80後, 想打篇文, 紀錄呢30年發生過既事

Lm

高質留名 巴打加油呀

追故模式追完樓主post
好想睇你繼續寫落去你經歷過d咩
遇到個個老師點幫你
你自已又點規劃人生

見樓主比人屌到停手唔寫真係可惜
難得一個幾高質post
希望樓主唔好理班連登仔寫埋落去
G持樓主做

30歲搵70k

local狗係咪唔使旨意入迫科？

睇字都覺得樓主辛苦
邊有哂命，全部有血有肉就真，
事實上大部分香港人好勤力好刻苦，
係真勵志故事
希望樓主繼續寫

一直都想做樓主呢種人
我都係冇父幹冇母幹 讀書唔算差入到U過三嘅
但最仆街係我讀藝術科 聽師兄師姐講fg都係得萬一
仲要日撚日捱屌 日夜顛倒 搞到身體好差
我依家都讀到好大壓力好擔心前途 聽過身邊有中同已經出咗黎做野月入40k 有啲又有big4 intern
係咪一定要讀商先有機 但我好憎商科 中學有take過但完全讀唔掂
但藝術科我好勤力搏哂命去做 反而好似一路將時間心血dum落海 甚至要自己嘔器材錢crew錢出黎
但我啲fd個個都話報政府工喇 考EO hea下又一日
佢地讀得咁輕鬆又識開網店創業投資 父母又買咗層樓俾佢地 完全唔愁衣食
但我死搵爛搵都係儲得5皮野 點解可以咁撚廢...
都唔知將來點買樓...

一定唔係。

一定唔係。
讀文讀理讀商都多成功人士，不過藝術真係比較少聽。

際遇既野，好難講。

唔好咁快否定左自己先。

你有興趣我可以refer你。

樓主refer 係咪正常都請 ?

當然唔係。老闆refer都要interview.

上年Grad到依家做左差唔多一年big 4
慢慢好似都適應到份工，應該三年都挨得到
但同屋企人關係好差，女又冇
最常係公司對住個班全部都係啲酒肉朋友
成日都覺得好寂寞好孤單
大學Final year 個時已經有抑鬱症
到依家為止嘗試自殺過好幾次
不過好好彩（或者好不幸）地一係臨尾一刻收手，一係就Fail左
我同樓主有啲唔同，因為好多Ot pay同出差allowance，第一年已經儲到錢
但有錢又如何
我已經唔知點樣可以令自己嘅人生變得快樂

曾幾何時，我都覺得同事係做唔到朋友，或者交唔到心。但係宜家做咗年幾兩年，發現batchmate真係好重要，冇佢地真係捱唔到落去，無論係公事定私事，互相support好重要，希望你都搵到可以互相扶持嘅同事！加油

你係咪姓許？

好多local入到big4，我都係local u

公事都冇得點Support
私事...... 同啲同事嘅關係未深入到咁
可能我太毒，完全同啲同事深交唔到
每次有啲咩social活動呀飯局happy hour呀，對住成班人飲飲食食
大家都嘻嘻哈哈，好似大家都好鐘意咁樣圍威喂
但其實我真係覺得好撚厭惡
寂寞，好可怕
成堆人係身邊但都仲感到寂寞，更可怕
入Firm頭幾個月我都咩活動呀飯局都去
依家就完全不了

push

我都明白嗰種為social而social，真係好攰...

樓主，介唔介意比少少意見我。講少少背景先，成長背景同你差唔多，讀書揀學校都係自己決定，選大學果時上網睇左幾出名既xx齋blog 主成日屌會計，所以大學冇聽屋企人講去讀會計，走左去讀三大文科，畢左業3年，係大銀行做緊KYC/CDD, 事業發展前境好似冇出面講到咁好，做既野又冇真正compliance咁專業。依家25,26歲唔上唔落，唔知點算。

想問下未來幾年應該點發展好？因為做緊既野唔夠專業，想有個牌係身，會計係咪暫時都有發展空間？今個月會去考cfa lv1, 識少少會計。如果依家斬掉重練，咁低做起去考會計牌，可唔可行？報big4仲會唔會收我呢種人？


sorry有啲長

認真 我覺得你可以試下同同事傾下。
我自己有咩事都會同同事傾，大家同一行，你經歷過我相信你同事都可能經歷過。當然啦，大前提係你要分得開邊個係真朋友。

如果你真係有嚴重既抑鬱，你要諗諗岩唔岩做上去。
因為我都幾肯定你將來會遇到更大既挫折同壓力。