【重甜】【明就明 唔明就黎明】《XG快落》(2)

上回講到綽廷見差唔多時候，就Save埋啲File去食Lunch～
其實Lunch都係自己揀時間嘅～所以就揀返晴晴放Lunch嘅時間囉～
揸車過去～雖然有啲遠，但好快就到～
晴晴都啱啱喺學校行出嚟～見到綽廷已經到咗，就同幾個好姊妹講幾句，飛撲埋去綽廷身上～
好掛住呢～
晴晴話附近啱啱開咗間日本嘢好似幾正喎～
去喇去喇～雖間間學校都係呢個鐘數放Lunch，但去到都唔使等位㗎～
啲嘢食好正喎～
梗係啦～全部都係XG吸收咗日本嘅知識技術繁殖出嚟㗎嘛～
而家只有偉大嘅祖國同XG先係最安全～其他國家同地方都極危險㗎！
同晴晴開開心心幸幸福福咁二人世界撐檯腳～
你餵吓我～我又餵吓你～食到飽飽～拎樽藥出嚟一睇...
『嗯？得返一粒添...』原來已經食晒...
「係？」晴晴都拎咗樽藥出嚟食。
『嗯...不過唔緊要啦～』綽廷食埋最後一粒，『啱啱好今日去打針～』
「哦～～～咁又真係好啱喎～」晴晴眼定定咁望實綽廷...
『嗯...』綽廷點一點頭，然後就暈一暈...
個人又好似...輕飄飄...個靈魂好似想由肉體中抽離...
而眼前嘅晴晴...好似分身咁...分出兩個...三個...四個...五個六個...好似摩天輪咁順時針旋轉...
「綽......廷...綽...廷...綽廷？」晴晴喺綽廷面前揮揮手...
『嗯嗯？』綽廷定一定神，『做咩？』
「你做咩先啱吖～」晴晴帶住微笑打量住綽廷，「呆晒咁嘅？」
『我？哦...冇～暈暈地姐...』點解呢？
「又暈咗好耐吖？」晴晴皺皺眉...
『少少啦...少少啦...』點解又會咁呢？
「咁...你陣間打針同醫生講喇喎...」晴晴有啲唔放心咁...
『哦...我會我會...咁我今日接唔到你放學喇喎...』明明之前一直都冇咁暈...
「嗯～」晴晴帶住天真無邪嘅笑容點點頭，「放心啦～我自己返去都得嘅～」
『嗯嗯～放心～放心～』點解呢排好似...暈得咁緊要㗎呢？
跟住既劇情發展又會係點呢？



準備出文