【一齊讀吓宋詞】尋尋覓覓，冷冷清清，悽悽慘慘戚戚——李清照

依樣好緊要

出文未

簡介基本古典文學概念：惜春
兼讀李清照如夢令（昨夜雨疏風驟）

昨夜三更雨，臨明一陣寒。海棠花在否？側臥捲簾看。
——唐代韓偓〈懶起〉

正文第三篇

古人常云：傷春悲秋
春天常喻美好嘅年華、事物
秋天則為萬物凋零嘅悲景
古典文學常見「情境連類」
春天嘅美好，連接其他類似嘅事物

張炎词曰：
東風且伴蔷薇住，到蔷薇、春已堪憐。
杜甫詩云：
一片花飛减卻春，風飄萬點正愁人。
惜春，可以上連家國天下之春
美好事物實在太多
又同春天一樣注定易逝

不過，古人眼見春天離去
最常係會諗到自己已經老啦
都會寫出致我們一去不返青春之作
真係古今如一，傷春惜春呀！



如夢令
昨夜雨疏風驟，濃睡不消殘酒。試問捲簾人，卻道海棠依舊。知否？知否？應是綠肥紅瘦。

呢首詞是小令，無分上下片
推斷為李清照婚前之作
我地可以想像，少女未嫁
待於深閨，又因暮春之時
自然會有種對青春逝去嘅感受

少女昨晚雨中飲酒
呢種時刻真係特別有feel
唔覺意隊多兩杯，訓醒都仲有醉意
「雨疏風驟」為一悲景
可想而知，外界必是滿目瘡痍

因此，詞人問侍女
你捲開門簾之後，望到咩景況？
點知侍女唔知係咪隨口答佢
哦出面好平靜，連朵海棠花都好靚

「知否？知否？應是綠肥紅瘦。」
李清照少女嘅心，主宰咗現象界嘅一切
任何事物係少女面前，都係具有想像嘅真
因此詞人否定咗真係有望出去嘅侍女
呢種少女嘅心，真係好值得細味呀！



李清照係另一首詞寫：
長記海棠開後，正傷春時節
知唔知？外面嘅海棠花
係呢個暮春時分，又經風吹雨打
應該係一如我醉酒未醒嘅青春
「綠肥紅瘦」，花瓣散落，只剩葉子

呢首詞歷來最受人讚賞係「綠肥紅瘦」
胡仔：此語甚新
王士禎：人工天巧，可稱绝唱
文學貴新，李清照唔直接講凋零
而係側筆咁描寫綠多紅少嘅狀態
我地必須要通過想像先能夠體會當中嘅意味
經過呢一重功夫，更能感受凋零嘅具體呈現

由「雨疏風驟」嘅外在景況
至少女主觀嘅「綠肥紅瘦」
中間「濃睡不消殘酒」連繫兩者關係
一切都係源自醉酒未醒嘅暮春悲嘆
惜春，惜花，其實都係惜年華逝去
呢種心情，應該係普天之下少女都有過嘅感觸掛？

今日凍到痴線
大家記得著多件衫再睇文

賣廣告
記得開返個AC FOLLOW啦
淵明拜年時：溫柔敦厚之詩 ( EP . 4)
近日接近農曆新年，又到了跟親戚朋友一聚的時候，今次特別介紹陶淵明家族親情的四言古詩。
https://medium.com/@deliver546/%E6%B7%B5%E6%98%8E%E6%8B%9C%E5%B9%B4%E6%99%82-%E6%BA%AB%E6%9F%94%E6%95%A6%E5%8E%9A%E4%B9%8B%E8%A9%A9-38517c8372ae

探長

留名學野

有才華嘅女人先係最正~

每張圖都嘔心嚦血
可能係我嘅劣根性

lm

其實要睇作者嘅創作觀
有詞人如東坡，側重「書面文本」，純粹想比人睇文字，唔需要唱
（呢方面到咗今日已經無所謂，幾乎都失傳哂）
有詞人本身識音律，自然會關注埋「演唱文本」
如果可以聽到點唱，一定又係另一番享受

個情況可以諗係粵曲，如果有人寫得好「書面文本」，但唔合樂，仲係咪粵曲呢？
呢條開放題黎，大家可以自己諗諗

歡迎巴打又黎！
記得巴打係長期讀者，感謝

歡迎十二指腸巴打又黎！
今次李清照會出比較多篇
相信夠大家睇一段時間

補充：段金石錄後序其實就係後來納蘭容若詞中「賭書消得潑茶香」既典故來源

好鍾意李清照 去濟南個陣有去佢個紀念公園 但冇乜野睇

念念不忘，必有迴響
多謝各位有心人支持先

好似會侵犯版權

感謝你就真！