【一齊讀吓宋詞】尋尋覓覓，冷冷清清，悽悽慘慘戚戚——李清照

第四頁未？

李清照份人都幾串下，睇下佢篇<詞論>，當年既文學批評，將北宋全部詞人都踩一次

"至晏元獻、歐陽永叔、蘇子瞻，學際天人，作為小歌詞，直如酌蠡水於大海，然皆句讀不葺之詩爾，又往往不協音律者。何耶？蓋詩文分平側，而歌詞分五音，又分五聲，又分六律，又分清濁輕重。

王介甫、曾子固，文章似西漢，若作一小歌詞，則人必絕倒，不可讀也。

乃知別是一家，知之者少。後晏叔原、賀方回、秦少游、黃魯直出，始能知之。又晏苦無鋪敘；賀苦少典重；秦則專主情致，而少故實，譬如貧家美女，雖極妍麗豐逸，而終乏富貴態；黃即尚故實，而多疵病，譬如良玉有瑕，價自減半矣。

今日出咗去
一返到屋企會出文

推

"然皆句讀不葺之詩爾，又往往不協音律者。"
其實現代仲有冇人識宋詞個詞牌既音律
真係想知下蘇東坡詞有幾唔岩音

少女情懷：真實的女性形象
試讀李清照點絳唇(蹴罷秋千)

宋明之際，禮教的勢力無遠弗屆，漢人的女子，裹著小小的腳，蹭蹬在深深閨閣裡，似乎只有春天的鞦韆遊戲，可以把她們盪到半空中，讓她們的目光越過自家修築的銅牆鐵壁，而望向遠方。
——張曉風〈鞦韆上的女子〉

正文第二篇

點絳唇

蹴罷秋千，起來慵整纖纖手。露濃花瘦，薄汗輕衣透。

見客入來，襪剗刬金釵溜。和羞走。倚門回首，卻把青梅嗅。

中國文學史嘅典雅之作，絕大多數都係男人手筆
詩歌如此，詞作亦係如此
我地會發現一個有趣嘅現象，代擬
大部份寫女性閨怨嘅詞作，都係男性嘅想像
好似東坡、辛棄疾呢種比人話豪放嘅詞人
都有大量呢種類型嘅詞作，更唔好講其他詞家

近年女性主義大行其道
亦成日用作文學研究嘅進路之一
當中最常講嘅理論，係男性嘅「凝視」
女性只係男性想像嘅產物，被目光而「物化」嘅存在
要呈現真正女性嘅形象，首先要擺脫父權
再由獨立嘅女性，書寫自己嘅故事

用呢種現當代嘅主義去睇中國古典文學
當然唔可以完全符合啦
好似李清照就無真正咁反抗父權
但李清照嘅作品，卻比起男詞人嘅FF
更具女性真正形象嘅呈現，更加動人
此亦為我地睇李清照作品嘅重要價值之一



蹴罷秋千，起來慵整纖纖手。露濃花瘦，薄汗輕衣透。

蹴（粵音促）：踩

此詞寫於李清照婚前時期
亦係佢早期其中一首嘅代表作
李清照活係深閨，對人生充滿期望
自己嘅青春，自己嘅未來
呢一切一切都繫於中國少女最重要嘅婚嫁

只是一瞥，在鞦韆盪髙去的那剎，世界便迎面而來。也許視線只不過以兩公里為半徑，向四而八方擴充了—點點，然而那一點是多麼令人難忘啊！人類的視野不就是那樣一點點地拓寬嗎？
張曉風寫過一篇出色嘅散文
講古典文學入面，秋千都係女性專用嘅玩具
由封閉嘅內界，至開放嘅外界
好能夠表達古代少女對人生嘅渴求

「蹴罷秋千，起來慵整纖纖手」
少女清照，正係對充滿人生好奇嘅時刻
玩完秋千整理自己對素白嘅玉手
「露濃花瘦，薄汗輕衣透」
露水沾花，少女嘅汗沾濕羅衣
以「瘦」形容花，暗喻自己嘅形象
頗有「等到連花兒都掉下來」嘅感受



見客入來，襪剗刬金釵溜。和羞走。倚門回首，卻把青梅嗅。

襪剗（粵音產）：剩係著住襪

少女清照係玩完秋千果陣
突然見到有客人入黎
佢自己連鞋都未著
金釵都滑咗落地，頭髮好亂
少女意識到自己太唔閨秀啦！
都唔理自己對鞋同金釵
即刻怕怕羞羞咁走開，臉都紅哂

我地可以想像，呢位客人
好有可能唔係普通人黎
清照已經到古代少女出嫁年齡
首先呢位客人係男人，先會咁怕羞
其次可能係其中一位有可能結婚嘅少年才俊
清照先會咁突出咁意識到儀表嘅重要

「倚門回首，卻把青梅嗅」
呢兩句係全詞畫龍點睛嘅地方
清照明明好怕羞咁走咗出去
但佢呢，又想偷睇偷聽呢位客人嘅言行舉止
於是就「倚門回首」，又唔方便入去

「卻把青梅嗅」，係一個好得意嘅動作意象
你可以想像一位怕羞嘅少女
內心明明好關注客廳發生嘅事
但又要扮哂嘢，搵個藉口停係門口附近
一邊聞樹上青梅嘅味道
一邊留意客人嘅言行舉止
心如鹿撞，少女嬌羞之態盡現

李清照好鍾意唐代詩人韓偓
呢首詞，係同呢位詩人〈偶見〉一詩相映照
鞦韆打困解羅裙，指點醍醐索一尊。
見客入來和笑走，手搓梅子映中門。
「笑」與「羞」字之差
可觀男性與女性，分別大矣

留名 唔講咁多 仲慢慢睇緊辛棄疾

詞論提出詞同音律的關係，始終係一個重要論述

你冇咁上下才學，就算得到佢個人，好大幾會好似佢第二任老公咁比佢玩殘

最美好嘅時光
李清照晚年嘅敘述
總係帶有追憶嘅悲情

其實都叫有讚有彈
睇得出李清照比較欣賞秦少遊
佢地風格比較接近

李清照 留名
d配圖

一種相思 兩處閒愁 才下眉頭 卻上心頭

睇完，加速！！！

好詞

好似就快又第五頁

留名