Reliegos。
Calzada del Coto - Reliegos 26km
成間Albergue得5個人，夜晚早上都好靜，一覺瞓到尾。早上俾鬧鐘叫醒，起身時都已經走咗三個人了。一出房門就聞到好香咖啡味，一間捐獻嘅Albergue有早餐有咖啡自便，又好瞓，已經好過好多Albergue。出門前放咗€10入捐獻箱，拎走咗一本小小嘅朝聖故事就出門。
臨走前，Albergue管理員伯伯俾咗個大擁抱我，大家噚日只係識咗一陣，佢呢個大擁抱令我感到滿滿嘅祝福。
出門嘅時候已經係六點半，太陽已經緩緩從東方升上天空。枉我噚晚仲興致勃勃搵靚位睇日出，只能怪自己太懶起唔到身。天空唔再係以往嘅萬里無雲，但天空有啲雲反而令日出更加靚。
睇完日出之後正式上路，行咗無耐就到命運分叉口，左邊係B路線跟大路行，右邊係A路線投入荒野。我諗到無諗就行咗右邊，過往幾日跟大路行實在太悶。成條路8km先到下個鎮，中間乜都無，得一條大路，不過路兩邊嘅風景好靚。唔講唔覺，好似都有一段時間無見到大草原大田野小山丘。
沿路淨係得我一個朝聖者，無人經過，無人同行。喺咗絕對寧靜嘅環境下好容易進行思考mood。幾日嚟成日講起嘅話題係完咗Camino返回現實之後嘅人生會點。老實講，我唔知，淨係知道會為生存瘋狂工作。
行到下一個小鎮已經行咗差唔多兩粒鐘，肚仔有開始有啲餓。本來想坐底食個早餐，諗諗吓又唔想食啲乾憎憎嘅麵包，於是就繼續上路。如果有碗雲吞麵喺面前就好。
A路線雖然有沿途靚景，但代價就係再無補給點，要行18km先到下個鎮，中途可以Cut線去返B路線，但我決定直走唔諗，因為我想繼續一個人嘅步行。身上仲有啲糖同花生，行行吓餓到食晒。
雖然路上無遮無擋，天氣唔似早幾日陽光暴曬，有啲雲擋擋陽光，唔凍唔熱唔熱無落雨，係行路嘅完美天氣。行到咁上下有個亭仔休息，睇睇早上拎走嘅朝聖故事。故事嘅頭幾段就好吸引我。
「酒吧有個男人明顯飲得太多酒，仲不停嘆氣。兩個人終於忍唔住問佢咩事。男人話：如果你去過天堂你都會似我咁嘆氣...」
唔知過幾月之後我會唔會好似佢咁喺酒吧嘆氣呢？
一直沿路都有朝聖標記，左邊遠望可以見到B路線嘅城市。行到火車軌嘅交叉點，朝聖標記指我行入草叢，但草叢有啲嘢喺到郁，仲發出「嘶嘶」聲，可能係蛇，可能係唔知咩嘢。安全起見我就走咗上路軌繼續前進，行咗幾百米又出現返正常嘅道路。
道路完全無任何朝聖標記指示，道路好多雜草，似係無乜人行過。對過GoogleMap確認無錯，硬住頭皮頂硬上，祈求自己唔好喺荒野迷失。成段路個人都好緊張，驚唔小心踩到蛇，驚呢樣驚嗰樣，但呢啲就係冒險嘅滋味，我鐘意。
喺無標記嘅路行咗兩個鐘之後就行返上馬路，即係好快就到目的地，地圖顯示仲4公里路。平時離遠幾公里就可以見到城市嘅蹤影，但今日行極都未見有房屋，不過路只有條唔會錯。行多半個鐘終於到Reliegos。
本來想行多一個鎮，但時間已經係一點半，同埋我都好肚餓了，所以就唔走了。Reliegos嘅公營albergue仲未有人到，又無人睇檔，於是我就去食咗Lunch先了。食完Lunch都未有人返，放低嘢就去涼沖洗衫。沖完洗完，朝聖者陸續到達，檔主都返咗嚟，佢仲識「多謝」嘅廣東話，好難得又有識廣東話嘅人。
韓仔踢喪話想自己獨處，無跟其他韓仔大隊。成間Albergue我淨係識踢喪，於是我同佢就出咗去飲酒吹水。
踢喪今晚打算自己煮，問我要唔要一齊食，我緊係話好啦。飲完酒我自己去咗行一圈，Reliegos係山上嘅小鎮，望落山可以見到其他城鎮，仲見到遠處嘅城鎮落緊雨。去埋小店買啤酒小食，無理由白飲白食嘅。
我返albergue嘅時候，踢喪已經煮好等我。佢係咁話自己平時唔煮飯，但又煮得好鬼好食，起碼好食過我個Lunch。
食完之後我又自己出咗去，搵咗個有蓋嘅地方打文。天空開始行雷閃電落大雨，想試吓可唔可以影多次閃電。可惜天色仲好光，快門唔夠慢，睇好多，但一條都影唔到。Hea Hea吓都九點幾先醒起Albergue十點關門，於是就冒雨返去。
聽日又去大城市Leon，離開Burgos都有成個星期，好多人已經成個星期見唔到，唔知聽日大家唔會唔再不約而同聚埋一齊呢？
踢喪今晚打算自己煮，問我要唔要一齊食，我緊係話好啦。飲完酒我自己去咗行一圈，Reliegos係山上嘅小鎮，望落山可以見到其他城鎮，仲見到遠處嘅城鎮落緊雨。去埋小店買啤酒小食，無理由白飲白食嘅。
哩個鎮, 我朝早出發路過咗, 後尾聽台灣阿姨講, 呢D窿好似係酒窖
呢到睇到喊
冇帶指甲鉗？剪指甲啦清
Leon
同韓仔去食中菜自助餐
中菜好撚好食呀
同韓仔去食中菜自助餐
中菜好撚好食呀
咁你都留意到
多謝你睇到有反應
次次見到有人睇到有反應我都好開心
次次見到有人睇到有反應我都好開心
我個時唔知有, 後尾遇到其他台灣人講先知, 唔記得咗要search 咩keyword 去搵lu間嘢叫Wok Hui Feng
Lunch buffet 1330開 €11飲品另計
元朗巴如果啩住中菜可以一戰
Lunch buffet 1330開 €11飲品另計
元朗巴如果啩住中菜可以一戰
最後決定leon留多一晚
飲到醉醉哋 文都未打 聽日update
飲到醉醉哋 文都未打 聽日update
Day 19
Reliegos - Leon 22km
本來較咗五點半鬧鐘，想早啲出發，早啲到Leon觀光。噚晚間房得五個人，我張床位又當風，成晚好靜好好瞓，結果六點先起到床，執好嘢嗱嗱臨就出發。心情好興奮，好期待見返好耐無見嘅人。
瞓晚落完狗屎之後，早上又變返晴天。早上天空嘅景色好特別，出門嘅時候已經六點半天光晒，東方烏雲滿天，遮蓋晒陽光，西方就晴朗無雲，滿月嘅月亮仲高高啩天，但就唔見太陽日出嘅晨曦。
行咗個零鐘就到下個鎮Mansilla de las Mulas。Mansilla de las Mulas係個大啲嘅鎮，大得嚟有啲古色古香，風景又唔錯，係一個唔錯嘅地方。本來想停低食個早餐，但沿路都未有鋪頭開，於是就繼續行啦。
話說有一組朝聖家庭沿路拍片，早幾日見過今日又撞到，聽講佢哋係Youtuber嚟嘅。佢哋嘅背景應該好有趣，但我又唔想同佢哋傾計，因為我廢事俾佢哋拍底。一路行一路拍片，朝聖好似變咗返工咁，同人傾計好似變咗為條片咁，我好唔鍾意咁。但諷刺嘅係，我嘅正職偏偏就係咁，可以同好多人傾計，但到頭來只係為咗工作。如果我喺香港認識呢一班咁特別朝聖者，一定會逐一訪問佢哋，寫稿出Post分享佢哋故事。我慶興自己而家同人對話唔係為咗工作寫文，而係由心出發隨緣認識。
出鎮之後跟住大馬路行就無錯，離大城市Leon越嚟越近，道路唔再係林間小路，行人路好平好好行。路上趕上咗先出門嘅韓仔踢喪，兩條行到下個小村就停低咗食早餐。
一坐底無耐，德妹Herlin就喺遠處行埋嚟，佢咁啱路過都想搵早餐食。兩日無見到Herlin，交換吓近況之後就一齊上路。一行三人向Leon前進。
聽好多人講話入Leon嘅路好悶，會行過好多工業區。我自己覺得又唔係吖，行馬路旁嘅時間其實唔係佔好多，大部分路嘅風景都好開揚，有上山下山路，就算行入工業區都唔差。自然景，工業區，小村落，大城市，風景Keep住變，其實一啲都唔悶。起碼好過行入Burgos嘅兩小時城市大直路。
十二點半我哋就到Leon，即刻去公營Albergue入冊。Albergue見唔到舊朋友們嘅身影，得韓仔同Quebec Paul and 德妹Sandra。有啲啲失望，但都無辦法。
Reliegos - Leon 22km
本來較咗五點半鬧鐘，想早啲出發，早啲到Leon觀光。噚晚間房得五個人，我張床位又當風，成晚好靜好好瞓，結果六點先起到床，執好嘢嗱嗱臨就出發。心情好興奮，好期待見返好耐無見嘅人。
瞓晚落完狗屎之後，早上又變返晴天。早上天空嘅景色好特別，出門嘅時候已經六點半天光晒，東方烏雲滿天，遮蓋晒陽光，西方就晴朗無雲，滿月嘅月亮仲高高啩天，但就唔見太陽日出嘅晨曦。
行咗個零鐘就到下個鎮Mansilla de las Mulas。Mansilla de las Mulas係個大啲嘅鎮，大得嚟有啲古色古香，風景又唔錯，係一個唔錯嘅地方。本來想停低食個早餐，但沿路都未有鋪頭開，於是就繼續行啦。
話說有一組朝聖家庭沿路拍片，早幾日見過今日又撞到，聽講佢哋係Youtuber嚟嘅。佢哋嘅背景應該好有趣，但我又唔想同佢哋傾計，因為我廢事俾佢哋拍底。一路行一路拍片，朝聖好似變咗返工咁，同人傾計好似變咗為條片咁，我好唔鍾意咁。但諷刺嘅係，我嘅正職偏偏就係咁，可以同好多人傾計，但到頭來只係為咗工作。如果我喺香港認識呢一班咁特別朝聖者，一定會逐一訪問佢哋，寫稿出Post分享佢哋故事。我慶興自己而家同人對話唔係為咗工作寫文，而係由心出發隨緣認識。
出鎮之後跟住大馬路行就無錯，離大城市Leon越嚟越近，道路唔再係林間小路，行人路好平好好行。路上趕上咗先出門嘅韓仔踢喪，兩條行到下個小村就停低咗食早餐。
一坐底無耐，德妹Herlin就喺遠處行埋嚟，佢咁啱路過都想搵早餐食。兩日無見到Herlin，交換吓近況之後就一齊上路。一行三人向Leon前進。
聽好多人講話入Leon嘅路好悶，會行過好多工業區。我自己覺得又唔係吖，行馬路旁嘅時間其實唔係佔好多，大部分路嘅風景都好開揚，有上山下山路，就算行入工業區都唔差。自然景，工業區，小村落，大城市，風景Keep住變，其實一啲都唔悶。起碼好過行入Burgos嘅兩小時城市大直路。
十二點半我哋就到Leon，即刻去公營Albergue入冊。Albergue見唔到舊朋友們嘅身影，得韓仔同Quebec Paul and 德妹Sandra。有啲啲失望，但都無辦法。
沖完涼洗完衫，韓仔話搵到間中菜自助餐，叫埋我一齊去，我即刻狗衝。講真，食咗咁耐西餐，我真係好掛住中餐。
行咗半粒鐘先到，嚟到西班牙咁耐先第一次見到商場。我好似個鄉下仔咁，行入商場就周圍望。
入到餐廳見到啲中菜好鬼興奮，第一時間揀咗一大碟肉同一大碟沙律，雞翼、甜酸骨...最撚好食係個柱候牛腩，真係家鄉嘅味道。如果有埋炒菜就perfect池。食完第一輪，第二輪揀咗炒飯炒麵，韓仔笑鳩我食Buffet做乜鳩要揀呢啲。我都知咁食唔抵，但我真係要食呢啲。個個都食到好飽，坐咗喺到行唔郁。韓國肥仔Kitsu不停不停食，食咗五六碟燒海鮮都仲唔肯停，後來佢同我講好開心，因為上路以來終於第一次食到好飽。最後埋單€15，都唔係貴。
食完之後我同佢哋分開自己行。聽日會落雨，今日仲有太陽要影多啲戶外相。
腦海仲有個問題未解決：究竟留唔留多一晚喺Leon。呢個係一個好難決定問題。Leon係一個好值得留底嘅城市，好多地方可以參觀。我覺得應該留底，但又想繼續前進。因為一停低，身邊嘅人就會唔同晒，可能對某啲人已經係永別，餘下嘅人生就唔會再見到彼此。對我嚟講，就好似要我放棄一半認識嘅朋友，朝聖路要重新開始咁。同埋一停低，我可能就唔想再行了。
另一個更傷感嘅問題，係有啲人可能已經不知不覺永別咗了。已經好多日無見到Guy同西班牙情侶Dani and Daniela，唔知佢哋身在何方。都未好好講聲再見，但可能已經無機會再見了。諗起呢樣就有少少sad。
腦海帶住呢啲問題四圍觀光，行行吓心中已經有答案，我會留多一晚，起碼今日我仲有機會同聽日會繼續上路嘅朋友講再見。
Leon係個好大嘅城市，我決定今日先周圍影相，聽日再入大教堂、博物館參觀。大教堂四周嘅街道好多酒吧，人流好旺，建築係好典型歐陸風格。但大街小路錯綜覆雜，我成日都蕩失路。主教堂竟然咁啱維修緊，睇唔到靚靚嘅外牆。
另一邊嘅公園正舉辦嘉年華，好多小食車同攤檔。城市非常熱鬧，唔似平時小鎮一到下晝就死城咁。
去超市買埋嘢，行行吓都六點幾，又蕩失咗一陣先返列Albergue，約咗Quebec Paul and 德妹Sandra飲酒食飯。Paul話想搵間酒吧坐低，但四圍都好多人，而且價錢又貴，兜咗一陣之後就返咗albergue附近嘅廣場坐底，後來德妹Herlin同法妹Vera又返咗嚟一齊飲酒吹水。朝聖路上好多八卦嘢，18歲嘅Paul路上溝到28歲Sandra，淨係講佢兩個嘅嘢已經好多嘢講。後來Vera突然話佢個LongD女朋友唔同佢分手了，開心到跳晒舞咁。Herlin講咗一句好啱嘅金句：Camino好神奇，朝聖者行在路上，會一直得到最想要嘅嘢。
我哋朝聖者好少「要求」想要乜乜乜，但個天總會就不斷送我哋心底最渴望嘅嘢俾我哋。
幾條友吹水吹到十點半Albergue關門，返到去albergue繼續飲酒吹水，傾到Albergue管理員嚟趕我哋走先散水。
今日之後，路上仲認識嘅人已經少咗好多，得返Quebec Paul同德妹x2。韓仔團、荷蘭老Paul都聽日繼續上路。我喺到諗，我選擇停低就等於放棄咗佢哋，好似失去咗好多嘢咁，當然其他人唔會咁諗。但其實我無失去啲咩，因為我哋每個人本來就係自己一個人踏上朝聖嘅，本來無一物，又何來失去呢？
行咗半粒鐘先到，嚟到西班牙咁耐先第一次見到商場。我好似個鄉下仔咁，行入商場就周圍望。
入到餐廳見到啲中菜好鬼興奮，第一時間揀咗一大碟肉同一大碟沙律，雞翼、甜酸骨...最撚好食係個柱候牛腩，真係家鄉嘅味道。如果有埋炒菜就perfect池。食完第一輪，第二輪揀咗炒飯炒麵，韓仔笑鳩我食Buffet做乜鳩要揀呢啲。我都知咁食唔抵，但我真係要食呢啲。個個都食到好飽，坐咗喺到行唔郁。韓國肥仔Kitsu不停不停食，食咗五六碟燒海鮮都仲唔肯停，後來佢同我講好開心，因為上路以來終於第一次食到好飽。最後埋單€15，都唔係貴。
食完之後我同佢哋分開自己行。聽日會落雨，今日仲有太陽要影多啲戶外相。
腦海仲有個問題未解決：究竟留唔留多一晚喺Leon。呢個係一個好難決定問題。Leon係一個好值得留底嘅城市，好多地方可以參觀。我覺得應該留底，但又想繼續前進。因為一停低，身邊嘅人就會唔同晒，可能對某啲人已經係永別，餘下嘅人生就唔會再見到彼此。對我嚟講，就好似要我放棄一半認識嘅朋友，朝聖路要重新開始咁。同埋一停低，我可能就唔想再行了。
另一個更傷感嘅問題，係有啲人可能已經不知不覺永別咗了。已經好多日無見到Guy同西班牙情侶Dani and Daniela，唔知佢哋身在何方。都未好好講聲再見，但可能已經無機會再見了。諗起呢樣就有少少sad。
腦海帶住呢啲問題四圍觀光，行行吓心中已經有答案，我會留多一晚，起碼今日我仲有機會同聽日會繼續上路嘅朋友講再見。
Leon係個好大嘅城市，我決定今日先周圍影相，聽日再入大教堂、博物館參觀。大教堂四周嘅街道好多酒吧，人流好旺，建築係好典型歐陸風格。但大街小路錯綜覆雜，我成日都蕩失路。主教堂竟然咁啱維修緊，睇唔到靚靚嘅外牆。
另一邊嘅公園正舉辦嘉年華，好多小食車同攤檔。城市非常熱鬧，唔似平時小鎮一到下晝就死城咁。
去超市買埋嘢，行行吓都六點幾，又蕩失咗一陣先返列Albergue，約咗Quebec Paul and 德妹Sandra飲酒食飯。Paul話想搵間酒吧坐低，但四圍都好多人，而且價錢又貴，兜咗一陣之後就返咗albergue附近嘅廣場坐底，後來德妹Herlin同法妹Vera又返咗嚟一齊飲酒吹水。朝聖路上好多八卦嘢，18歲嘅Paul路上溝到28歲Sandra，淨係講佢兩個嘅嘢已經好多嘢講。後來Vera突然話佢個LongD女朋友唔同佢分手了，開心到跳晒舞咁。Herlin講咗一句好啱嘅金句：Camino好神奇，朝聖者行在路上，會一直得到最想要嘅嘢。
我哋朝聖者好少「要求」想要乜乜乜，但個天總會就不斷送我哋心底最渴望嘅嘢俾我哋。
幾條友吹水吹到十點半Albergue關門，返到去albergue繼續飲酒吹水，傾到Albergue管理員嚟趕我哋走先散水。
今日之後，路上仲認識嘅人已經少咗好多，得返Quebec Paul同德妹x2。韓仔團、荷蘭老Paul都聽日繼續上路。我喺到諗，我選擇停低就等於放棄咗佢哋，好似失去咗好多嘢咁，當然其他人唔會咁諗。但其實我無失去啲咩，因為我哋每個人本來就係自己一個人踏上朝聖嘅，本來無一物，又何來失去呢？
沖完涼洗完衫，韓仔話搵到間中菜自助餐，叫埋我一齊去，我即刻狗衝。講真，食咗咁耐西餐，我真係好掛住中餐。
行咗半粒鐘先到，嚟到西班牙咁耐先第一次見到商場。我好似個鄉下仔咁，行入商場就周圍望。
哇咁遠, 仲起商場入面, 唔怪得
巴打你每日都行得好快
每日30km內啫
你行到邊到？
你行到邊到？
今日由logrono出發
今日去najera?
Najera間alberue municipal暫時仲係我住過最痴線嗰間
Najera間alberue municipal暫時仲係我住過最痴線嗰間