191 Like
9 Dislike
鐵塊
2017-11-10 12:29:17
感覺上如果大鳩太易同布甸開始
布甸反而會睇唔起佢
其實爸打係咪想講太快追布甸就睇唔起成皇志
係喎
點解打咗唔同意思嘅嘢
寂寞在淫蕩
2017-11-10 13:24:52
仆街蚊
2017-11-10 17:08:45
兩日live咗
兩個唔同世界嘅人一齊會好痛苦
放手啦
羽琴
2017-11-10 22:43:49
得幾百字 訓先
早抖
utility
2017-11-10 23:43:49
推
春泥
2017-11-11 00:11:49
打緊
我師傅係巴菲特
2017-11-11 00:15:10
艾斯柏斯BB
2017-11-11 00:24:33
呂靜宜
2017-11-11 00:32:16
唉 都係想送我走姐
唔使咁苦惱喎春巴
你都講到咁我自己走囉
春泥
2017-11-11 01:20:14
別過Humphrey,我離開了熊貓酒店,在街上漫無目的地行逛,不知不覺間又回到了我和呂靜宜經常來的城門谷公園。
我坐在長椅上,呆呆出神,我並沒有刻意去記起,可是與呂靜宜共處的點滴卻紛至沓來,想到到4E班上英文課時,我主動要求坐在她隔鄰的位置;想到我們在圖書館相遇;想到她指導楊鳳瑤數學;想到她邀請我在聖誕歌唱比賽合唱,我才可以有勇氣上台唱出我對管佳莉的心聲,那時我才開始放開那段纏繞我十多年的單戀;想到她在我家中被草蜢跳到身上的窘境,還有很多很多……
我回到1998,只是過了七、八個月的時間,但原來和呂靜宜已經製造了這麼多回憶,我們一起的子好像沒有什麼激情,我們的關係平淡如水,她在我身邊的日子,我已經習以為常,但想不到她會有離開的一天。
我不願重新去適應沒有她的子,我是否要認真考慮Humphrey的建議,和呂靜宜一同到英國呢?
除了呂靜宜之外,我還有其他的羈絆,爸爸、媽媽、阿興等家人,我真的可以在這境況下去告別他們嗎?
而且我的理智告訴我,如果我到英國,我是適應不了,撇開生活費、語言文化等不說,我自己知自己事,我沒有音樂天份,沒有可能在音樂上得到什麼大成就,我憑恃的不過是比別人走前多十多年的眼光和知識,英國的情形我不太熟悉,我本身的優勢會大打折扣。現在我和呂靜宜雖然難捨難離,可是到了英國,雙方的成就和生活圈子可能有所差距而出現分歧,到時我們還可以這麼好嗎?現在呂靜宜年輕,想得沒有那麼深入,待她年長一點、思想成熟一點,到她音樂的成就得到突破時,而我則在那裡一事無成的話,她還會只憑感情去看待我倆的關係嗎?未來有太多不能確定的因素了。
春泥
2017-11-11 01:20:40
那麼我可以在這裡待她,直至她學成歸來嗎?我很快又否決了這一點,現在呂靜宜對我這般眷戀,她會心無旁騖去追求自己的理想嗎?說不定她到了英國一兩個月,便捨不得我而回來香港,那麼和選擇放棄機會有什麼分別呢?
我知道我自己的態度,對呂靜宜的去留有著決定性的關係,面對這兩難我陷入了天人交戰之境。
我左耳有把聲音在呢喃:「其實佢留喺香港都可以追尋自己嘅夢想架!」
右耳另一把聲音響起:「成皇志,依個係呂靜宜一直以嚟嘅夢想,你唔可以咁自私扼殺佢架!」
理智和感情各不相讓地交戰。
春泥
2017-11-11 01:32:21
呂靜宜距離告別十五歲的時間,還剩下不足一小時。
每年她生日的凌晨十二點,爸媽總是準備了生日蛋糕為她慶生,但她昨天才和爸媽吵了一場很兇的架,不知他們會不會惱了自己呢?
門鈴響起了,呂伯母感到愕然,與呂世伯相望了一眼,道:「邊個咁夜呢?都成十一點幾喇?」
Humphrey道:「等我去開門喔!」
Humphrey打開了門,一臉錯愕道:「成皇志?你咁夜上嚟嘅?」
我道:「係啊!」
呂伯母瞧見我,訝道:「原來係成皇志。」
我道:「呂世伯、呂伯母,你地好啊!」
呂世伯問道:「成皇志,你帶咁大個背囊上嚟仲咩啊?」
我答非所問道:「係呢?呂靜宜喺邊啊?」
Humphrey道:「靜宜喺房,我叫佢落嚟喔!」
「唔駛喇!我上去搵佢啦!係呢!我之前聽佢講,話你地年年佢生日,會喺凌晨開PARTY,開咗PARTY喇?」
春泥
2017-11-11 01:32:42
Humphrey道:「未,你上去拖住十分鐘先,爹地,媽咪,我地去攞啲野出嚟準備。」
呂伯母瞥了呂世伯一眼,呂世伯道:「年年都搭正十二點切蛋糕,無理由今年例外架嘛!係咪啊?媽咪。」
呂伯母道:「嗯,個蛋糕咁靚,無理由扔咗佢,咁浪費架嘛!」
呂世伯三人在客廳準備,我則沿著旋轉樓梯走到了呂靜宜的睡房,我敲了敲門。
未幾,房門敞開,我道:「surprise!」
呂靜宜瞧見我出現在她面前,愕然道:「成皇志,點解你喺到嘅?」
「妳距離十六歲生日仲有二十分鐘,我講過會同妳慶祝生日架嘛!」
「咁去邊度慶祝啊?」
我道:「妳年年生日都喺屋企切蛋糕,就喺屋企切咗蛋糕先啦!」
呂靜宜嘆了一口氣道:「唉!今年唔同喇!尋日我先同爹地媽咪鬧咗交。」
「傻啦!呂世伯同呂伯母咁錫妳,妳生日邊度會捨得唔同妳慶祝喔!」
「但係…」
「靜宜,父母仔女邊有隔夜仇架!點唔啱都係一家人,屋企人要好好珍惜架!唔好好似我咁,依家我想同我阿爸坐低食餐飯都唔得啊!」
我見呂靜宜在發呆,拖住她的手,道:「跟我嚟啦!」
春泥
2017-11-11 01:35:03
我們回到客廳,客廳的燈光已經被關掉,取而代之是由蛋糕上的十六支蠟燭照亮了客廳。
Humphrey鼓著掌帶頭唱出生日歌:「Happy Birthday To You…」
呂世伯與呂伯母亦唱和道:「Happy Birthday To You. Happy Birthday To靜宜,Happy Birthday To You。」
生日歌唱畢,呂世伯道:「靜宜,啱啱搭正十二點,祝妳十六歲生日快樂。」
呂伯母道:「靜宜,快啲埋嚟許願吹蠟燭啦!」
呂靜宜臉上爬滿了淚水,她上前擁著呂伯母,哽咽道:「對唔住啊!媽咪。」
呂伯母撫著呂靜宜的頭,安慰道:「傻女嚟嘅!」
呂靜宜離開了呂伯母的懷抱,轉向擁著呂世伯,哽咽道:「對唔住啊!爹地。」
呂世伯拍了拍呂靜宜的肩膀,安慰道:「又大一歲喇!唔好喊喇!」
Humphrey亦上前擁著他們三人。
我見桌上放了一部相機,拿起來,拍下這一刻。
閃光燈一閃,呂靜宜驚呼道:「唔好影啊!」
Humphrey亦抱怨道:「等我地擺好晒POSE再影一張啊!」
我道:「無問題,影幾多張都得。」
一張又一張照片拍下,呂靜宜愁容斂去,臉上重現了笑靨。
蛋糕吃過後,我道:「呂世伯,呂伯母,我可唔可以帶呂靜宜去玩啊?」
呂伯母愕然道:「吓!依家?不如聽日先啦!」
呂世伯道:「難得個女生日,我地唔好咁唔通氣啦!你地玩得開心啲啦!」
「多謝你啊!呂世伯,你地放心,我聽晚會送靜宜返嚟架!」
我向呂靜宜伸出手,道:「我地依家行喇!」
呂靜宜握著我的手,向呂世伯等人揮手道別。
(待續)
春泥
2017-11-11 01:37:03
唉 都係想送我走姐
唔使咁苦惱喎春巴
你都講到咁我自己走囉
保羅泊架巴
2017-11-11 01:42:52
等到
我師傅係巴菲特
2017-11-11 01:43:02
咁晚,就去國寶到過一晚啦
保羅泊架巴
2017-11-11 01:44:53
好好地說服佢
等佢番黎
再唔係用兩年學好英文再過去讀大學
我師傅係巴菲特
2017-11-11 01:45:06
食飯痾屎
2017-11-11 01:51:49
啪啪啪
保羅泊架巴
2017-11-11 01:53:36
啪就唔洗喇
留個美好回憶
唔知仲有無機會見⋯
自斷雙腳
2017-11-11 03:40:07
有點sad feel,送條女去外國讀書...
含住粒糖過世
2017-11-11 07:25:21
啪就唔洗喇
留個美好回憶
唔知仲有無機會見⋯
應該呢部都冇了