【一齊讀吓宋詞】尋尋覓覓，冷冷清清，悽悽慘慘戚戚——李清照

lm正皮

下篇會再講埋原因

唔係講指教，大家交流吓
一係你留TG
再唔係可以去FBmessage
當然係到留言都一樣
等我有時間就會覆

留名

詩中別調：自作解人，更形孤苦
嘗讀李清照感懷詩

她在詩中表示要謝絕俗緣，同子虛、烏有這些漢賦中虛構人物結成至交，正反映了她心中的寂寞。
——程千帆、徐有富



正文第十五篇

感懷(宣和辛丑八月十日到萊，獨坐一室，平生所見，皆不在目前。几上有禮韵，因信手開之，約以所開爲韵作詩。偶得「子」字，因以為韵，作感懷詩云。)

寒窗敗几無書史，公路可憐合至此。
青州從事孔方君，終日紛紛喜生事。
作詩謝絕聊閉門，燕寢凝香有佳思。
靜中我乃得至交，烏有先生子虛子。

話說，上次講到趙明誠自己去咗萊州做官
留低李清照自己一個係青州，好鬼傷心
咁原因呢，我地就只能夠推測
應該係趙明誠想李清照留係屋企管事
自己出去自由自在咪話唔爽

咁李清照係呢段短暫時間，寫咗好多首詞
首首都係講佢因呢件事嘅悲哀
我地已經讀過當中寫得好好嘅：
惟有樓前流水，應念我、終日凝眸。凝眸處，從今又添，一段新愁。

不過李清照又點會咁就放棄呢？
佢決定唔理三七二十一，直接去搵老公！
咁大家都知啦，通常咁做都無咩好結果……
理所當然咁，李清照又寫咗首詩啦

大家首先會見到呢首詩嘅序言：
宣和辛丑八月十日到萊，獨坐一室，平生所見，皆不在目前。几上有禮韻，因信手開之，約以所開爲韻作詩。偶得「子」字，因以為韻，作感懷詩云。
即係話，李清照去到萊州
但竟然係「獨坐一室」
平時好熟稔嘅事物，唔係眼前
完全係暗示緊趙明誠唔理佢
於是李清照無事可做，就用「子」韻寫詩



寒窗敗几無書史，公路可憐合至此。

李清照係呢首詩用咗唔少典故
「公路」即袁術，為歷史典故
《三國志·袁術傳》：
術既為雷薄等所拒，留住三日，士眾絕糧，乃還，至江亭，去壽春八十里，問廚下，尚有麥屑三十斛。時盛暑，欲得蜜漿，又無蜜。坐欞床，嘆息良久，乃大咤曰：「袁術至於此乎！」因頓伏床下，嘔血斗余，遂死。
袁術係官渡之戰之後，已經差唔多玩完
最後窮途末路，吐血身亡
呢邊李清照係話自己同袁術一樣
竟然而家要住好差嘅地方

「寒窗敗几」，成間房都好Cheap
點解佢會住呢種地方呢？
咁一定係因為趙明誠想趕佢返去啦
搞到李清照就快吐血身亡



青州從事孔方君，終日紛紛喜生事。

「青州從事」，出自《世說新語》
《世說新語．術解》：
桓公有主簿善別酒，有酒輒令先嘗，好者謂青州從事，惡者謂平原督郵。
品嚐美酒，後人喻之為「青州從事」
孔方君即係錢，古錢外廓圓，內方孔

李清照由自身之悲慘，講到趙明誠嘅事
又酒又錢又生事，好明顯係玩女啦
就算唔係玩女，都係出外玩得開心
咁多「事」，就可以唔陪正印老婆



作詩謝絕聊閉門，燕寢凝香有佳思。

李清照有見及此，又可以點做呢？
古代女人最勁，頂多都一哭二鬧三上吊
但呢種低俗嘅手法，豈是大才女所為
文學家最叻，都係用文字抒發自己嘅感懷

燕寢，古代多指帝王寢息嘅地方
後亦指地方官員嘅公館
講緊李清照係趙明誠嘅屋入面
受人冷落，以詩自娛



靜中我乃得至交，烏有先生子虛子。

詩人去到孤苦無依之境地
竟然幻想得遇「至友」，「烏有先生」
呢位幻想人物，出自司馬相如《子虛賦》
楚使子虛使于齊，王悉發車騎，與使者出畋。畋罷，子虛過姹烏有先生，亡是公存焉。
烏有，即無有，本無其人
我地後人講「子虛烏有」正係出自呢到

好似有人，其實係冇人
呢種幻想，連自己都騙唔過
自作解人，但敵唔過眼前嘅一無所有
李清照至今先真正知道受人冷落嘅滋味

留名

巴打add 左未 之前有個人add 我我唔知邊個del 左唔知係咪你，如果係你麻煩add 多次

好

你唔講，我一直以為子虛烏有係出自強國外交部

大文學家又黎撐場

試問捲簾人，卻道海棠依舊

巴打有冇興趣講下清朝/近代啲既詩人?

納蘭性德, 王國維, 梁啟超個啲

好鍾意王國維句最是人間留不住, 朱顏辭鏡花辭樹

仲有對道家思想, 老子莊子都好有興趣

最後講句, 巴打辛苦曬 學咗唔少野

巴打講得好好
可惜清照詩用典太多
如果唔係都會盡講多幾首

tam jeung
呢排超忙

絕對有機會講
不過相信都無咁快
道家思想一定會開，排緊隊
等李清照完咗再計劃下個講咩
多謝巴打支持！

李嘅詩黎講探長暫時應該淨係講過一首？

暫時係，之後可能會再提
視情況而定

「子虛子」係咩意思？

最後「子」嘅字，無咩特別意思
「子虛」係人名，再加個「子」係比較親切嘅講法
即係好似日本人講咩咩君咁
二黎其實係為咗要押「子」韻