[少年監獄] 感受沙咀 八

Thank you sir !!!
文呢

新仔終於開到ac 由一追到八架 恭喜巴打出書

同sir報 忠實讀者熊熊正評留名 希望快d有文睇 thank you sir 唔該同學

正皮左

仲未出文呀肥衡？拎隻手黎

一話出書就鳩作煽情位
自殺hi到個盒
d信跌出黎

其他部份都會重睇
呢part真係柒到唔敢重溫

世事既野 好多時真係咁岩得咁橋

我都話個故係虛構咯

依家出文啦 有無人？ 報數！

咁捲撚快唔出文嘅閪衡?好撚掛住J數呀?

咁撚快唔出文嘅閪衡?好撚掛住J數呀?

出啦快

醒了多少個早晨.我早已慣了被燈光刺醒的感覺

只是今日的醒, 帶了一份痛

由於每天早上醒左都要企起身然後等嗌good morning sir再解散開始摺毯的

但想不到連平常的動作, 我都覺得巴了

「啊..我屌..」
甫一站起,我就發覺腳掌異常疼痛,差啲支持唔住跌低

「good morning sir !」
「開始摺嘢.」

應付完後,我立即坐低檢查傷勢.

哇...果然.
就好似上次武傑找完板一樣, 我既雙腳腳掌都腫到發脹, 異常紅腫之餘,仲有些少變紫的血絲在外。

越睇我就越覺得恐怖,睇到我連自己都心痛自己. 輕輕一按,仲要立即痛入骨髓.

屌..今日仲要帶住咁既傷去大棚...唔撚係掛.

我開始害怕,因為日頭的生活差唔多個個地方都要用腳.

thank you sir

這意味著無論係PE定係日常既行進步操.我都要帶著痛腳去做,但我已經連企係起到都覺得好痛了.


慘了
我又覺得無奈了.我又覺得自己可憐了..

但唔係忍唔到啊嘛?

我琴晚諗通既嘢, 做既覺悟, 點可以咁快就放棄.

於是我忍著痛, 開始打理一切.小心腳, 開始摺嘢.

我總算知道那次武傑找完板的痛苦了

夠鐘之後,豐sir上黎C2草草check完後

「點嘛肥衡? 隻腳..哇! 咁腫啊...哎 不過都要忍嫁啦..琴晚我都同君實講左啲說話,不過都仲未下到啖火..所以唉...忍耐啲啦.」

「Thank you sir..」
我感激地說.
能聽到一個阿sir對我既關心,仲有幫我講好說話..我已經很感激了

接下來,是時候繼續承受君實sir的怒火

我學童今晚轉倉到8座sir good evening sir thankyou sir

我預備著鞋，唔係，應該話係塞自己隻入腳入去對PE鞋，發脹的腳甚至連著鞋都變得不方便
著好後，我深呼吸，然後企起身

腳下立即傳來劇痛

呃！.....











但我仲頂到，仲頂到。

我不斷試著調整腳掌受力位置，試下邊到痛啲，邊到無咁痛，然後避重就輕

只是，無論點樣移位都好。其實都係差唔多痛。

不過我忍到。我忍到

去PE堂之前，我地C2的人先落A1集合，當然君實sir亦在場。

搵好位企之後，我開始提心吊膽地，望著那個曾經熟悉溫柔的，但此刻卻害怕的“媽媽”

唔好縮了。唔好再顧面子了。

我鼓起勇氣舉起手，再次嘗試搵機會同君實sir解釋

集齊人既A1，氣氛凝重的室內，只有我一個舉起了手。

我呢下舉手就好似一個扳機，隨時一觸即發。

每個人都憋起氣，靜待接下來的變化，預備隨時嗌Sorry sir。

因為琴晚引出的怒火，太爆了

君實sir起初扮睇我唔到，望左我呢邊一眼後就坐左係張凳到就閉眼養神。

場面頓時陷入尬尷，我明白。。君實sir是故意要我出醜的。

而且舉了的手，若沒有阿sir叫放低的話，是不能自己放低的

所以我順勢繼續舉，舉到佢肯應我為止

然後空氣變得沈默，一直以來的經驗警告我，沈默的氣氛不是好事

終於，君實sir有反應

佢帶著些少怒氣和不耐煩問
「咩事啊？」

「good morning sir，同sir報請批准我學童有事搵君實sir，good morn...」

「唔搵啊！落手！」

「Sorry sir..」
雖然是預料中的反應，但我還是覺得痛心，被他人憎恨的感覺超難受，我高舉的手，真的不想放低。

「叫你落手啊，聽唔到咩？」
君實sir開始越鬧越大聲，大棚惶恐不安

「Thank you sir 唔該同學落手！ 」一些高年班開始施壓比我。

「 係唔係想攔炒啊？ 係唔係同我閪落去啊！？你地全部人都唔當我係你地IC嫁啦！？」

「Sorry sir ！ 」大棚回嗌。

這時,我亦落返手..再刺激君實sir的話，恐怕他會搞埋大棚，咁我就真係得不償失了

「全部死出去集隊！ 」

「Yes sir ！ 」

Lived

「Yes sir ！ 」



來到PE堂，
「欸 君實sir，做乜咁大火氣既？ 邊個衰仔激嬲你啊？」
紅sir到場後問了問

「呵，我邊有嬲啊，只不過我返左咁耐工，都係第一次俾學童笑咋。」

「哇，咁大膽笑阿sir？ 邊個仆街啊？ 」

「Sorry sir..」
我舉起手，認係我

「吓？ 肥衡笑你？唔係掛？ 」
紅sir望向了我這邊問。

「走漏眼睇錯人咯，原來佢都係閪人一個。」

「Sorry sir...」我倍感委屈.啊啊... 個誤會真係好深

「咩唔係啊？你琴晚笑得好得戚㗎 ！你笑多啲啊 !唔好唔記得陣間既狗飯啊 !」

「Sorry sir...」

等君實sir他們走後，到紅sir過來「肥閪你搞咩啊？君實sir佢好少咁大火氣嫁wor」

「Sorry sir.」一言難盡..

「找左數啦嘛？ 咁找左數，平時PE我都睇得出你努力既.咁我呢邊就唔搞你啦， 你自己搵辦法同返君實sir道歉啦..唉真係..」

「Yes sir， Thank you sir」
我感激道...好彩聽落紅sir都唔信我係啲咁差既人.

「好啦，兩組四聲掌上壓，Move！」

不用說，接下來劇烈的PE動作自然又係一番折磨。
但也只有忍住。縱使那些跑跑跳跳會讓我痛不欲生。

呢啲係代價。。呢啲係要君實sir原諒我既代價。。頂住。頂住

捱過後，我地操入飯堂，而我亦記得琴晚君實sir說的說話

狗飯

想不到我也有食狗飯的一天啊。。

live

想不到我也有食狗飯的一天。。

說來也是諷刺，因之前陳志成，羅子建，莊逆天衰的時候，都是經常被阿sir們罰狗飯的

那時候我由上而下，望住佢地既可憐樣，雖然在心中說不上對他們冷諷熱嘲，只是我都好衰地利用佢地黎告誡自己，我一定唔要食狗飯,我唔要變到好似他們一樣..我唔係佢地果類人

然後這刻, 是報應是靈驗了吧.

我照著之前睇佢地食狗飯既記憶...開始記起如何做狗.

先去到攞飯既窗口拎飯拎橙,跟住行返去兩邊的走廊處.

然後....趴低...開始手腳並用地移動..

我小心翼翼地雙膝落地, 像個狗一般四肢趴地,爬入長枱底下,再係另一邊出返黎

意思係,狗飯既開餐位係係長枱的窄邊,開揚的皇帝路上.

我望了望前面一樣被罰狗飯的莊逆天..心中真的不是滋味

我先用踎低既姿勢開始擺位(狗飯既擺位都係一樣, 只不過啲嘢係放係地上
), 然後君實sir開始檢查各枱擺位.

檢查完, 君實sir冷酷地說

「全部開飯, 狗飯既淨半飯.」

「Yes sir Thank you sir good morning sir thank you sir 」

我知道, 突然多出來的半飯要求也是針對我的...

難受開始疊加, 而且陸續有來..

開始食飯.