191 Like
9 Dislike
春泥
2017-11-06 23:59:12
距離呂靜宜十六歲生日的日子還餘下兩天,這幾天我覺得呂靜宜變得有點靜,感覺就像回到初相識的時光裡,那個長髮飄逸、恬靜淡雅,散發著知性文青氣質的女孩。
我們默默地牽著手走到了城門谷公園,我們在這裡經歷了很多事情。
我打破沈默道:「先前我仲話花卉展完咗會無咁忙,但係點知要成立自強會,嚟緊仲要應付期終試,睇嚟要暑假先可以得閒啲。」
呂靜宜嗯了一聲,然後一臉凝重道:「成皇志,我有啲野想同你講啊!」
我笑道:「咦咦!乜咁啱啊!我都有啲野想同妳講喎!咁妳講先定我講先啊?」
「咁,你講先啦!」
我打開書包,從內裡掏出一份禮物出來,交給呂靜宜,道:「係咁嘅!原本我打算等妳生日嗰日先送畀妳,但係我覺得依份生日禮物,要由我同妳一齊去完成。」
呂靜宜接過禮物,詫異道:「你同我一齊完成?」
我點頭道:「係啊!妳拆開嚟睇下。」
呂靜宜拆開了禮物包裝,打開了紙盒,看到盒內的物件,道:「MD機?」
我拿起了耳筒,示意道:「唔你咁簡單架!妳聽下先。」
春泥
2017-11-06 23:59:25
呂靜宜帶上了耳筒,她聽了一會,那是一段以結他彈奏的純音樂,她覺得有點耳熟,好像曾經在那裡聽過,瞥眼一看還發現紙盒內藏一張紙,撿起來看,紙上寫滿密密麻麻的歌詞。
呂靜宜唸著紙上的歌詞:「我聽見雨滴 落在青青草地我聽見遠方 下課鐘聲響起
可是我沒有聽見你的聲音 認真呼喚我姓名~」
呂靜宜愕然地道:「係你之前作嘅…小幸運?」
這是來自2015年台灣女子天團HER的成員HILARY的作品,之前呂靜宜說很喜歡這首歌,那麼我便借花敬佛送給呂靜宜,橫豎把別人的作品當作自己的手筆,我也不是第一次,我只好對不起HILARY及她們的創作團體了,剽竊了她們的未來作品。
我微微點著頭,嗯了一聲,道:「我音樂造詣唔夠,錄咗好多次,段純音樂都彈得唔係咁流暢,不過唔緊要喔!妳唱得好咪得囉!正所謂瑕不掩瑜喔嘛!」
呂靜宜瞧著我,眼眶變得濕潤,一顆淚珠滑過她的臉頰。
我一臉錯愕,問道:「咩事啊!呂靜宜?」
呂靜宜擁著我,沒有回答我的問題,只顧著哭泣,我只好撫著她的背,安慰道:「發生咗啲咩事啊?妳同我講喔!」
春泥
2017-11-06 23:59:44
過了一會,呂靜宜才抽抽噎噎地道:「成皇志,我…可能…要去英國。」
呂靜宜的說話讓我感到晴天霹靂,腦海頓時變得一片空白。
良久,我們的情緒才逐漸平復過來,呂靜宜向我道出了整件事的來龍去脈。
我聽畢還未反應過來,呂靜宜倏地道:「成皇志,我有個想法啊!」
「吓!咩想法啊?」
呂靜宜化悲為喜,她握著我的手道:「成皇志,不如你都同我去英國喔?你音樂天份唔比我差,我地去到嗰邊一齊進修音樂,咁我地又可以繼續見面,又可以實現夢想,學費同生活費,我可以問爹地借,佢咁錫我,一定肯架!」
儘管我真的不想與呂靜宜分開,但我並不認為呂靜宜這個方法可行。
呂靜宜一臉期盼地瞧著我,我搖了搖頭道:「其實我音樂天份唔高,而且去英國進修音樂唔係我嘅夢想,我對音樂無咁嘅熱誠,依方面無得勉強,我無咁嘅天份,點去努力都係一事無成架!」
呂靜宜激動地道:「你明明就好有天份,點解你成日要睇低自己嘖?你作嘅歌,連植爺都自愧不如。」
我有口難言,踟躕道:「其實我…」
呂靜宜瞧著我,問道:「成皇志,你愛唔愛我?可唔可以為咗我,同我一齊去英國啊?」
當初可能我對呂靜宜只是有著微微的情愫,但我們一同經歷了這麼多風雨後,當她剛才告知我要去英國的剎那,我真的很慌亂,我真的不想失去她。
我瞧著呂靜宜,道:「我…愛啊,但係我唔能夠放低晒所有野同妳過去,我爸爸坐緊監,阿興仲咁細過,仲有我阿媽、榮仔呢?我肩負緊很多責任同感情,依啲係我割捨唔到架!」
呂靜宜緊抿著唇,點頭道:「我都愛你,為咗你我可以留低,唔去英國架!」
呂靜宜擁著我,我被她的說話感動,她可以為了我甘願放棄這個難得的機會。
(待續)
食飯痾屎
2017-11-07 00:09:48
送走靜宜啦
1984_in_HK
2017-11-07 00:24:27
Patone
2017-11-07 00:40:00
放走佢啦, 唔可以咁自私
純純女仔
2017-11-07 00:57:58
我想繼續睇佢地既愛情故事
UncleJoe
2017-11-07 01:05:40
好感動呀
保羅泊架巴
2017-11-07 01:31:16
游大輝
2017-11-07 02:14:42
送走佢啦,咁對大家都好
ANGEL方家
2017-11-07 04:56:24
走緊
花心糖膠
2017-11-07 06:51:33
長篇故,送走佢,過幾年返來咪又有劇情
utility
2017-11-07 07:41:00
推~
Redbull當水飲
2017-11-07 07:53:48
Daily push
香港要獨立
2017-11-07 09:31:31
player_1
2017-11-07 11:35:43
相信成皇志會理性克服
.
.
.
.
.
.
.
跟住就同布甸開條line
呂靜宜
2017-11-07 13:00:59
係時候到我啦 志志我黎啦
其他女主呢 去左邊
企埋一二邊啦你
房侍農
2017-11-07 13:15:36
送走左先,臨走要留回憶
跟手布甸接手
幾年後返黎又玩過
鐵塊
2017-11-07 17:41:26
放佢走啦
羽琴
2017-11-07 19:33:44
今晚打左 但係好攰
聽日出 早抖