[少年監獄] 感受沙咀 八

繼續為肥衡打氣

我再次，放下以為自己已經重拾的尊嚴..
我跪碎了我的自尊.

由於無得用餐具, 我只有跪在地上,頭和上身捂前地吞食眼前地下的白飯..

咁大個仔, 第一次用這樣的方式食飯..好委屈..

由下以上,仰視人的視角

顯眼地趴在皇帝路上,成為被眾人恥笑的卑微..

就如過街老鼠, 就像一隻被拋棄的野狗

雖然我知道沒有, 但我總覺得附近的人都在嘲笑我, 標籤我

這個狗飯,食下食下,竟然食出了自卑的味道..

只是這些.我都還勉強忍到..因為尊嚴什麼的, 我一早便沒有了

但我覺得最巴的, 是我只可以眼睜睜看著自己的乖仔形象崩壞,而我什麼都做唔到

羅sir入來了飯堂.

肥衡好慘 完全唔明佢做乜嬲到咁

羅sir好快地望到我.然後微微一怔.

「咦..? 肥衡? 做咩食狗飯既? 衰左嘢啊?」
羅sir疑問道

「Sorry sir..」
我亦只能委屈回應這句.

「誒羅sir? ...無, 唔好睇小佢呢個學童啊,其實佢都幾大膽嫁,係我教新人既時候笑我, 笑阿sir我啊, 所以咪比狗飯佢嘆下咯」

「噢..」

「Sorry sir..」
我舉起手回應..雖然心有不甘, 但亦無機會,場面俾我解釋..我只能低下頭迴避兩位阿sir的眼神..我更怕羅sir誤會埋我一份, 對我失望.

這種讓人對自己失望的感覺,太絕望了..

羅sir聽完君實sir番說話, 亦無多說,望多了我一眼便返去J那邊.

而我既心情已經跌到低谷...但係

頂住...頂住..唔好喊..

呢到都撐唔到既..之後點捱?

lm

肥衡

隨後,好不容易捱完餐飯..終於到張sir來接我們洗衣更

只是,昨晚志豪說的話,果然是真的

張sir同君實sir好Friend

所以自然地,回到洗衣後,張sir亦找了我一番數

用那塊洗衣獨有既厚板,狠狠找我一鑊..

雙手通紅後, 張sir更拋來狠話

「衰左就衰左, 你知嫁啦, 成個洗衣比你影衰曬, 你今朝唔使做嘢, 宜家出去出面, 做果個掌上壓預備動作, 出去!」

「Ye.Yes sir.」
我被張sir一腳伸出洗衣房, 開始在門外開始hold住個動作

睇左咁耐第一次留言，睇到心都酸埋

「走漏眼睇錯人咯，原來佢都係閪sir一個 。」

個預備動作其實就係腳掌手掌掂地撐住自己, 然後將個屎忽頂向天,
個人就好似呈"乀"字形般.

動作雖然不算太辛苦, 操了三個月的我尚且頂到呢個動作

只是做呢個動作既位置, 是經常多人經過的洗衣房門口...

就好似古時午時抄斬的犯人的遊街示眾一般..讓你面子盡失,放棄生存

那天, 經過的每個阿sir無不對我意外, 踩我既又有,過黎安慰我幾句既都有..

但其中,柏強sir的那番說話,最令我深刻

柏強sir本身係中班阿sir的一員, 如果張sir放假或者有事的話, 通常柏強sir就會暫代洗衣.

而且佢十分搞笑, 中意同我地笑下玩下之餘, 又對我地好好.所以我地都好中意佢帶洗衣

「哇你做咩嘢啊衡仔? 衰左嘢咩?」
中班的柏強sir路過問我

「Yes sir...」我撐著自己回應他

「咁慘啊? 衰比邊個啊?」柏強sir關心地問

「同sir報..君實sir..」

「哇..君實sir咁好人都衰到比佢? 點衰嫁??.」

我細細解釋一番後

「唉..咁你又係ON9既, 無端端笑乜鳩啊..同我講笑就話姐, 返到去大棚就認真啲啊嘛..咁使唔使我幫你求一求情啊?」

「Thank sir..!」柏強sir你肯幫我求情就最好啦!

「哎呀 ! 但係我又唔係同君實sir好friend咋喎..」

屌..又玩我..

留名

「哈哈,講笑姐,你就即刻呆左啦衰仔. 無諗過笑一笑都會衰呢? 人生就係咁嫁啦.邊有得你估啊~哈哈哈」

「Yes sir..」唉..的確啊..

「咁你宜家呢? 有無諗通自己到底衰乜啊 ? 唔係認完錯,找完數就算嫁喎, 諗唔諗到個原因啊? 」

誒? 我反而不解了
「Yes sir..就係因為我笑君實sir..」

「唔係講呢樣啊, 係講點解果一刻你會笑, 總係有啲嘢,搞到你果刻在意然後笑嫁,咁到底係咩啊? 諗到無?」

「......Sorry sir」仲有原因 ? ! 呃....

「未諗到啊? 嗯..咁係到一邊踎一邊諗啦...錯唔緊要嫁..最緊要,唔好一錯再錯啊..傻仔」

說罷,柏強sir向大棚那邊走了

徐柏强?
https://youtu.be/fhFQh83i5tA

又再次剩下我一個在門外,對著空曠的戶外, 頂著屎忽, 忍受太陽.

陽光開始讓地面變得熾熱,我的手掌都開始感覺到溫度..

之後來的偉sir, 虎sir, 或者經過的子藍sir, 都對我既懲罰感到少少意外..

只是他們都沒有多說什麼...似乎,我在他們心中并不重要

張sir偶爾會出來,屌我幾句然後再返入去

反而在窗邊燙衫的阿大,卻和我說得最多話

最多鬧我既說話

「阿大..」
我望到窗邊的阿大.說

「做乜啊? 你踎好啲啦.仲嫌衰唔夠啊?」
阿大一改平時的好聲好氣,對我惡了起來.

我知咩回事..琴晚搏衰左佢地..我都過意不去.
「Sorry啊..阿大..我真係唔係有心..」

我順著姿勢,低下頭...琴晚確實係我唔啱..我都好內疚..

「Sorry sir 大曬咩! 你搞到君實sir佢咁嬲, 之後既右班生活都被你搞鑊曬啦,仲要難得戈sir放假, 你都要搞到咁既大頭佛出黎,哎屌 ! 」

「......sorry.」

「得啦你, 咪撚再講啦你, 你做好啲好過啦學童...宜家大棚一定俾君實sir操到仆街啦, 你又唔係唔撚知, 呢到既阿sir有火既, 就會搵我地黎出火嫁啦, 你係要搞到咁, 你話你係唔係累事玩搏衰呢?」

「......」
嗯..我知..所以我都好後悔..

我低下頭..俾汗水經額頭滴在地上.

眼前已有一大片的水跡

呢個動作,我已經差唔多Hold左四個鐘.

我開始漸覺不支...腦袋開始充血得難受...

幸好,這時亦是差不多接更.

回到飯堂後,我亦自動自覺回到狗飯的位置,
只用嘴巴進食, 繼續毫無尊嚴地承受惡果

期間當然俾君實sir潤左幾句...心亦漸覺疲累, 壓力龐大.

啊好巴..真係好巴..

好彩..接更了.

因為平時我覺得麻煩既左右更制度, 此時卻可以讓我緩一緩氣.

右更和左更的牌頭更有不同, 但其中都有個幾盞鬼既牌頭

就係如果係右班衰左, 去到左班可以當無事發生, 因為兩班的阿sir並不是同一個做法.

所以如果衰左,要找數又好, 懲罰又好, 但唔會延續落去第二班(除非兩班都衰曬,又或者衰得好大單啦)

於是..同朱sir報左我衰嘢之後. 我又可以恢復正常二年班既身份,在左班混下去

回到洗衣, 張sir亦終於無咁嬲了

我有得返番入去洗衣做嘢, 期間我當然不斷搵其他洗衣的人道歉...

「琴晚..對唔住...我搏衰左你地...」

「噢..無事既..你都唔係有心既...無事既, 無事既.」
其他人都表示並不在意..紛紛都原諒我...

但我反而更內疚了..窩心的眼淚真係好難忍住.

「無下次...真係無下次..」
我抹走眼淚,繼續回去燙衫.

之後的下午, 一如既往地平靜..朱sir帶的日子就是輕鬆...

回到大棚後, 我總算有機會可以除鞋望一望隻腳.

哇..啲血絲浮曬係表面..
我皺著眉擔心,但都只能聽天由命

夜晚討了些藥膏

再度回到倉內.

好累啊...

折磨了一天..果然夠曬巴..

咁先撐完一日...我仲要撐幾多日,先可以得到君實sir原諒呢..

哎...過多五日就開board了..怕且我既走期都要...

未來依然都係那麼絕望...我趴在地上, 回想今天我經歷的一切...

又狗飯..好撚痛既PE..當街羞辱我..想不到張sir都會咁巴呢..呢個雙面人..

睡意好快就襲擊了我
我的身心早已是斑斑駁駁.

迷迷糊糊地冚上被..
只是在最後, 我還在想柏強sir的那個問題..

我到底係衰啲咩呢⋯⋯

徐柏强?
https://youtu.be/fhFQh83i5tA

佢保安黎

係咁先