我個人睇法啦 我係認為設計要喺排除無敵幀戰技同增加無敵幀嘅道具嘅情況下 可以無傷避到每一招係基本
首先點解排除呢啲戰技同道具 係因為未必每個人都喺冇攻略嘅情況下執到 就算執到都未必用到(例如鮮血旋流呢啲綁定武器嘅戰技)所以唔應該喺設計招式嗰陣將呢啲嘢納入考慮範圍
至於點解要每一招都有辦法避到 咁係因為如果接受有避唔到嘅攻擊 以後嘅設計可能就唔止有一招避唔到 可以想像到當發展到每一招都避唔到嘅時候 就必然係一個有極大問題嘅設計 所以我認為設計嗰陣嘅其中一項底線應該包括 每一招都要可以避到