我覺得呢個解釋實在不錯。
傳統科學,解釋唔到超自然和神蹟奇事,甚至一律ban晒,話佢一係做假、一係心理作用、一係幸運。把全部超自然野ban,呢個解釋顯然係理據不足和武斷。
傳統宗教,神打神,鬼打鬼,互相指責對方的神是假神,缺乏論證,教義違反現代科學。
New age, 係一個新的視野。比起傳統宗教,New Age 較合乎現代科學的知識。比起傳統科學,更開明和更開放,願意接受超自然力量和上帝的存在。New age冇宗教咁反智,也沒傳統科學、無神論或不可知論咁「文塞」。
newage有啲咩係合乎現代科學的知識?
食鹽抗幅射個D算唔算?
有個神創造萬物 幾撚科學呀屌
其實「LUCY」套戲最後佢成神之後,有段對白幾有趣,大約意思係「我地人一直用我地感覺到既野黎定義個宇宙,但如果有一日一唔係一,一可以同時係二既話,咁成個世界觀會點」
諗返起,岩岩發明顯微鏡 我地對個世界完全唔同睇法 到而家知道埋量子,更加唔同。
我想講既係 好多人當科學係真理,某程度岩 但唔係完全囉 科學只係一種了解事實既途徑 可能佢權威D 但唔係其他唔科學既野就要否定
講得出呢段野證明你連科學係咩黎都唔知
係咩 咁科學係咩
科學唔係講權唔權威,冇話咩係權威d
係科學既世界數據就係一切,所有理論必須要可以靠實驗驗證先算係一個可信既理論
(實驗驗證既意思係可以重複做到,而唔係只係咁啱發生一次)
而500年黎科學既發展證明數學+實驗係最有效既方法(即係我地而家講既科學方法)
科學方法唔等於科學知識
現今科學知識的確ban撚哂new age野
但科學方法係唔會ban你,as long as你個理論係有方法驗證
不過好似new age成日講個d乜柒野「靈性」、「高維度生物幫緊人類」之類冇辨法探測到既野 要人信真係冇乜說服力
除非你真係設計到一個實驗證明到佢地存在
順帶一提,近幾十年科學家傾向相信人類唔會搵到所謂既「真理」,而係只搵到特定情況下「近似真理」既理論
例如係相對論出現之後我地知道牛頓力學只係相對論係低速度同低質量情況下既近似
要搵到「真理」既話我地要設計到一個極高能量既實驗,高到去宇宙誕生個刻既level,而呢個energy level係幾乎冇可能實現