[少年監獄] 感受沙咀 八

原來真係照舊... 無文

家長日，家長日。。
這理應慶賀的日子， 我卻考慮著叫唔叫屋企人黎.

其實，每個人都應該會毫無猶豫地叫屋企人參加的

只是這裡山長水遠， 每次探訪時我都睇得出，返完工既阿爸阿媽佢地真係好攰，但因為他們太愛我，所以他們每次都會堅持黎探我。用曬一個月四次的探訪機會.

因此每次做仔既我探訪完，都覺得有些內疚，我唔係太想佢地舟車勞頓。話曬這裡是大嶼山， 曬三個鐘車程只為探訪我半個鐘，太辛苦了。

加上，家長日安排既日子真係十分微妙。

心中一算，那個日子正好是我下次見board後的兩個星期內。 如果我因為君實sir單嘢食一個星期檸檬的話， 家長日過後的幾日我便可以出返去，所以屋企人黎的話根本毫無意思，因為我之後都可以日日過家長日，而且話唔定我三年班表現得更好， 令阿sir們覺得我有改進，無檸檬食呢.

所以，還是讓他們兩老走少一趟吧

時間繼續推進，戈sir的大假差不多都要放完了， 我們S有見及此,於是開始認真起來生活， 在最後的幾日， 日日既步操同摺毯都好俾心機做，為的只是讓帶我們的阿sir在戈sir回來之後講些好說話， 話我地係戈sir放假的期間， 表現得還算可以，以免無端端秋後算賬，大找一餐

那麼, 都算是努力吧, 我們在最後的幾天真的打醒了十二分精神, 樣樣做到足, 步操步到盡..只是旁邊的J Team在這時,就不好受了...

那天的左班, J仔爆出了一單大嘢. 聽聞他們那邊有人衰過飯.

無錯, 係過飯, 係我經常會做既過飯

所以在左班的早上,J仔們已經被左班的大翼sir痛找了一鑊..當然我們洗衣見不到這一幕, 但中午接更的時候, 好戲便開始了

右班來了接更, J仔的全部肇事者一早已經食緊狗飯, 一半人被罰企係到食妹, 一半人落左地成為了狗, 場面十分壯觀.有幾可可以見到咁多隻狗？

只是接更後, 更慘的還在後面

右更的阿sir們陸續入黎.

君實....子倫...豐sir....李主任...羅sir, 音sir

兩位J team的阿sir一入飯堂, 臉色一變.

與大翼sir交接完後, 兩位阿sir面容僵硬, 黑面地坐在凳上.

Live

氣氛瞬間變得冰冷, 可怕.

那個時刻, 就好似發現了一個炸彈就黎在你面前爆炸, 而你咩都做唔到.

咩都做唔到.

就好似故意唔講嘢一般, 兩位阿sir的面容動作, 都在凳上停下...只是平常的揭文件，點煙，便足以讓J仔們膽戰心驚.

然後, 某個J仔終於忍唔住. 就好似驚得濟咁, 對著羅sir和音sir嗌了句

「Sorry sir」

只不過是一句平常講開的說話. 只不過是一句代表歉意的回應.

但這句sorry sir, 卻引爆了火藥

嘣 !

一下響到如落雷般的拍枱聲, 讓整個飯堂為之一震.
全部學童的心跳都被震停了幾秒, J仔那邊更是嚇得瞪目結舌.

「我屌你老母啊! 啊! ? 」
羅sir 一聲如雷怒罵, 包住無窮怒火, 直射向J仔那邊

「Sorry sir !」
全部J仔都大聲回應著這句, 因為這一句是唯一的求饒說話

「你地班仆街 ! 我放假一日都可以搞到咁! ? 屌你老母 ! !」

「Sorry sir !」

好少可，可以係咁近既距離見到羅sir的怒火, 原來羅sir嬲起上黎, 真係同戈sir有得揮, 仿佛一座睡火山一樣, 宜家J仔們將這個火山喚醒了

「再閪多啲啊! 你地班冚家剷再閪多啲啊 ! 全部咪撚食! 同我倒曬佢! 」

「Sorry sir !」

「牌板, 你平時食唔撚飽啊係唔係? 」
羅sir這時企了起身, 走去J那邊的狗飯第一位

「Sorry sir !」
我認得他, 他是J的牌板, 年齡雖然是J的年紀, 但身形卻生得結實大隻

只是, 生得大份都唔代表啲咩

羅sir拿起了J牌板面前未食完的綠豆妹, 一嘢連妹帶杯的車在他身上.

嘣 ,

J牌板隨即不支倒地, 但羅sir的飛腳接踵而來

「屌你老母臭閪 ! 有牌板唔好好做, 學人收數! ? 收低年班啲數! ? 我屌你老母個仆街啊! 你有無擺我地兩個阿sir在眼內啊! ? 收數! ? 你當呢到黑社會地方啊! ? 下! ? 仆你個街」

一路踢, 一路屌, 羅sir的踢腿越踢越大力, 而那位牌板同學的求饒sorry sir, 也隨著踢來的每一腳轉為哭腔

於心不忍的懲罰, 就在我身旁五米外的地方發生著..

每次遇到這些場面, 我都索性閉上眼.

因為我都好怕..好驚.

live

羅sir踢完那個收數的牌板, 氣喘地回到座位, 我望過去, 真的是氣到七情上面, 火到連面都紅埋...

這時,到音sir了

平時我眼中和藹和親的音sir, 現在就如修羅一般繃緊了面孔. 如一個帶著面具的死神

佢走去了那個收數牌板面前, 一巴車了過去


啪

啪一聲, 這大概係我目前聽得最大聲既巴掌

音sir講都唔講, 車完一巴又黎一巴

「Sorry」
啪

「Sorry 嗚」
啪

「嗚Sorry s」
啪

「啊嗚嗚Sorry sir 嗚嗚...」
啪

無言的憤怒, 取而代之的是一巴又一巴的怒摑.

摑到個牌板面都紅埋,而音sir的面色亦變得赤紅上面, 憤怒非常

最後, 佢扯起了牌板的頭髮, 車埋最後一巴然後話

「我睇錯你了, 今日開始, 你唔使再做牌板. 全部同我縮腳立正起! 倒完嘢之後同我躝 ! 躝啊! 你地班閪J !」

「Sorry sir !」

於是, J仔們就這樣躝走出了飯堂, 躝回了大棚,躝回了自己的C1

我洗衣的花生亦都食到這裡,到此為止.

而我也徹底地,看清了這裡的阿sir.
原來他們的好人面孔,是這麼的難得的..

下午工作完後, 回到大棚,我都仲見到J那邊的全部人仲被罰著找體能, 自從那日後, 我便再也不敢過飯了...J那次的過分,真的成了一個樣板, 讓我知道原來過飯被發現的後果.真的好恐怖



過多了幾日, 終於, 戈sir放完大假，要歸隊了

兩個星期的大假

無戈sir的日子, 右班的君實sir和子倫sir帶得真的算是舒服

所以如果可以的話,我們真的不想再見回戈sir呢

哈哈..

只是

沙咀有個牌頭, 就係當自己係正IC不在的期間, 如果衰左嘢或者有探訪的話, 都要同返個正IC報的, 換句話說, 在戈sir放大假的期間, 如果自己有衰嘢, 都要搵戈sir報

那麼, 久違的恐懼又來了

我到底應該點報呢...


.
.
.

係咪要停喇

「good afternoon sir !」

仍舊是那副金框黑超, 仍舊是那個圓碌碌的啤酒肚. 戈sir帶著容光煥發,威風凜凜的面孔,再次踏入飯堂, 接我地S的更

「嘿嘿, 掛唔掛住我啊 ？ 」
戈sir得意洋洋地坐在凳上問我們

「Yes sir !」
來吧，來面對吧 ！

又停？

無啦 聽晚打波 後日見啦

好想推返上400正評

無啦 聽晚打波 後日見啦

好想推返上400正評

後日？

躝即係用兔仔跳踎低個姿態行路?

無啦 聽晚打波 後日見啦

好想推返上400正評

已正評 又要等下篇

兩日後再入嚟