191 Like
9 Dislike
春泥
2017-10-13 00:04:44
自強會結集了抱有各種不同想法的會員,有些把自強會當成黑社會的其中一個字頭、有的把自強會當成接觸異性的平台、亦有些純粹為了陪朋友而來,為了全面照顧到各種會員的需要,只是提供功課輔導與長跑練習並不足夠,於是我為會員帶來了一個習武訓練。
說起這個習武訓練,為什麼我會有這念頭呢?事緣是一次我無意中從阿興和榮仔口中得知,他倆跟隨林玄德的手下阿益學拳,那個阿益是一名武痴,主力修練西洋拳、泰拳、跆拳道,對巴西柔術、中國的形意拳、菲律賓魔杖亦有涉獵,真可謂十八般武藝俱全,他在荃灣大坡坊的唐樓設有武館,教授人們打拳。
那個阿益是林玄德的人,本來我是不想與他往來,但阿興與榮仔與他關係友好,他又常說爸爸在獄這段時間,要看顧我們兩兄弟,我見他性格憨厚率直,便沒有初時那麼抗拒。
上了阿益的武館兩次,眼見佑大的武館,只有兩人在練習,向他問起才得知,現在加上阿興與榮仔,只有五人來他這裡學拳,幸好這裡是林玄德的自置物業,他不用交租,否則不知怎去維持武館的開支。
聽那個阿益的說法,看來他的武藝一流,但經營手法並不入流。
我見他這裡人流稀少,便問他可不可以帶一些同學來學拳,我老實向他表明那些學生是付不起錢的。
阿益聞言爽快地一口答應,他說:「間武館無人嚟都係無錢收架啦!你叫你啲同學嚟啦!當搞旺個場都好。」
就是這樣,我便在自強會內向其他會員提出這個消息。
春泥
2017-10-13 00:04:55
呂靜宜訝異道:「打拳?但係你點同李老師交代啊?之前學姐都講過舞獅學會最後都變咗飛行棋學會嘅事例啦!」
我打了一個OK手勢,道:「放心,依方面我識得點同李老師講架喇!佢唔會反對架!」
我到了教員室找李老師,李老師一臉神采奕奕,道:「成皇志,你嚟得啱喇!我都想搵你。」
「咩事啊?李老師。」
「我聽你嘅說話,搵咗關於古代黑社會嘅資料,好似天地會、紅花會、洪門、青幫咁,下次我就可以同其他同學分享依方面嘅知識。」
我點頭道:「嗯!關於宏揚中華文化,我都有新嘅idea,之前我講過以一個新穎嘅活動教學嘅模式去畀同學了解下中華文化嘅?李老師,學習傳統嘅中國武術都係文化傳承嘅一種嚟嗰?」
李老師詫異道:「學武?」
我從李老師的反應,嗅出他生出了警覺,立時道:「都係啲類似太極、華佗五禽戲依啲強身建體嘅健身操嘖!」
形意拳與五禽戲都是模仿動物的動作,所以我覺得我並不算在說謊。
在我粹集了民族大意、什麼中國人是最講究和平,但亦要抱有防人之心不可無的想法等等說話,李老師最後亦同意了我的建議。
自強會推出了習武訓練,同學的反應亦算踴躍,有將近二十名同學報名參加。
當自強會漸漸向好的時候,麻煩事卻在靜靜蘊釀。
樓主擁躉
2017-10-13 00:26:03
成日撚李老師
鐵塊
2017-10-13 00:48:25
李sir單純到有啲超現實
![](https://cdn.lihkg.com/assets/faces/normal/sosad.gif)
春泥
2017-10-13 00:58:50
8座裡其中一個相連地鋪,朱斌仔翹起二郎腿邊抽菸邊審核手下的「業績」,當他聽到一名叫朱腸粉的手下回報業績時,不禁皺著眉,道:「朱腸粉,點解你成個月都收唔到靚啊?」
朱腸粉羞赧道:「大佬,唔係我唔想收靚啊?而係啲人話你OUT咗喇!成皇志先係吳林紫娣嘅大阿哥啊!」
朱斌仔怒叱道:「仆你個街,你講咩啊?」
朱腸粉囁嚅道:「大佬,依句說話唔係我講架!係人地講架!成皇志嗰個咩自強會一成立,已經收咗五十人,依家啲人寧願加入自強會,都唔加入我地數字幫啊!」
在旁的湯仲謀咬著飲管,冷哼了一聲,道:「嗰個死KAI子,依家都學人插旗收靚?斌仔,依家成皇志踩到上你心口喎!你唔係就咁算啊?」
朱腸粉臉色一紅,氣得發顫,但未幾便一臉頹然,搖了搖頭道:「唉,咁有咩辦法嘖!孖腸哥,講到明唔可以主動搞嗰個成皇志。」
湯仲謀訝道:「孖腸哥同成皇志有親啊?仲咩咁攬佢嘅?」
「孖腸哥唔係同成皇志有親,同孖腸哥有親嗰個係杏仁幫林玄德,孖腸哥做細嗰陣差啲畀人打斷對腳,喺林玄德幫佢擺平,依家林玄德要孖腸哥唔好搞成皇志,當還返個人情。」
「哦!原來有段咁嘅故。」
「係呢!阿湯,話時話,嗰個林玄德同你都有啲冤緣,你死鬼伯爺湯文臺同林玄德本來係同門。」
湯仲謀面色一沉,道:「唔好講喇!」
「OK,OK,你老哥唔鍾意咪唔好講囉!」
「斌仔,你係咪想對付成皇志?」
朱斌仔聞言喜道:「阿湯,你有計?」
湯仲謀反問道:「如果你同成皇志兩個隻揪,你覺得邊個贏啊?」
「唔好玩啦!阿湯,依一頭出名好抽嘅拳佬都同我打平手咋!嗰個成皇志,我一分鐘收佢皮啦!」
「咁就得喇!你光明正大向佢落戰書,要同佢公平公正單對單打一場,到時孖腸哥問起,你咪話成皇志撩你隻揪先囉!我地幾個實幫你口架!江湖規矩一打一,孖腸哥都唔可以講啲咩。」
朱斌仔點頭,道:「的確,咁樣做都係一個方法,但如果成皇志拒絕呢?」
湯仲謀搖頭道:「唔會嘅!佢嗰個自強會新成立,係威係勢,佢淆底嘅話,個朵臭晒架喇!」
朱斌仔喜道:「阿湯,好計喎!真係無得輸,條友打又死,唔打又死,我就希望佢唔好淆底,畀我打鑊金。」
湯仲謀拿起了罐裝可樂,遮掩了臉上的笑意。
(待續)
純純女仔
2017-10-13 01:15:43
準備入戲肉了嗎
![](https://cdn.lihkg.com/assets/faces/normal/love.gif)
游大輝
2017-10-13 01:17:33
留名等睇朱斌仔仆街
![](https://cdn.lihkg.com/assets/faces/normal/biggrin.gif)
哈爾移動吾到
2017-10-13 01:18:04
想要多啲
![](https://cdn.lihkg.com/assets/faces/normal/cry.gif)
飛𨋢扭屎忽
2017-10-13 01:39:52
唔好打呀
![](https://cdn.lihkg.com/assets/faces/normal/devil.gif)
食飯痾屎
2017-10-13 02:19:55
曹星志
Patone
2017-10-13 08:50:55
朱閪死撚緊啦,大鳩志而家有練開野架麻
安靜茹水
2017-10-13 09:20:18
打mma!
隻秋 要打規矩
春泥
2017-10-13 10:39:22
春巴加油
故事一週年快樂
我好似由你係度第一個po已經開始追到而家
我永遠都記得我係芬蘭搭緊火車 睇到魯樹安呢個名 笑到我個frd都醒埋
多謝
絲打你就好
可以成日去旅行
春泥
2017-10-13 10:39:39
春巴 支持你阿![](https://cdn.lihkg.com/assets/faces/normal/good.gif)
多謝
春泥
2017-10-13 10:40:19
我都係由最開頭追到依家既![](https://cdn.lihkg.com/assets/faces/normal/hoho.gif)
原來咁多讀者係高登過來
春泥
2017-10-13 10:41:44
由高登追到過嚟![](https://cdn.lihkg.com/assets/faces/normal/agree.gif)
你就未出返文
不過我都開始步入倦怠期
之前每日二三千字
依家一半都無
![](https://cdn.lihkg.com/assets/faces/normal/frown.gif)
春泥
2017-10-13 10:42:21
第一個po 追到而家
果陣仲擔心樓主唔轉黎連登![](https://cdn.lihkg.com/assets/faces/normal/sosad.gif)
個account 好難搞
好彩最後有朋友幫我
春泥
2017-10-13 10:43:31
記得個故係上年九月尾定十月頭開始寫
原來已經一年![](https://cdn.lihkg.com/assets/faces/normal/oh.gif)
而我由一開始追到依加。。。
真係?
我之前個故晌高登到出
嗰陣都未有連登
舊登追到過嚟 ![](https://cdn.lihkg.com/assets/faces/normal/bye.gif)
爸打晌高登都係依個名
春泥
2017-10-13 10:44:45
今年4/5月開始追![](https://cdn.lihkg.com/assets/faces/normal/agree.gif)
四五月好似都未寫到琛琛出嚟
打機叫埋我
2017-10-13 10:44:54
留名