孖腸朱斌仔一行人離開了警署,孖腸憤然道:「斌仔,你係咪當大佬嘅說話耳邊風啊?我一早叫咗你唔好搞嗰個靚仔,你係都唔聽。」
朱斌仔對剛才發生的事仍舊忿忿不平,他道:「大佬,係條靚仔玩串先,佢喺我地頭插旗,我唔做野,啲細嘅點睇我啊?仲有條靚仔當住啲細嘅面前郁我,我都要面架!大佬。」
孖腸怒叱道:「淨係你要面,我唔駛要,出面啲人笑我,啲靚唔聽我講,笑我唔識教啲細佬啊!」
「阿大,條傻仔玩咗我幾鑊,我條氣點都唔順架喇!你唔撐我,都唔好阻我。」
朱斌仔這句說話惹得孖腸大怒,他打了朱斌仔一拳,孖腸再想上前追打的時候,其他人見狀立時阻止,勸阻道:「孖腸哥,冷靜啲啊!」
臉頰中拳的朱斌仔一臉茫然,孖腸一向很器重自己,從未打過自己,但現在居然在眾多同門面前出手。
被眾人阻止的孖腸向朱斌仔指罵道:「依家你係大佬定我係大佬啊?我頭先先同人講和,你依家同我講唔會就咁算,咁以後仲邊有人聽我講啊!我以後唔駛出嚟行啦!你同我記住,我先係你大佬,我捧得你起,就撳得你低啊!」
同門勸道:「大佬,斌仔火遮眼,頭先講野先會無分寸嘖!斌仔快啲同阿大道歉啦!」
孖腸冷哼一聲拂袖離去,留下了朱斌仔。
湯仲謀沒有跟隨孖腸等人離去,他拍了拍朱斌仔的肩膀道:「點啊!孖腸哥嗰一拳你頂得住啊?」
朱斌仔餘怒未消,道:「阿湯,安慰說話唔駛講喇!」
「好,安慰說話你唔想聽,聽下的啲實際說話喇!」
「你想講咩啊?」
「你頭先咁樣頂完佢,佢唔會再睇你喇!」
朱斌仔聞言為之一慄,他瞪向湯仲謀,湯仲謀道:「你跟咗孖腸咁耐,應該知道我依番說話唔係吹水。」
朱斌仔一臉無奈地嘆道:「咁都無計架!佢係大佬,佢話點咪點囉!」
「每次打交你就行最前,佢叫你做野,你永遠無托手踭,佢拉你落嚟畀第二個上位你甘心咩?」
「唔甘心又點啊?」
湯仲謀壓低聲音道:「取而代之。」
朱斌仔聞言為之一顫,湯仲謀續道:「依家蛀牙哥忙住應酬班司警,成個社團笠笠亂,你頂咗孖腸個位,都唔會有人出聲啦!」
湯仲謀的說話不斷衝擊著朱斌仔,朱斌仔陷入天人交戰,額上佈滿冷汗,片晌,他搖頭道:「阿湯,我當無聽過你依番說話,佢始終都係我大佬。」
「依啲野你自己決定啦!人呢?要識得為自己著想,嚟緊依段日子,我都係喺出面多架喇!你自己睇路喇!」
朱斌仔沒有接受湯仲謀的提議,並不是他對孖腸特別忠誠,而是他害怕反抗孖腸失敗,那麼他便犯下了欺師滅祖的罪名,這會被社團執行家法,另外他還抱有一絲希望,孖腸會惦記他之前的功勞。
(待續)
唔知會唔會有外傳,講下成皇志老豆喺監獄入面遇到嘅事
其實點解一拳會唔夠料告?普通襲擊咪得,有曬證人
其實點解一拳會唔夠料告?普通襲擊咪得,有曬證人
有錢佬就得
依啲野差佬叫你和解算
仲話老差骨🤦🏻♂️
其實點解一拳會唔夠料告?普通襲擊咪得,有曬證人
有錢佬就得
依啲野差佬叫你和解算