[少年監獄] 感受沙咀 八
為別人
1001 回覆
498 Like
24 Dislike
hS9て6SIhI'E
2017-09-08 17:31:34
樓主你好補個生日快樂先
岩岩睇到君實sir發火果度 有個位好在意希望你可以補充下
你苦笑比人見到果個位 其實如果只係嘴角上楊 噴一噴氣應該唔會比人見到就算見到都未必知你係笑
就算動作大小小發出埋嘰一聲都似係忍左一個乞痴敢 都好易解釋 相信係當時的環境 同埋你敢小心應該都唔會太大動作 仲要當時 君實同人講緊野
定係你真係哈一聲敢笑出來
我無咁醒目姐 而且都估唔到自己一個嘴角上揚可以搞到咁大反應 你講既果啲事後補鑊行動 都要係我知個後果先會做的吧
嘴角上揚都捉到 條友真係神眼豬老9 個嘴小小動作就認定係笑 都幾老屈 脣乾想用口水濕下唔比咩 唔一定係笑ka wo
我覺得係入面受緊
慣左日日軍訓式既操練
永遠得呀sir講 你只可以yes sir no sir sorry sir
當佢兇鳩你要你解釋 係真係會唔識解釋
可惜我是巨蟹座
2017-09-08 19:53:35
Kekkou
2017-09-08 21:30:16
樓主你好補個生日快樂先
岩岩睇到君實sir發火果度 有個位好在意希望你可以補充下
你苦笑比人見到果個位 其實如果只係嘴角上楊 噴一噴氣應該唔會比人見到就算見到都未必知你係笑
就算動作大小小發出埋嘰一聲都似係忍左一個乞痴敢 都好易解釋 相信係當時的環境 同埋你敢小心應該都唔會太大動作 仲要當時 君實同人講緊野
定係你真係哈一聲敢笑出來
我無咁醒目姐 而且都估唔到自己一個嘴角上揚可以搞到咁大反應 你講既果啲事後補鑊行動 都要係我知個後果先會做的吧
嘴角上揚都捉到 條友真係神眼豬老9 個嘴小小動作就認定係笑 都幾老屈 脣乾想用口水濕下唔比咩 唔一定係笑ka wo
我覺得係入面受緊
慣左日日軍訓式既操練
永遠得呀sir講 你只可以yes sir no sir sorry sir
當佢兇鳩你要你解釋 係真係會唔識解釋
No sir
年輪説
2017-09-09 00:12:15
文
我唔要聽到有聲
2017-09-09 00:14:03
榮眼訓
可唔可以早啲出
我唔要聽到有聲
2017-09-09 00:14:14
好眼訓 可唔可以早啲出
咖啡因眼淚
2017-09-09 00:26:13
文呢???
虹を待つ人
2017-09-09 01:27:29
多謝各位 聽日一於出多啲
走數
為別人
2017-09-09 01:31:12
我手中渣住既，只是一罐普通的鞋油
其實，諸仔拋過來的只是一罐平時我地所有學童都用開的同一款鞋油，
這款印有“奇偉”二字的紅黑鞋油罐，是我們磨鞋的基石所在
「咩啊？ 呢罐咪係我地平時用開既奇偉鞋油咯，關咩事啊？」
「你聞吓」
「呃...咪又係果陣鞋油除...咦？！」
我聽言聞了聞罐鞋油既氣味， 確實這和我們平時用開的普通奇偉氣味唔同，好似多了一陣金屬氣味在內
「欸...？ 陣味咁怪既？ 你加左啲咩落去啊？」我蓋住了鼻孔，因為陣味聞耐左唔舒服
「嘿嘿..」諸仔得意地拎出了一支藍白條相間，呈放射形圖案的噴罐。
「呢支係..？」
為別人
2017-09-09 01:31:45
「省銅水啊..屌你真係乜都唔識既.」（省銅水， 金屬擦亮劑）
「喔喔！？ 即係個鞋油溝左呢支嘢，所以磨出黎既鞋就會咁令？」
「可以咁講既，易啲令咯，你今晚用呢罐試下就知嫁啦.」
「但係..點帶返去大棚啊？」我提出了個細節疑慮，因為運洗衣嘢出去本身就係個違規行為，如果比阿sir發現就真係..
不過諸仔已經計畫好曬
為別人
2017-09-09 01:32:28
「每日我地洗衣收工既時候咪都要抬個西，裝住聽日沖涼換既衫返去大棚既， 到時撈入去個堆衫入面咪得咯，跟住就去鞋油箱到，將自己本身舊個鞋油罐擦甩啲Number，丟去啲隔離廢鞋油堆到，再將個新既擺入去，搞掂。」
哇。。。咁大膽！？
「你已經試.....過啦？」
「係啊，好簡單咋嘛，你係既就依家寫個number上去，等陣收工我就撈入去啲衫到啦」
「呃。。但如果阿sir 突然check個西入面既衫呢？」我思索了一下，這個做法唯一的風險大概就係這下細節吧
Angela_Yuen
2017-09-09 01:43:33
沈默是甘
2017-09-09 01:55:31
加速
港女乳綠
2017-09-09 01:56:45
等得好苦啊
為別人
2017-09-09 01:57:19
「點會無端端check啊，你幾時見過啲阿sir咁得閒去理個西入面有其他嘢？」
呃。。。諗諗下，又真係好似無見過
況且我都想磨好自己對鞋
而我想磨好對鞋既原因，有兩個，一來係今朝比君實sir Check鞋果陣，慘敗收場，殺了不少手板
二來係三年班既身份，讓平時阿sir對我既要求提高左。開始會聽到啲類似“你三年班啦，體能又好，折毯又好， 都應該要好過二年班一年班”既說話， 雖然提高要求是合情合理，而體能折毯我都尚可應付
只是磨鞋這東西，不是只靠努力就可以做到的，磨左三個月，我最多都只不過係勉強達到鞋面可以照到自己既樣既層次，但都算是模糊不清，不合格
所以
為別人
2017-09-09 01:58:21
「好， 一於咁話。」於是我拎起一支marker寫上自己number係鞋油罐底
反正，夜晚的監倉生活我都開始覺得無聊了，不如鑽研下點磨鞋吧
就這樣，我們照著原定計畫進行運嘢，諸仔撈玩罐鞋油入去後，我們抬回大棚
然後阿sir真的如諸仔所料，沒有懷疑我們，大概阿sir們都無諗過士多的諸仔會有呢一招吧
夜晚回到倉後，我用住自己手中偷龍轉鳳得來的鞋油磨鞋。哈哈
總覺得，這方面的刺激真係幾新鮮。
專扑痴線佬
2017-09-09 02:09:52
經歷左咁多仲係只掛住走後門
為別人
2017-09-09 02:11:35
我不禁心諗，其實只要考慮充足，小心翼翼，做洗衣的我和諸仔，真的可以利用好多牌頭上既漏洞，同洗衣入面既資源，令自己三年班既生活變得更加輕鬆。而且有好多平時找開，但又無乜保證既細數，都可以運用這一點避免.
最有機會找這些細數既固定時段，分別係早上check毯，check鞋，每次食飯。
而每次check毯，我諗都應該無人可以保證到自己係唔使找數的吧，因為固定不換的毯席尚且可以應付，但每個星期都要換一次的睡衣和藍單，就不是那麼容易重新摺返好的，因為這些經常替換的衣物需要重新起骨再調整返。而且亦都好睇件衫既素質。
為別人
2017-09-09 02:13:18
只是，幸好的是我們S負責洗衣期，所以負責準備物資的士多--諸仔，每次都會將最靚既睡衣和藍單留俾S先
而我平時就鍾意將自己的手巾，趁水位洗衫既時候丟埋入去洗埋，再用燙斗燙乾，塊手巾就會又易折，又保持到白淨
又比如每晚都要用到的磨鞋布，其實都只不過係洗衣牌板將底衫車出一塊塊大細相若的碎布而當磨鞋用的。 所以每次出磨鞋布既時候，第一手拎到最靚既，永遠都係我地洗衣先
我亦知道水位既人經常係雜物房入面換自己出過汗既底衫，我亦都知道諸仔其實有兩對皮鞋替換，夜晚返倉一對，係洗衣做嘢一對...
想不到在嚴苛的環境內追求生活素質，竟然會如此有成就感
為別人
2017-09-09 02:14:40
第二日，我著上了鞋頭閃亮到PK既皮鞋出倉，這個沙咀仔先會妒忌的玩具，立即引來阿壯注意
「哇肥衡你,對鞋既鞋頭咁令既！？」阿壯說
「哈哈， 我勁咯」我自豪地說
「屌你啦， 一定係你琴日過返黎既鞋油有蠱惑，有好嘢唔係唔益我啊?」
「誒好啦好啦.」
雖然沙咀的確係管得嚴，但其實在洗衣期內，亦不是什麼甜頭都拿不到的，摸熟了牌頭和時機，我自然亦成為了偷雞的那群人。閒時燙軍裝之餘，我仲會幫大棚的武傑和阿壯帶啲甜頭回去，乜嘢高質磨鞋布阿，“改良型鞋油”阿，甚至新既手巾，牙刷等等等..
期數的身份,確實比左唔少好處我地洗衣
日子變得輕鬆了, 但時間, 卻也變得更慢了
為別人
2017-09-09 02:17:04
第二日，我著上了鞋頭閃亮到PK既皮鞋出倉，這個沙咀仔先會妒忌的玩具，立即引來阿壯注意
「哇肥衡你,對鞋既鞋頭咁令既！？」
「哈哈， 我勁咯」我自豪地說
「屌你啦， 一定係你琴日過返黎既鞋油有蠱惑，有好嘢唔係唔益我啊?」
「誒好啦好啦.」
雖然沙咀的確係管得嚴，但其實在洗衣期內，亦不是什麼甜頭都拿不到的，摸熟了牌頭和時機，我自然亦成為了偷雞的那群人。閒時燙軍裝之餘，我仲會幫大棚的武傑和阿壯帶啲甜頭回去，乜嘢高質磨鞋布阿，“改良型鞋油”阿，甚至新既手巾，牙刷等等等..而阿壯亦都會無視規矩，比如每個月一捲的廁紙亦都可以輕鬆問佢拎...
期數的身份,確實比左唔少好處我地洗衣
日子變得輕鬆了.
只是時間, 卻也變得更慢了
為別人
2017-09-09 02:21:04
無聊的時間開始充斥住日頭, 仿佛我地每個三年班都只不過在等出冊的那天一般.
什麼事都已經習慣, 曾經覺得好巴既日子, 宜家已經習以為常.
這時候亦開始有新人落山, 在幫他們準備物品, 用高年班的身份幫他們打數的時候, 我發現時間雖然真的在走, 但真的太慢了
不過我地都清楚, 這種平穩的日子, 才是我們最想要的. 我地都知道無找數,無責罵的一日是多麼的難得, 所以我地高年班依然有幫手"管"著低年班, 而且互相提點, 避免衰嘢
只是, 這裡的環境, 哪有怎麼易過, 如果一早知道自己會衰咩, 就唔會入到黎喇
升上三年班的那個星期, 果然又有意外
為別人
2017-09-09 02:21:52
「喂士多! 同我出黎 !!」
這熟悉般的虎嘯, 在我們洗衣內響起,一聽便知,這把聲音的主人很憤怒
這把聲音的主人, 誰也不想得罪
「Yes sir ~!」
諸仔一個應機, 隨即從士多房跑了出來, 然後在虎sir面前蹲下
「喂, 我凈係問你一個問題姐, 老實啲答我, 你有無幫黃偉建(Recall之一)換過條方巾 ? 」
我在旁食著花生, 但聽到這問題之後亦都面色一沉
幫人換嘢? 這的確會是諸仔會做的事...但果個Recall, 諸仔識佢咩? 有friend到?
為別人
2017-09-09 02:22:51
「Sorry sir ! 同sir 報 無 !」
見諸仔認得咁快,充滿決意, 那麼就應該是那個Recall的問題吧?
「無 !? 我俾多次機會你, 無 ?」
「Yes sir ! 同sir 無 !」
諸仔忍耐著虎sir撲來的氣勢, 仍舊堅持回答
「咁點解我個Recall既方巾會無端端變得新簇簇? 我望過黎, 一定唔係佢自己洗出黎, 嗱, 我就仲未撚審佢既, 但如果要我做嘢, 做完嘢之後發現原來你有份搞出黎既, 你就一定仆硬街 . 最後一次機會, 你到底有定無 ?」