開始出遊記之後交代少少前言先
各位俾啲時間我出文
自從三年前喺高登見到Camino de Santiago post，呢條Camino就深深咁植入咗我個腦，決定要喺Grad嘅時候去。幾年嚟時不時都會搵吓資訊，會想象吓自己去嘅時候會遇到咩人咩事，仲會同身邊每一個人講自己呢個畢業大計。
Camino de Santiago係西班牙一條朝聖路線，來自五湖四海嘅旅者一齊向住Santiago de Compostela前進，有好多唔同路線唔同玩法。我自己就揀咗最熱門嘅Camino Frances，由法國邊境SJPP出發，徒步行四十幾日，由東到西橫跨西班牙，到咗Santiago de Compostela之後再行多幾日，去埋「世界嘅盡頭」Finisterre，全長900km左右。
裝備方面，Osprey Atmos Ag 50L，基本上得衫褲鞋襪、叉電器s、睡袋、行山棍x2、頭燈同少少應急藥，呢到都特登買咗幾千銀。相機只帶了RX100m3，本身想帶埋GoPro同芭蕉扇，諗諗吓都係減重唔帶了。就咁埋單都有成11.5kg，仲未計水。
錢方面就用咗5000港紙買機票，巴黎入巴塞出，600港紙左右買火車飛由巴黎去SJPP。唱咗1500歐，預一日用40歐。
每個人行Camino都有自己嘅原因，我都喺開始之前紀錄低，睇吓一路行諗法會唔會有所改變。唔想睇就飛啦。
講到明Grad Trip就緊係有今生無來世，想俾一個一生難忘嘅回憶自己，要做啲常人唔會做嘅事，所以日韓台歐遊都不了。一個人行路喺異地行四十幾日，好期待遇到好多陌生人，好期待同咩人結伴，一定會有啲得著。其實我都無expect自己會得到咩，但肯定會有得著。個心態就好似「出咗糧想fing吓錢，但又唔知買咩，於是去行吓街睇吓有咩買」咁。
同過好多朋友提起Camino，一方面想搵到伴一齊去，但另一方面心底知道獨行先係最適合自己。有朋友講過想join最後100km，當然最後都係不了了之，結果都係自己出發。
據說行完Camino就可以赦免自己嘅罪孽，另一個講法係長時間嘅獨處可以令人諗通好多心結。我無信仰所以比較認同後者，都想睇吓行完Camino會唔會放得低喺香港生活嘅煩惱。
所以呢一刻你問我，為咩行Camino，我答唔到你㗎，大概係幾年前曾經想做呢件事，所以就做啦。同埋有一樣肯定嘅係，日日都會行到周身痛。
“There is no one walk the camino by accident.”
-The Way (2010)
跟住大隊行就一路行到Pilgrim Office，途中認識咗第一個Camino Friend，嚟自韓國嘅志汌。
我預咗四十幾日
