【一齊讀吓宋詞】尋尋覓覓，冷冷清清，悽悽慘慘戚戚——李清照

有機會嘅
手頭都好多計劃寫緊

會唔會講解下李清照係點死嘅？

今個禮拜出唔出到後記
樓上呀清話講下李清照晚年同點過身都好喎

今個星期必出

我後記會提提……
雖然記載唔多，但晚景都應似淒涼

得探長啟發，借咗本宋詞一百首睇下

借咗邊本

每一首有個簡介咁

巴打睇完講吓寫成點
等我可以偷吓師

等我開始睇可以分享下
都係蜻蜓點水式嘅簡介，勝在夠多，每個詞講幾首，當然無你分析得咁深入

睇緊另一本胡燕青講新詩賞析、創作嘅書，提到東坡詩“淡妝濃抹總相宜”嘅創作過程有特別見解，有時間分享一下比你評論一下

何來Happy Ending？人生是永遠的動態歷程
——李清照講後記




夫人幼有淑質。故趙建康明誠之配李氏，以文辭名家，欲以其學傳夫人。時夫人始十餘歲，謝不可，曰：「才藻非女子事也。」
——陸游《夫人孫氏墓志銘》

巴打問：李清照最後係點死架？
乍看之下，一時間我唔太想回答，因為唔會令人開心
然後我開始諗，係我講過嘅咁多文人之中
到底有邊個係真正有所謂嘅Happy Ending呢？

竹林七賢大多都冇好嘅下場
如嵇康、如阮籍、如劉伶，不容於世，生於非命
辛棄疾至死不得志，懷住一股悲憤病逝
李商隱為情所困，因愛痴狂
即使係蘇東坡嘅豁達，仍然記住夜雨對床
就算係陶淵明嘅隱逸，都係看不破生死大難



李清照，一位活於古代，唔「安份守己」嘅女性
相公冷落，慘成寡婦，再嫁離異，政治壓迫，受人非議
似乎注定比起上面咁多位男性更加悲慘
李清照嘅才華，嘅抱負，嘅勇氣，難能可貴
可惜嘅係，係中國古代完全不受重視

晚年之時，李清照已經係大隱隱於市
專心做自己嘅事，唔太問世事，反正都無能為力
不過有唔少因為李清照嘅文名、才華拜訪佢
其中有一對夫婦嘅女兒，好似好聰明咁
李清照唔想畢生之學失傳，想將真傳傾囊相授

夫人幼有淑質。故趙建康明誠之配李氏，以文辭名家，欲以其學傳夫人。時夫人始十餘歲，謝不可，曰：「才藻非女子事也。」

呢位女仔大過咗，結婚再過世之後
南朝文人陸游仲為佢寫墓誌銘，記低咗呢件事
佢即使只係得十幾歲，但生於男尊女卑嘅古代：
「呢位婆婆，女子無才便是德囉，唔該啦，我唔想學呢種嘢囉！」
呢種就係李清照一直以來受到文化壓抑嘅象徵
之後冇幾年，李清照逝世

文學並唔一定「導人向善」，亦難以改變世界
一位又一位嘅文學家，即使成就再高
原來都無所謂嘅Happy Ending，咁樣我地閱讀嘅意義喺邊呢？
如果我地願意接受虛假、靜態、片面嘅人生
就好似童話故事入面，會有個凝結於一刻嘅完滿結局



好嘅文學會誠實而殘酷咁告訴你：
人生本來就無永遠嘅Happy Ending，每刻都變化
我地面對生命唔同嘅階段，都必定有唔同嘅難題要面對
唯有坦誠直視呢種事實，我地先可能透過理解進而取得智慧
種種文學家之典範，都係自己不斷變化嘅生命之中
面對難題，作出回答，正同我地嘅人生一樣

亦係如此，我地先會容許、看見生命有更多嘅可能
李清照唔止係古代嘅「情人典範」，唔止係傷春悲秋嘅兒女私情
陶淵明、蘇東坡除咗豁達，也有許多無法解決困境
辛棄疾、李商隱亦有超脫，竹林七賢自具風流之美
因為看見，因為了解，呢份生命經驗將會陪伴你
於變幻才是永恆，充滿變數嘅一生
讓自己從單一解放，更加坦誠與寬容，更具智慧

2018年，轉移重心，去搞Medium
有各式各樣嘅文章，天文學、文學、評論咁
都可以因應興趣入去我地嘅Medium睇：
https://medium.com/%E5%BE%B7%E5%B0%BC%E6%80%9D%E5%8C%96
最好Like埋我地個Page啦，支持吓講者：
https://www.facebook.com/%E5%BE%B7%E5%B0%BC%E6%80%9D%E5%8C%96-1410350102358414/

好多詞牌名有唔同詞人嘅作品，甚至同一詞人嘅不同作品，好易搞亂

巴打講得無錯
所以我地現代人講詞作
通常會講「詞題」
如果無題目，會變成用詞作第一句作記認
你見我平時講詞嘅題目都係咁

pish

支持

睇探長寫蘇軾水龍吟所描寫嘅「楊花」根本唔係楊花而係柳絮（即呼應首句「似花還似非花」？如果唔係花點解又用花黎比較？），我睇其他詞作都有呢個情況，覺得有趣，係咪古代嘅普遍情況？

點解唔直接講楊柳、柳絲，而叫楊花？係咪形態相似？當提到「楊花」，幾時真係講楊花？幾時係講柳絲？？好奇怪、好混淆

張巴打呢個真係好問題，值得討論、深思。

最早出現嘅記錄係《詩經》：

昔我往矣，楊柳依依，今我來思，雨雪霏霏。

楊柳既能作依依搖曳，一定係指垂柳，唔係真係楊樹。柳樹、楊樹係兩種植物。

後世沿用呢種用法，楊柳即係柳樹，咁楊花就等於柳絮，真係好普遍嘅現象，習以為常。相對黎講，寫楊樹、楊絮真係少好多，而且通常會叫白楊。

真正值得討論係：點解會咁用？我估計有兩個原因，一，柳絮本身比較輕，飄得遠，睇落似花，較好睇。二，楊花嘅用法可能係傳統、圈子嘅因襲，好似呢到講「巴打」代brother，比較親切。三，古有折柳送別傳統，柳樹多近水，遊山玩水，坐吓船仔，受到文人騷客歡迎，有更多發揮空間。

混淆好正常，因為語境唔一樣，科學分類用詞、文學意象用詞，本來並唔對等，係古代更加明顯。

東坡寫：「曉來雨過，遺蹤何在？一池萍碎。」楊花（柳絮）點會化為一池浮萍？唔係客觀事實，但靚，係文學嘅好用詞，唔一定係精準，語境不同之故。

預告：
下個主題會講諸子
而且應該係大家最想聽嘅
原本想同時寫兩個詩人嘅post
可惜心力不足，有機會再搞

另外想先寫一兩篇香港文藝嘅評論
出係Medium ，歡迎大家留意
係呢邊寫咗一年幾，都想試吓轉移重心
同埋完埋梵高，費事真係爛尾

所以預計最快都要十月先出下個post
希望大家多多支持、留意德尼思化
FB、medium 都需要大家
得其神而忘其形，係邊到都可以交流、分享

梵高

聽過一首歌叫聲聲慢先知道有呢首宋詞

打打打

中學課本都有？