[Live] 一個人的朝聖路 Camino de Santiago

多謝支持
我feel自己寫行路已經無乜好寫因為 啲景都睇慣晒

留名支持
希望將來Grad trip我都可以踏上呢條朝聖路

多謝支持
你咁諗得代表你總有一日會嚟Camino
只係時間問題

Day 20
Leon 0km

主教堂入場費要成€6，好貴，行完之後都係覺得唔抵。教堂入面樓底好高，顯得中間部分空了了，但有好多遊客好專心聽緊導賞機。主教堂最靚嘅部分係彩繪玻璃，每幅牆上都係彩繪玻璃，枱頭望總係五彩繽紛。我話唔抵嘅原因係佢幾乎一眼望晒，而且天花板嘅橫紋又無乜特別，行咗一陣就走了。

唔知係咪因為行過見得太多教堂, 定係期待太高, 我個時都覺Leon間 Cathedral 無乜好睇

不過可以話你知, Santiago de Compostela 個間 Cathedral, 值得去睇Mass, 你有睇The Way 應該明

因為行咗兩個星期, 對靚景已經疲倦, 又成日諗返初段條路識嘅人唔知去咗邊. 又有種心態, 今日識嘅人, 明天後天都唔會再見, 就變到唔想去識, 唔想去了解佢地.

其實行camino, 無時無刻, 都係人生嘅縮影. 你返工返學, 總有好多只會見一個月, 或者兩個月, 一年, 之後可能人地轉工. 新同事黎, 心諗哩個人可能做一個星期又走, 唔同佢去食飯喇.

其實路上遇到都係緣份, 吹下水, 知多個故事, 可能可以改變下自己.

exact7ly how I feel now

靚鎮小休

呢條橋個地面係咪鋪咗好多石春? 我記得幾靚下, 但我去個日好Q曬, 無慢慢磨佢

巴打，而家正值世界盃，睇波氣氛點？西班牙以至成個歐洲應該都超熱愛足球喎

可惜今日無太陽 不過都幾靚

BTW, 當你進入 Galicia省 之後, 大部份 albergue 係無得煮野食. 政府規定, 要所有hostel/hotel 要鼓勵遊客出外消費. 結果就係 albergue 收起哂D 煮食用具....有電爐都無用

搵到了, 勁曬, 仲要我嗰日又多咗粒水泡, 腳板底行呢D石春痛下痛下咁...行咗陣先留意行中間就好D

一日追哂成個post，皮已正
上個月係netflix睇咗套紀錄片叫"Footprints: The Path of Your Life"，講一個神父帶住幾個唔同背景嘅後生仔行Camino，借痛苦來反思生命的意義，令我印象好深。我唔喺天主教嘅背景成長，一直唔知有條咁嘅朝聖路，直到睇完呢個post先知原來咁多香港人聽過行過

無知一問，日日上路平時你係點樣洗衫？乾唔乾得切？Albergue會唔會full哂？要唔要事先book定先架？會唔會有時要用睡袋瞓路邊或者荒野？

又有新朋友 多謝支持
套紀錄片我都唔識 返香港之後睇返回味Camino先

洗衫就間間Albergue都有位洗嘅
我就求其用手洗 件衫唔臭我就接受了 都有好多Albergue有洗衣機乾衣機 sofar我淨係用過一次

落雨天嘅話啲衫就難乾啲 頭幾日出發落雨啩兩三日都乾唔透
陽光普照嘅話八九點就乾曬收得

Albergue暫時我都淨係walk in
多數我一兩點就停低唔行 呢個鐘數都好易搵地方住

至於瞓街瞓荒我都好想試吓
好想試吓星空當被cum
不過淆底未夠薑試 同埋呢幾日又天氣唔好

噚晚西班牙對俄斯 間間酒吧坐滿曬人
氣氛係幾好嘅 可惜我唔睇波

即係無得痴人餐

食完Lunch之後就返Albergue，Quebec Bernald都嚟咗同一個鎮，仲有德國帶仔家庭都係。兩個小朋友一見到我就同玩得好開心，啱啱喺超市買啲零食同提子俾佢兩個食晒。玩咗一陣就喺梳化瞓著咗，張梳化好好瞓一瞓就瞓咗個幾鐘。


瞓醒之後都無出過門口，淨喺Albergue入面Hea時間。Albergue好多人好熱鬧，但我好似失去咗認識新朋友嘅動力，有人行埋嚟就同佢傾兩句，無人就自己hea吓時間。可能係已經慣咗呢種生活，啲人來來去去，隨緣結識就夠，無需刻意介紹自己。

坐到咁上下同Bernald吹吓水，同兩個好打意嘅細路玩吓時間好快就到八點鐘。Bernald多手整喊咗個德國BB女，佢父母喺另一邊食飯吹水，搞到我要做湊仔公氹返佢。有幾組人煮緊嘢食，我都懶得去Social痴餐，自己淥個公仔面食就算。Bernald病病哋，佢都唔想痴大組食飯，於是我倆自己頹食。

新認識嘅挪威女士係咁講自己嘅故事，話自己要賣咗間房去旅行，因為阿媽仲留咗間木屋仔俾佢。雖然佢好多口水，啲英文又好差，但朝聖者嘅想法都大同小異，我大概都明佢噏乜。

食完頹麵又同bernald飲酒吹水，挪威仔thomas拎咗支結他出嚟彈。睇住個好開揚嘅景，聽吓音樂，真係好正。

話咁做就夠鐘瞓教，天士好清晰，我問管理員姐姐可唔可以瞓出面梳化，佢話唔好。但天上嘅星星好燦爛，於是我偷偷哋坐出房間窗台睇星，半隻腳喺窗台條條fing，每次有人行過都要好似忍者咁潛行不動，有次仲唔小心跌咗部電話落街，好彩無壞。


一個人喺窗外睇星，天空越嚟越暗，星星越來越多，無耐月亮都開始從東方升起。睇到十二點半就瞓了。聽日仲要行29km，咁玩法認真攞命，但為咗睇星星，再辛苦都值得。

好想你見返Guy 我估你對朋友都係重質不重量 可能近幾日冇左佢係度deep talk令你有啲down :(
至於旅途上其他旅伴就隨緣啦 畢竟幾星期內好難同太多人深入認識

我都好想見返佢
佢真係又玩得又傾得嘅爸爸

唔知佢去到邊了
最sad係正式嘅byebye都未講
好記得佢同我講嘅最後一句係"Run,Lee.Run"