【一齊讀吓宋詞】尋尋覓覓，冷冷清清，悽悽慘慘戚戚——李清照

可能以前讀書成日要默書比人逼住背 真係唔太鐘意宋詞 因為覺得難背 (當然駢文更憎) 然後李清照仲要成日講愛情 真係煩過韓劇女主角 就搞到更唔鍾意 睇完你講佢同佢老公d 野 又覺得佢幾可憐既 但印象已深 雖然唔再係學生 都改變唔到個種感覺 始終唔鍾意佢

另外 以前好鍾意蘇軾既定風波 覺得佢好灑脫 估唔到樓主原來有出過文寫佢 得閒要去睇返

btw我鍾意劉以鬯, 白先勇, 金庸 呢d 現代文學 有無咩好書介紹下?

咁快又一頁

一頁一文,推快D就出快D

咩牌子？ 好似幾好用

東籬把酒黃昏後，有暗香盈袖。 莫道不銷魂，簾卷西風，人比黃花瘦。

睇到以為同「人約黃昏後」係咪有關係

呢首好有迴旋既空間

兩種版本，各有特色：
一作「人比黃花瘦」
人比起黃花更瘦
真係慘到無得再慘，瘦到無得瘦
一作「人似黃花瘦」
此即並非人、花對立
而係以花喻人
即使係傷情處仍然留返幾分餘地

繼續學野

可唔可以講蘇軾

clapped

戈登巴打好似由唐開始講起，反而想知一d冇咩人講既, 例如三曹建安文學

拍左五十次

變、變、變！天上人間不相逢
嘗讀李清照行香子(七夕)

在高太后主政的元祐初期，蘇軾曾連升三級，也曾壓制過趙挺之，說他是「聚斂小人，學行無取」，不配選入館職做名流。為諸如此類的事，蘇軾付出了沉重的代價。在「元祐奸黨」及其子弟、親屬一蹶不掁之後，朝廷的爭鬥並沒有消停，只不過轉為同在新黨旗號下，又都受到昏君趙佶青睞的人物之間的較量。這種較量結果，就是走馬燈似的官吏升降。崇寧年間的這種政要的頻繁更迭，活像嬪妃們一上一下地打秋千，又像是兒童玩兒的蹺蹺板運動。
——陳祖美

正文第十一篇

行香子(七夕)

草際鳴蛩，驚落梧桐，正人間天上愁濃。雲階月地，關鎖千重。縱浮槎來，浮槎去，不相逢。

星橋鵲駕，經年才見，想離情別恨難窮。牽牛織女，莫是離中。甚霎兒晴，霎兒雨，霎兒風。

李清照詞題：「七夕」
我地可以從呢個題目推測內容
《荊楚歲時記》：
天河之東有織女，天帝之子也，年年織杼勞役，織成雲錦天衣。天帝憐其獨處，許嫁河西牽牛郎。嫁後，遂廢織紉。天帝怒，責令歸河東，唯每年七月七日夜渡河一會。

牛郎織女之間嘅故仔相信大家都耳熟能詳
中國文人極愛以七夕為題材創作
原因無他，呢種愛情想像
男女分隔兩地，彼此思念
係中國古代咁多戰亂動亂交通不便嘅地方
係非常普遍，牛郎織女代表無數愛情

李清照繼上首重陽佳節嘅詞
今次呢首七夕，顯然更受呢個節日影響
當大家都係街裡愛人一對對
但係詞人仲同老公分離，自然好唔開心
正因為咁，先寫得出呢首好詞



草際鳴蛩，驚落梧桐，正人間天上愁濃。雲階月地，關鎖千重。縱浮槎來，浮槎去，不相逢。

上半片化用典故，直言兩地分隔之苦
詞人聽見草叢中蟋蟀嘅叫聲
梧桐嘅葉子都因此而驚落滿地
「驚」之一字，亦係暗示詞人心境
朝野間嘅「鳴蛩」，「驚落」兩人苦況

正因咁，下開嘅「人間天上」更有味道
人間嘅落葉，唔係詞人自身咩？
仍係樹上嘅葉，睇落好似天上嘅高
天上係咪話緊朝野，仲係朝野嘅趙明誠
除咗朝野、民間，樹上、樹下呢兩重意義
仲有七夕典故嘅第三重內涵

「雲階月地，關鎖千重」
牛郎織女分隔兩地
一如李清照、趙明誠都係受外力阻擋
天河兩岸，兩處皆「愁濃」
由雲所成嘅階梯，看似連接兩地
實則「關鎖千重」，難以到達
真係此情無計可消除，現實就係咁！

「縱浮槎來，浮槎去，不相逢」
張華《博物志》：
天河與海通。近世有人居海渚者，年年八月有浮槎去來，不失期。人有奇志，立飛閣於查上，多齎糧，乘槎而去，十餘日中猶觀星月日辰，自後茫茫忽忽亦不覺晝夜。
以前古人有個講法，話天河同大海係相連
有人住係附近，年年八月都坐船上去
上到天河，玩返十幾日，咪話唔爽

本身呢個典故就好好玩嘅
但李清照反用「縱」之一字
就算船來船去又點樣呢？
牛郎織女，李趙二人，「不相逢」
亦都係話緊實際上兩地嘅交通往來
但佢地不能見面，又唔係因為交通呢？
可望而不可即，悲矣！



星橋鵲駕，經年才見，想離情別恨難窮。牽牛織女，莫是離中。甚霎兒晴，霎兒雨，霎兒風。

下半片主講七夕，暗指政治之變
牛郎織女，一年先見得一次
「離情別恨」，邊到講得哂？
唔知佢地而家見緊面呢？
詞人就話佢地可能仍然係離別之中
明明七夕咁開心，但李清照灰到爆！

「甚霎兒晴，霎兒雨，霎兒風」
呢三句係全詞最為關鍵嘅地方
亦都係透出李清照詮釋七夕嘅心境
一陣又天晴，一陣又落雨，一陣又打風
搞到牛郎同織女，有穚都見唔到面
咁開心嘅日子，比外力搞彎哂！

呢種外力，套入李清照人生
緊係話政治嘅可怕，令佢地分離
更係指出成個宋朝黨爭嘅實際情況
兩黨係咁循環，得勢失勢
互相陷害，互相攻伐
好少少果陣，以為天晴啦
點知隨時落雨，仲打埋颱風

如果專指愛情嘅話
晴：以為就快有得見
雨：又忽然睇唔清未來
風：睇怕有排先有得再會啦
三隻字，總結咗李清照呢個時期嘅感受
不斷嘅期望，不斷嘅失落
這種外力變化嘅人生折磨
致使連七夕嘅牛郎織女，都同詞人一齊傷心

如果對七夕有興趣，之前寫咗篇簡介：

中國古代嘅愛情，往往「離多會少」
遊子飄零在外，佳人私閣守候
呢種愛情咁多挑戰，令人「驚」懼
點比得上牛郎、織女守信
千千年年，一如往昔，彼此守候

簡介基本古典文學概念：七夕 齊讀辛稼軒綠頭鴨(七夕)之仙人對比
http://deliver90.blogspot.tw/2017/08/blog-post_39.html

人生是戲
本是定了劇本
得失又何需掛齒

人獨酌 酒
思緒走 亂

閉眼
向內尋找
汝能否看到本源

自由
和平
愛
純粹的感情
何驅你我

你即是我
我即是你
你快樂即是我快樂

冠文言 2018三月

絲打睇黎中學有修文學？
愈係強迫愈會反感
呢樣都係大家求學情況
不過我以為女性會比較鍾意李清照

東坡詞我講咗好多首
絲打有興趣慢慢追，我自己都好鍾意東坡
人生三境：東坡超曠詞之代表 共讀東坡定風波(三月七日沙湖道中遇雨。雨具先去，同行皆狼狽，余獨不覺。已而遂晴，故作此。)
http://deliver90.blogspot.tw/2017/06/ep24.html

現代文學有好多種類
絲打想睇咩地區？

如果按朝代計：
魏晉：陶淵明、世說新語(竹林七賢)
晚唐：李商隱
宋：蘇東坡、辛棄疾、李清照

暫時都應該會講大家聽過名嘅人
雖然話係興趣、推薦寫文
但寫得太陌生嘅話
無人睇，咁就無咩動力寫

順推一下

湯顯祖嘅牡丹亭會唔會講？

如果講到元曲
牡丹亭係一定會講
我自己都好鍾意
唔知今年講唔講到元曲呢？