【重甜】【明就明 唔明就黎明】《XG快落》(2)

的確...雖然而家望住晴晴行咗入完本正常嘅學校裡面...但頭先確實有一秒...

係幻覺...又有幻覺...

我立即拎樽藥出嚟！食返粒先！

食完藥...飲返啖水...閉起雙眼深呼吸...閉起雙眼深呼吸...

冇事嘅...冇事嘅...幻覺嚟㗎姐～嚇我唔到嘅～

我睜返開雙眼...望望四周...再望清楚...

冇吖～咩事都冇啦～一切都正正常常吖～

有幻覺就食藥～食完藥就冇幻覺～

好～好！返工！

“吱！吱～”我都係以自動駕駛駛返公司。

盡量放鬆...放鬆～望吓出面～望吓條高速公路～望吓啲巨型貨車駛過～望吓啲超級跑車飛過～

冇幻覺～就好似從來都冇出現過幻覺一樣～

“吱～吱...”自動泊車系統泊返好架車之後，我都上返公司。

坐低做嘢...好似有啲呆呆滯滯...好似唔多集中...

其實冇乜必要咁集中...但唔知點解...我想嘗試集中做嘢...又集中唔到...

呆呆滯滯咁做...唔知做咗幾耐...好似做咗好耐...究竟坐咗喺度幾耐？

我望一望個鐘...啱啱先過咗...一個鐘...唔係！

個鐘原本係十點...一眨眼係點幾！

而且...頭先個鐘...又殘又舊...塊玻璃面仲要爛咗！

冇錯！係頭先！頭先一眨眼！而家又變返十點...正正常常嘅鐘！

點會咁㗎...點會咁㗎？又有幻覺？

「綽廷～綽廷？喂綽延！」華哥把聲喺我身旁出現！

『吓吓？』我回頭一望，望住華哥企喺我個位旁邊，『華哥早...早晨吖華哥～』

「點吖你？」華哥面帶笑容咁打量住我，「冇事吖嘛？咁呆咁嘅？」

『我我...』我定一定神，『冇...冇事...冇事吖～』

冇事...冇事...有幻覺姐...冇事嘅...

「真係冇事吖嘛？」華哥搭一搭我膊頭，「係唔係見唔舒服吖？唔舒服就返去抖吓啦～」

『唔係唔係～真係冇事～真係冇事～』最起碼而家冇事...冇幻覺...

「係㗎喇喎～」華哥拍一拍我膊頭，「真係見唔舒服就返去抖吓啦～唔好辛苦自己吖～」

『係嘅係嘅～知道知道～』

「咁好啦～睇住自己喇～」

『我會我會～』

華哥帶住微笑點點頭後，轉身離去...

望住華哥嘅背影越行越遠，行返入自己間房。

幻覺...幻覺...都係食返粒藥先！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 04－偶然幻覺] PART 02

立即食返粒藥，坐一陣...

望清楚整間辦公室...都同平時一樣。

已經將[Day 04－偶然幻覺] PART 01 Upload上Penana

完本

幻覺嚟㗎啫 嚇我唔到嘅

謝校對

原 原 原 原 原 原 抄返六次先

食完藥就冇幻覺啦

影影晚